UtshovChapter 140
140.1
वैशंपायन उवाच
तां विदित्वा चिरगतां हिडिम्बो राक्षसेश्वरः
अवतीर्य द्रुमात्तस्मादाजगामाथ पाण्डवान्
Vaishampayana uvacha
Tam viditva chiragatam hidimbo rakshaseshvarah
Avatirya drumattasmadajagamatha pandavan
140.2
लोहिताक्षो महाबाहुरूर्ध्वकेशो महाबलः
मेघसंघातवर्ष्मा च तीक्ष्णदंष्ट्रोज्ज्वलाननः
Lohitaksho mahabahururdhvakesho mahabalah
Meghasanghatavarshma cha tikshnadanshtrojjvalananah
140.3
तमापतन्तं दृष्ट्वैव तथा विकृतदर्शनम्
हिडिम्बोवाच वित्रस्ता भीमसेनमिदं वचः
Tamapatantam drishtvaiva tatha vikritadarshanam
Hidimbovacha vitrasta bhimasenamidam vachah
140.4
आपतत्येष दुष्टात्मा संक्रुद्धः पुरुषादकः
त्वामहं भ्रातृभिः सार्धं यद्ब्रवीमि तथा कुरु
Apatatyesha dushtatma sankruddhah purushadakah
Tvamaham bhratribhih sardham yadbravimi tatha kuru
140.5
अहं कामगमा वीर रक्षोबलसमन्विता
आरुहेमां मम श्रोणीं नेष्यामि त्वां विहायसा
Aham kamagama vira rakshobalasamanvita
Aruhemam mama shronim neshyami tvam vihayasa
140.6
प्रबोधयैनान्संसुप्तान्मातरं च परंतप
सर्वानेव गमिष्यामि गृहीत्वा वो विहायसा
Prabodhayainansansuptanmataram cha parantapa
Sarvaneva gamishyami grihitva vo vihayasa
140.7
भीम उवाच
मा भैस्त्वं विपुलश्रोणि नैष कश्चिन्मयि स्थिते
अहमेनं हनिष्यामि प्रेक्षन्त्यास्ते सुमध्यमे
Bhima uvacha
Ma bhaistvam vipulashroni naisha kashchinmayi sthite
Ahamenam hanishyami prekshantyaste sumadhyame
140.8
नायं प्रतिबलो भीरु राक्षसापसदो मम
सोढुं युधि परिस्पन्दमथ वा सर्वराक्षसाः
Nayam pratibalo bhiru rakshasapasado mama
Sodhum yudhi parispandamatha va sarvarakshasah
140.9
पश्य बाहू सुवृत्तौ मे हस्तिहस्तनिभाविमौ
ऊरू परिघसंकाशौ संहतं चाप्युरो मम
Pashya bahu suvrittau me hastihastanibhavimau
Uru parighasankashau sanhatam chapyuro mama
140.10
विक्रमं मे यथेन्द्रस्य साद्य द्रक्ष्यसि शोभने
मावमंस्थाः पृथुश्रोणि मत्वा मामिह मानुषम्
Vikramam me yathendrasya sadya drakshyasi shobhane
Mavamansthah prithushroni matva mamiha manusham
140.11
हिडिम्बोवाच
नावमन्ये नरव्याघ्र त्वामहं देवरूपिणम्
दृष्टापदानस्तु मया मानुषेष्वेव राक्षसः
Hidimbovacha
Navamanye naravyaghra tvamaham devarupinam
Drishtapadanastu maya manusheshveva rakshasah
140.12
वैशंपायन उवाच
तथा संजल्पतस्तस्य भीमसेनस्य भारत
वाचः शुश्राव ताः क्रुद्धो राक्षसः पुरुषादकः
Vaishampayana uvacha
Tatha sanjalpatastasya bhimasenasya bharata
Vachah shushrava tah kruddho rakshasah purushadakah
140.13
अवेक्षमाणस्तस्याश्च हिडिम्बो मानुषं वपुः
स्रग्दामपूरितशिखं समग्रेन्दुनिभाननम्
Avekshamanastasyashcha hidimbo manusham vapuh
Sragdamapuritashikham samagrendunibhananam
140.14
सुभ्रूनासाक्षिकेशान्तं सुकुमारनखत्वचम्
सर्वाभरणसंयुक्तं सुसूक्ष्माम्बरवाससम्
Subhrunasakshikeshantam sukumaranakhatvacham
Sarvabharanasanyuktam susukshmambaravasasam
140.15
तां तथा मानुषं रूपं बिभ्रतीं सुमनोहरम्
पुंस्कामां शङ्कमानश्च चुक्रोध पुरुषादकः
Tam tatha manusham rupam bibhratim sumanoharam
Punskamam shankamanashcha chukrodha purushadakah
140.16
संक्रुद्धो राक्षसस्तस्या भगिन्याः कुरुसत्तम
उत्फाल्य विपुले नेत्रे ततस्तामिदमब्रवीत्
Sankruddho rakshasastasya bhaginyah kurusattama
Utphalya vipule netre tatastamidamabravit
140.17
को हि मे भोक्तुकामस्य विघ्नं चरति दुर्मतिः
न बिभेषि हिडिम्बे किं मत्कोपाद्विप्रमोहिता
Ko hi me bhoktukamasya vighnam charati durmatih
Na bibheshi hidimbe kim matkopadvipramohita
140.18
धिक्त्वामसति पुंस्कामे मम विप्रियकारिणि
पूर्वेषां राक्षसेन्द्राणां सर्वेषामयशस्करि
Dhiktvamasati punskame mama vipriyakarini
Purvesham rakshasendranam sarveshamayashaskari
140.19
यानिमानाश्रिताकार्षीरप्रियं सुमहन्मम
एष तानद्य वै सर्वान्हनिष्यामि त्वया सह
Yanimanashritakarshirapriyam sumahanmama
Esha tanadya vai sarvanhanishyami tvaya saha
140.20
एवमुक्त्वा हिडिम्बां स हिडिम्बो लोहितेक्षणः
वधायाभिपपातैनां दन्तैर्दन्तानुपस्पृशन्
Evamuktva hidimbam sa hidimbo lohitekshanah
Vadhayabhipapatainam dantairdantanupasprishan
140.21
तमापतन्तं संप्रेक्ष्य भीमः प्रहरतां वरः
भर्त्सयामास तेजस्वी तिष्ठ तिष्ठेति चाब्रवीत्
Tamapatantam samprekshya bhimah praharatam varah
Bhartsayamasa tejasvi tishtha tishtheti chabravit