UtshovChapter 108
108.1
जनमेजय उवाच
ज्येष्ठानुज्येष्ठतां तेषां नामधेयानि चाभिभो
धृतराष्ट्रस्य पुत्राणामानुपूर्व्येण कीर्तय
Janamejaya uvacha
Jyeshthanujyeshthatam tesham namadheyani chabhibho
Dhritarashtrasya putranamanupurvyena kirtaya
108.2
वैशंपायन उवाच
दुर्योधनो युयुत्सुश्च राजन्दुःशासनस्तथा
दुःसहो दुःशलश्चैव जलसंधः समः सहः
Vaishampayana uvacha
Duryodhano yuyutsushcha rajanduhshasanastatha
Duhsaho duhshalashchaiva jalasandhah samah sahah
108.3
विन्दानुविन्दौ दुर्धर्षः सुबाहुर्दुष्प्रधर्षणः
दुर्मर्षणो दुर्मुखश्च दुष्कर्णः कर्ण एव च
Vindanuvindau durdharshah subahurdushpradharshanah
Durmarshano durmukhashcha dushkarnah karna eva cha
108.4
विविंशतिर्विकर्णश्च जलसंधः सुलोचनः
चित्रोपचित्रौ चित्राक्षश्चारुचित्रः शरासनः
Vivinshatirvikarnashcha jalasandhah sulochanah
Chitropachitrau chitrakshashcharuchitrah sharasanah
108.5
दुर्मदो दुष्प्रगाहश्च विवित्सुर्विकटः समः
ऊर्णनाभः सुनाभश्च तथा नन्दोपनन्दकौ
Durmado dushpragahashcha vivitsurvikatah samah
Urnanabhah sunabhashcha tatha nandopanandakau
108.6
सेनापतिः सुषेणश्च कुण्डोदरमहोदरौ
चित्रबाणश्चित्रवर्मा सुवर्मा दुर्विमोचनः
Senapatih sushenashcha kundodaramahodarau
Chitrabanashchitravarma suvarma durvimochanah
108.7
अयोबाहुर्महाबाहुश्चित्राङ्गश्चित्रकुण्डलः
भीमवेगो भीमबलो बलाकी बलवर्धनः
Ayobahurmahabahushchitrangashchitrakundalah
Bhimavego bhimabalo balaki balavardhanah
108.8
उग्रायुधो भीमकर्मा कनकायुर्दृढायुधः
दृढवर्मा दृढक्षत्रः सोमकीर्तिरनूदरः
Ugrayudho bhimakarma kanakayurdridhayudhah
Dridhavarma dridhakshatrah somakirtiranudarah
108.9
दृढसंधो जरासंधः सत्यसंधः सदःसुवाक्
उग्रश्रवा अश्वसेनः सेनानीर्दुष्पराजयः
Dridhasandho jarasandhah satyasandhah sadahsuvak
Ugrashrava ashvasenah senanirdushparajayah
108.10
अपराजितः पण्डितको विशालाक्षो दुरावरः
दृढहस्तः सुहस्तश्च वातवेगसुवर्चसौ
Aparajitah panditako vishalaksho duravarah
Dridhahastah suhastashcha vatavegasuvarchasau
108.11
आदित्यकेतुर्बह्वाशी नागदन्तोग्रयायिनौ
कवची निषङ्गी पाशी च दण्डधारो धनुर्ग्रहः
Adityaketurbahvashi nagadantograyayinau
Kavachi nishangi pashi cha dandadharo dhanurgrahah
108.12
उग्रो भीमरथो वीरो वीरबाहुरलोलुपः
अभयो रौद्रकर्मा च तथा दृढरथस्त्रयः
Ugro bhimaratho viro virabahuralolupah
Abhayo raudrakarma cha tatha dridharathastrayah
108.13
अनाधृष्यः कुण्डभेदी विरावी दीर्घलोचनः
दीर्घबाहुर्महाबाहुर्व्यूढोरुः कनकध्वजः
Anadhrishyah kundabhedi viravi dirghalochanah
Dirghabahurmahabahurvyudhoruh kanakadhvajah
108.14
कुण्डाशी विरजाश्चैव दुःशला च शताधिका
एतदेकशतं राजन्कन्या चैका प्रकीर्तिता
Kundashi virajashchaiva duhshala cha shatadhika
Etadekashatam rajankanya chaika prakirtita
108.15
नामधेयानुपूर्व्येण विद्धि जन्मक्रमं नृप
सर्वे त्वतिरथाः शूराः सर्वे युद्धविशारदाः
Namadheyanupurvyena viddhi janmakramam nripa
Sarve tvatirathah shurah sarve yuddhavisharadah
108.16
सर्वे वेदविदश्चैव राजशास्त्रेषु कोविदाः
सर्वे संसर्गविद्यासु विद्याभिजनशोभिनः
Sarve vedavidashchaiva rajashastreshu kovidah
Sarve sansargavidyasu vidyabhijanashobhinah
108.17
सर्वेषामनुरूपाश्च कृता दारा महीपते
धृतराष्ट्रेण समये समीक्ष्य विधिवत्तदा
Sarveshamanurupashcha krita dara mahipate
Dhritarashtrena samaye samikshya vidhivattada
108.18
दुःशलां समये राजा सिन्धुराजाय भारत
जयद्रथाय प्रददौ सौबलानुमते तदा
Duhshalam samaye raja sindhurajaya bharata
Jayadrathaya pradadau saubalanumate tada