UtshovChapter 14
14.1
शौनक उवाच
सौते कथय तामेतां विस्तरेण कथां पुनः
आस्तीकस्य कवेः साधोः शुश्रूषा परमा हि नः
Shaunaka uvacha
Saute kathaya tametam vistarena katham punah
Astikasya kaveh sadhoh shushrusha parama hi nah
14.2
मधुरं कथ्यते सौम्य श्लक्ष्णाक्षरपदं त्वया
प्रीयामहे भृशं तात पितेवेदं प्रभाषसे
Madhuram kathyate saumya shlakshnaksharapadam tvaya
Priyamahe bhrisham tata pitevedam prabhashase
14.3
अस्मच्छुश्रूषणे नित्यं पिता हि निरतस्तव
आचष्टैतद्यथाख्यानं पिता ते त्वं तथा वद
Asmachchhushrushane nityam pita hi niratastava
Achashtaitadyathakhyanam pita te tvam tatha vada
14.4
सूत उवाच
आयुष्यमिदमाख्यानमास्तीकं कथयामि ते
यथा श्रुतं कथयतः सकाशाद्वै पितुर्मया
Suta uvacha
Ayushyamidamakhyanamastikam kathayami te
Yatha shrutam kathayatah sakashadvai piturmaya
14.5
पुरा देवयुगे ब्रह्मन्प्रजापतिसुते शुभे
आस्तां भगिन्यौ रूपेण समुपेतेऽद्भुतेऽनघे
Pura devayuge brahmanprajapatisute shubhe
Astam bhaginyau rupena samupetedbhutenaghe
14.6
ते भार्ये कश्यपस्यास्तां कद्रूश्च विनता च ह
प्रादात्ताभ्यां वरं प्रीतः प्रजापतिसमः पतिः
कश्यपो धर्मपत्नीभ्यां मुदा परमया युतः
Te bharye kashyapasyastam kadrushcha vinata cha ha
Pradattabhyam varam pritah prajapatisamah patih
Kashyapo dharmapatnibhyam muda paramaya yutah
14.7
वरातिसर्गं श्रुत्वैव कश्यपादुत्तमं च ते
हर्षादप्रतिमां प्रीतिं प्रापतुः स्म वरस्त्रियौ
Varatisargam shrutvaiva kashyapaduttamam cha te
Harshadapratimam pritim prapatuh sma varastriyau
14.8
वव्रे कद्रूः सुतान्नागान्सहस्रं तुल्यतेजसः
द्वौ पुत्रौ विनता वव्रे कद्रूपुत्राधिकौ बले
ओजसा तेजसा चैव विक्रमेणाधिकौ सुतौ
Vavre kadruh sutannagansahasram tulyatejasah
Dvau putrau vinata vavre kadruputradhikau bale
Ojasa tejasa chaiva vikramenadhikau sutau
14.9
तस्यै भर्ता वरं प्रादादध्यर्धं पुत्रमीप्सितम्
एवमस्त्विति तं चाह कश्यपं विनता तदा
Tasyai bharta varam pradadadhyardham putramipsitam
Evamastviti tam chaha kashyapam vinata tada
14.10
कृतकृत्या तु विनता लब्ध्वा वीर्याधिकौ सुतौ
कद्रूश्च लब्ध्वा पुत्राणां सहस्रं तुल्यतेजसाम्
Kritakritya tu vinata labdhva viryadhikau sutau
Kadrushcha labdhva putranam sahasram tulyatejasam
14.11
धार्यौ प्रयत्नतो गर्भावित्युक्त्वा स महातपाः
ते भार्ये वरसंहृष्टे कश्यपो वनमाविशत्
Dharyau prayatnato garbhavityuktva sa mahatapah
Te bharye varasanhrishte kashyapo vanamavishat
14.12
कालेन महता कद्रूरण्डानां दशतीर्दश
जनयामास विप्रेन्द्र द्वे अण्डे विनता तदा
Kalena mahata kadrurandanam dashatirdasha
Janayamasa viprendra dve ande vinata tada
14.13
तयोरण्डानि निदधुः प्रहृष्टाः परिचारिकाः
सोपस्वेदेषु भाण्डेषु पञ्च वर्षशतानि च
Tayorandani nidadhuh prahrishtah paricharikah
Sopasvedeshu bhandeshu pancha varshashatani cha
14.14
ततः पञ्चशते काले कद्रूपुत्रा विनिःसृताः
अण्डाभ्यां विनतायास्तु मिथुनं न व्यदृश्यत
Tatah panchashate kale kadruputra vinihsritah
Andabhyam vinatayastu mithunam na vyadrishyata
14.15
ततः पुत्रार्थिणी देवी व्रीडिता सा तपस्विनी
अण्डं बिभेद विनता तत्र पुत्रमदृक्षत
Tatah putrarthini devi vridita sa tapasvini
Andam bibheda vinata tatra putramadrikshata
14.16
पूर्वार्धकायसंपन्नमितरेणाप्रकाशता
स पुत्रो रोषसंपन्नः शशापैनामिति श्रुतिः
Purvardhakayasampannamitarenaprakashata
Sa putro roshasampannah shashapainamiti shrutih
14.17
योऽहमेवं कृतो मातस्त्वया लोभपरीतया
शरीरेणासमग्रोऽद्य तस्माद्दासी भविष्यसि
Yohamevam krito matastvaya lobhaparitaya
Sharirenasamagrodya tasmaddasi bhavishyasi
14.18
पञ्च वर्षशतान्यस्या यया विस्पर्धसे सह
एष च त्वां सुतो मातर्दास्यत्वान्मोक्षयिष्यति
Pancha varshashatanyasya yaya vispardhase saha
Esha cha tvam suto matardasyatvanmokshayishyati
14.19
यद्येनमपि मातस्त्वं मामिवाण्डविभेदनात्
न करिष्यस्यदेहं वा व्यङ्गं वापि तपस्विनम्
Yadyenamapi matastvam mamivandavibhedanat
Na karishyasyadeham va vyangam vapi tapasvinam
14.20
प्रतिपालयितव्यस्ते जन्मकालोऽस्य धीरया
विशिष्टबलमीप्सन्त्या पञ्चवर्षशतात्परः
Pratipalayitavyaste janmakalosya dhiraya
Vishishtabalamipsantya panchavarshashatatparah
14.21
एवं शप्त्वा ततः पुत्रो विनतामन्तरिक्षगः
अरुणो दृश्यते ब्रह्मन्प्रभातसमये सदा
Evam shaptva tatah putro vinatamantarikshagah
Aruno drishyate brahmanprabhatasamaye sada
14.22
गरुडोऽपि यथाकालं जज्ञे पन्नगसूदनः
स जातमात्रो विनतां परित्यज्य खमाविशत्
Garudopi yathakalam jagye pannagasudanah
Sa jatamatro vinatam parityajya khamavishat
14.23
आदास्यन्नात्मनो भोज्यमन्नं विहितमस्य यत्
विधात्रा भृगुशार्दूल क्षुधितस्य बुभुक्षतः
Adasyannatmano bhojyamannam vihitamasya yat
Vidhatra bhrigushardula kshudhitasya bubhukshatah