UtshovChapter 208
208.1
वैशंपायन उवाच
ततः समुद्रे तीर्थानि दक्षिणे भरतर्षभः
अभ्यगच्छत्सुपुण्यानि शोभितानि तपस्विभिः
Vaishampayana uvacha
Tatah samudre tirthani dakshine bharatarshabhah
Abhyagachchhatsupunyani shobhitani tapasvibhih
208.2
वर्जयन्ति स्म तीर्थानि पञ्च तत्र तु तापसाः
आचीर्णानि तु यान्यासन्पुरस्तात्तु तपस्विभिः
Varjayanti sma tirthani pancha tatra tu tapasah
Achirnani tu yanyasanpurastattu tapasvibhih
208.3
अगस्त्यतीर्थं सौभद्रं पौलोमं च सुपावनम्
कारंधमं प्रसन्नं च हयमेधफलं च यत्
भारद्वाजस्य तीर्थं च पापप्रशमनं महत्
Agastyatirtham saubhadram paulomam cha supavanam
Karandhamam prasannam cha hayamedhaphalam cha yat
Bharadvajasya tirtham cha papaprashamanam mahat
208.4
विविक्तान्युपलक्ष्याथ तानि तीर्थानि पाण्डवः
दृष्ट्वा च वर्ज्यमानानि मुनिभिर्धर्मबुद्धिभिः
Viviktanyupalakshyatha tani tirthani pandavah
Drishtva cha varjyamanani munibhirdharmabuddhibhih
208.5
तपस्विनस्ततोऽपृच्छत्प्राज्ञलिः कुरुनन्दनः
तीर्थानीमानि वर्ज्यन्ते किमर्थं ब्रह्मवादिभिः
Tapasvinastatoprichchhatpragyalih kurunandanah
Tirthanimani varjyante kimartham brahmavadibhih
208.6
तापसा ऊचुः
ग्राहाः पञ्च वसन्त्येषु हरन्ति च तपोधनान्
अत एतानि वर्ज्यन्ते तीर्थानि कुरुनन्दन
Tapasa uchuh
Grahah pancha vasantyeshu haranti cha tapodhanan
Ata etani varjyante tirthani kurunandana
208.7
वैशंपायन उवाच
तेषां श्रुत्वा महाबाहुर्वार्यमाणस्तपोधनैः
जगाम तानि तीर्थानि द्रष्टुं पुरुषसत्तमः
Vaishampayana uvacha
Tesham shrutva mahabahurvaryamanastapodhanaih
Jagama tani tirthani drashtum purushasattamah
208.8
ततः सौभद्रमासाद्य महर्षेस्तीर्थमुत्तमम्
विगाह्य तरसा शूरः स्नानं चक्रे परंतपः
Tatah saubhadramasadya maharshestirthamuttamam
Vigahya tarasa shurah snanam chakre parantapah
208.9
अथ तं पुरुषव्याघ्रमन्तर्जलचरो महान्
निजग्राह जले ग्राहः कुन्तीपुत्रं धनंजयम्
Atha tam purushavyaghramantarjalacharo mahan
Nijagraha jale grahah kuntiputram dhananjayam
208.10
स तमादाय कौन्तेयो विस्फुरन्तं जलेचरम्
उदतिष्ठन्महाबाहुर्बलेन बलिनां वरः
Sa tamadaya kaunteyo visphurantam jalecharam
Udatishthanmahabahurbalena balinam varah
208.11
उत्कृष्ट एव तु ग्राहः सोऽर्जुनेन यशस्विना
बभूव नारी कल्याणी सर्वाभरणभूषिता
दीप्यमाना श्रिया राजन्दिव्यरूपा मनोरमा
Utkrishta eva tu grahah sorjunena yashasvina
Babhuva nari kalyani sarvabharanabhushita
Dipyamana shriya rajandivyarupa manorama
208.12
तदद्भुतं महद्दृष्ट्वा कुन्तीपुत्रो धनंजयः
तां स्त्रियं परमप्रीत इदं वचनमब्रवीत्
Tadadbhutam mahaddrishtva kuntiputro dhananjayah
Tam striyam paramaprita idam vachanamabravit
208.13
का वै त्वमसि कल्याणि कुतो वासि जलेचरी
किमर्थं च महत्पापमिदं कृतवती पुरा
Ka vai tvamasi kalyani kuto vasi jalechari
Kimartham cha mahatpapamidam kritavati pura
208.14
नार्युवाच
अप्सरास्मि महाबाहो देवारण्यविचारिणी
इष्टा धनपतेर्नित्यं वर्गा नाम महाबल
Naryuvacha
Apsarasmi mahabaho devaranyavicharini
Ishta dhanapaternityam varga nama mahabala
208.15
मम सख्यश्चतस्रोऽन्याः सर्वाः कामगमाः शुभाः
ताभिः सार्धं प्रयातास्मि लोकपालनिवेशनम्
Mama sakhyashchatasronyah sarvah kamagamah shubhah
Tabhih sardham prayatasmi lokapalaniveshanam
208.16
ततः पश्यामहे सर्वा ब्राह्मणं संशितव्रतम्
रूपवन्तमधीयानमेकमेकान्तचारिणम्
Tatah pashyamahe sarva brahmanam sanshitavratam
Rupavantamadhiyanamekamekantacharinam
208.17
तस्य वै तपसा राजंस्तद्वनं तेजसावृतम्
आदित्य इव तं देशं कृत्स्नं स व्यवभासयत्
Tasya vai tapasa rajanstadvanam tejasavritam
Aditya iva tam desham kritsnam sa vyavabhasayat
208.18
तस्य दृष्ट्वा तपस्तादृग्रूपं चाद्भुतदर्शनम्
अवतीर्णाः स्म तं देशं तपोविघ्नचिकीर्षया
Tasya drishtva tapastadrigrupam chadbhutadarshanam
Avatirnah sma tam desham tapovighnachikirshaya
208.19
अहं च सौरभेयी च समीची बुद्बुदा लता
यौगपद्येन तं विप्रमभ्यगच्छाम भारत
Aham cha saurabheyi cha samichi budbuda lata
Yaugapadyena tam vipramabhyagachchhama bharata
208.20
गायन्त्यो वै हसन्त्यश्च लोभयन्त्यश्च तं द्विजम्
स च नास्मासु कृतवान्मनो वीर कथंचन
नाकम्पत महातेजाः स्थितस्तपसि निर्मले
Gayantyo vai hasantyashcha lobhayantyashcha tam dvijam
Sa cha nasmasu kritavanmano vira kathanchana
Nakampata mahatejah sthitastapasi nirmale
208.21
सोऽशपत्कुपितोऽस्मांस्तु ब्राह्मणः क्षत्रियर्षभ
ग्राहभूता जले यूयं चरिष्यध्वं शतं समाः
Soshapatkupitosmanstu brahmanah kshatriyarshabha
Grahabhuta jale yuyam charishyadhvam shatam samah