UtshovChapter 135
135.1
वैशंपायन उवाच
विदुरस्य सुहृत्कश्चित्खनकः कुशलः क्वचित्
विविक्ते पाण्डवान्राजन्निदं वचनमब्रवीत्
Vaishampayana uvacha
Vidurasya suhritkashchitkhanakah kushalah kvachit
Vivikte pandavanrajannidam vachanamabravit
135.2
प्रहितो विदुरेणास्मि खनकः कुशलो भृशम्
पाण्डवानां प्रियं कार्यमिति किं करवाणि वः
Prahito vidurenasmi khanakah kushalo bhrisham
Pandavanam priyam karyamiti kim karavani vah
135.3
प्रच्छन्नं विदुरेणोक्तः श्रेयस्त्वमिह पाण्डवान्
प्रतिपादय विश्वासादिति किं करवाणि वः
Prachchhannam vidurenoktah shreyastvamiha pandavan
Pratipadaya vishvasaditi kim karavani vah
135.4
कृष्णपक्षे चतुर्दश्यां रात्रावस्य पुरोचनः
भवनस्य तव द्वारि प्रदास्यति हुताशनम्
Krishnapakshe chaturdashyam ratravasya purochanah
Bhavanasya tava dvari pradasyati hutashanam
135.5
मात्रा सह प्रदग्धव्याः पाण्डवाः पुरुषर्षभाः
इति व्यवसितं पार्थ धार्तराष्ट्रस्य मे श्रुतम्
Matra saha pradagdhavyah pandavah purusharshabhah
Iti vyavasitam partha dhartarashtrasya me shrutam
135.6
किंचिच्च विदुरेणोक्तो म्लेच्छवाचासि पाण्डव
त्वया च तत्तथेत्युक्तमेतद्विश्वासकारणम्
Kinchichcha vidurenokto mlechchhavachasi pandava
Tvaya cha tattathetyuktametadvishvasakaranam
135.7
उवाच तं सत्यधृतिः कुन्तीपुत्रो युधिष्ठिरः
अभिजानामि सौम्य त्वां सुहृदं विदुरस्य वै
Uvacha tam satyadhritih kuntiputro yudhishthirah
Abhijanami saumya tvam suhridam vidurasya vai
135.8
शुचिमाप्तं प्रियं चैव सदा च दृढभक्तिकम्
न विद्यते कवेः किंचिदभिज्ञानप्रयोजनम्
Shuchimaptam priyam chaiva sada cha dridhabhaktikam
Na vidyate kaveh kinchidabhigyanaprayojanam
135.9
यथा नः स तथा नस्त्वं निर्विशेषा वयं त्वयि
भवतः स्म यथा तस्य पालयास्मान्यथा कविः
Yatha nah sa tatha nastvam nirvishesha vayam tvayi
Bhavatah sma yatha tasya palayasmanyatha kavih
135.10
इदं शरणमाग्नेयं मदर्थमिति मे मतिः
पुरोचनेन विहितं धार्तराष्ट्रस्य शासनात्
Idam sharanamagneyam madarthamiti me matih
Purochanena vihitam dhartarashtrasya shasanat
135.11
स पापः कोशवांश्चैव ससहायश्च दुर्मतिः
अस्मानपि च दुष्टात्मा नित्यकालं प्रबाधते
Sa papah koshavanshchaiva sasahayashcha durmatih
Asmanapi cha dushtatma nityakalam prabadhate
135.12
स भवान्मोक्षयत्वस्मान्यत्नेनास्माद्धुताशनात्
अस्मास्विह हि दग्धेषु सकामः स्यात्सुयोधनः
Sa bhavanmokshayatvasmanyatnenasmaddhutashanat
Asmasviha hi dagdheshu sakamah syatsuyodhanah
135.13
समृद्धमायुधागारमिदं तस्य दुरात्मनः
वप्रान्ते निष्प्रतीकारमाश्लिष्येदं कृतं महत्
Samriddhamayudhagaramidam tasya duratmanah
Vaprante nishpratikaramashlishyedam kritam mahat
135.14
इदं तदशुभं नूनं तस्य कर्म चिकीर्षितम्
प्रागेव विदुरो वेद तेनास्मानन्वबोधयत्
Idam tadashubham nunam tasya karma chikirshitam
Prageva viduro veda tenasmananvabodhayat
135.15
सेयमापदनुप्राप्ता क्षत्ता यां दृष्टवान्पुरा
पुरोचनस्याविदितानस्मांस्त्वं विप्रमोचय
Seyamapadanuprapta kshatta yam drishtavanpura
Purochanasyaviditanasmanstvam vipramochaya
135.16
स तथेति प्रतिश्रुत्य खनको यत्नमास्थितः
परिखामुत्किरन्नाम चकार सुमहद्बिलम्
Sa tatheti pratishrutya khanako yatnamasthitah
Parikhamutkirannama chakara sumahadbilam
135.17
चक्रे च वेश्मनस्तस्य मध्ये नातिमहन्मुखम्
कपाटयुक्तमज्ञातं समं भूम्या च भारत
Chakre cha veshmanastasya madhye natimahanmukham
Kapatayuktamagyatam samam bhumya cha bharata
135.18
पुरोचनभयाच्चैव व्यदधात्संवृतं मुखम्
स तत्र च गृहद्वारि वसत्यशुभधीः सदा
Purochanabhayachchaiva vyadadhatsanvritam mukham
Sa tatra cha grihadvari vasatyashubhadhih sada
135.19
तत्र ते सायुधाः सर्वे वसन्ति स्म क्षपां नृप
दिवा चरन्ति मृगयां पाण्डवेया वनाद्वनम्
Tatra te sayudhah sarve vasanti sma kshapam nripa
Diva charanti mrigayam pandaveya vanadvanam
135.20
विश्वस्तवदविश्वस्ता वञ्चयन्तः पुरोचनम्
अतुष्टास्तुष्टवद्राजन्नूषुः परमदुःखिताः
Vishvastavadavishvasta vanchayantah purochanam
Atushtastushtavadrajannushuh paramaduhkhitah
135.21
न चैनानन्वबुध्यन्त नरा नगरवासिनः
अन्यत्र विदुरामात्यात्तस्मात्खनकसत्तमात्
Na chainananvabudhyanta nara nagaravasinah
Anyatra viduramatyattasmatkhanakasattamat