UtshovChapter 215
215.1
वैशंपायन उवाच
सोऽब्रवीदर्जुनं चैव वासुदेवं च सात्वतम्
लोकप्रवीरौ तिष्ठन्तौ खाण्डवस्य समीपतः
Vaishampayana uvacha
Sobravidarjunam chaiva vasudevam cha satvatam
Lokapravirau tishthantau khandavasya samipatah
215.2
ब्राह्मणो बहुभोक्तास्मि भुञ्जेऽपरिमितं सदा
भिक्षे वार्ष्णेयपार्थौ वामेकां तृप्तिं प्रयच्छताम्
Brahmano bahubhoktasmi bhunjeparimitam sada
Bhikshe varshneyaparthau vamekam triptim prayachchhatam
215.3
एवमुक्तौ तमब्रूतां ततस्तौ कृष्णपाण्डवौ
केनान्नेन भवांस्तृप्येत्तस्यान्नस्य यतावहे
Evamuktau tamabrutam tatastau krishnapandavau
Kenannena bhavanstripyettasyannasya yatavahe
215.4
एवमुक्तः स भगवानब्रवीत्तावुभौ ततः
भाषमाणौ तदा वीरौ किमन्नं क्रियतामिति
Evamuktah sa bhagavanabravittavubhau tatah
Bhashamanau tada virau kimannam kriyatamiti
215.5
नाहमन्नं बुभुक्षे वै पावकं मां निबोधतम्
यदन्नमनुरूपं मे तद्युवां संप्रयच्छतम्
Nahamannam bubhukshe vai pavakam mam nibodhatam
Yadannamanurupam me tadyuvam samprayachchhatam
215.6
इदमिन्द्रः सदा दावं खाण्डवं परिरक्षति
तं न शक्नोम्यहं दग्धुं रक्ष्यमाणं महात्मना
Idamindrah sada davam khandavam parirakshati
Tam na shaknomyaham dagdhum rakshyamanam mahatmana
215.7
वसत्यत्र सखा तस्य तक्षकः पन्नगः सदा
सगणस्तत्कृते दावं परिरक्षति वज्रभृत्
Vasatyatra sakha tasya takshakah pannagah sada
Saganastatkrite davam parirakshati vajrabhrit
215.8
तत्र भूतान्यनेकानि रक्ष्यन्ते स्म प्रसङ्गतः
तं दिधक्षुर्न शक्नोमि दग्धुं शक्रस्य तेजसा
Tatra bhutanyanekani rakshyante sma prasangatah
Tam didhakshurna shaknomi dagdhum shakrasya tejasa
215.9
स मां प्रज्वलितं दृष्ट्वा मेघाम्भोभिः प्रवर्षति
ततो दग्धुं न शक्नोमि दिधक्षुर्दावमीप्सितम्
Sa mam prajvalitam drishtva meghambhobhih pravarshati
Tato dagdhum na shaknomi didhakshurdavamipsitam
215.10
स युवाभ्यां सहायाभ्यामस्त्रविद्भ्यां समागतः
दहेयं खाण्डवं दावमेतदन्नं वृतं मया
Sa yuvabhyam sahayabhyamastravidbhyam samagatah
Daheyam khandavam davametadannam vritam maya
215.11
युवां ह्युदकधारास्ता भूतानि च समन्ततः
उत्तमास्त्रविदौ सम्यक्सर्वतो वारयिष्यथः
Yuvam hyudakadharasta bhutani cha samantatah
Uttamastravidau samyaksarvato varayishyathah
215.12
एवमुक्ते प्रत्युवाच बीभत्सुर्जातवेदसम्
दिधक्षुं खाण्डवं दावमकामस्य शतक्रतोः
Evamukte pratyuvacha bibhatsurjatavedasam
Didhakshum khandavam davamakamasya shatakratoh
215.13
उत्तमास्त्राणि मे सन्ति दिव्यानि च बहूनि च
यैरहं शक्नुयां योद्धुमपि वज्रधरान्बहून्
Uttamastrani me santi divyani cha bahuni cha
Yairaham shaknuyam yoddhumapi vajradharanbahun
215.14
धनुर्मे नास्ति भगवन्बाहुवीर्येण संमितम्
कुर्वतः समरे यत्नं वेगं यद्विषहेत मे
Dhanurme nasti bhagavanbahuviryena sammitam
Kurvatah samare yatnam vegam yadvishaheta me
215.15
शरैश्च मेऽर्थो बहुभिरक्षयैः क्षिप्रमस्यतः
न हि वोढुं रथः शक्तः शरान्मम यथेप्सितान्
Sharaishcha mertho bahubhirakshayaih kshipramasyatah
Na hi vodhum rathah shaktah sharanmama yathepsitan
215.16
अश्वांश्च दिव्यानिच्छेयं पाण्डुरान्वातरंहसः
रथं च मेघनिर्घोषं सूर्यप्रतिमतेजसम्
Ashvanshcha divyanichchheyam panduranvataranhasah
Ratham cha meghanirghosham suryapratimatejasam
215.17
तथा कृष्णस्य वीर्येण नायुधं विद्यते समम्
येन नागान्पिशाचांश्च निहन्यान्माधवो रणे
Tatha krishnasya viryena nayudham vidyate samam
Yena naganpishachanshcha nihanyanmadhavo rane
215.18
उपायं कर्मणः सिद्धौ भगवन्वक्तुमर्हसि
निवारयेयं येनेन्द्रं वर्षमाणं महावने
Upayam karmanah siddhau bhagavanvaktumarhasi
Nivarayeyam yenendram varshamanam mahavane
215.19
पौरुषेण तु यत्कार्यं तत्कर्तारौ स्व पावक
करणानि समर्थानि भगवन्दातुमर्हसि
Paurushena tu yatkaryam tatkartarau sva pavaka
Karanani samarthani bhagavandatumarhasi