UtshovChapter 10
10.1
रुरुरुवाच
मम प्राणसमा भार्या दष्टासीद्भुजगेन ह
तत्र मे समयो घोर आत्मनोरग वै कृतः
Rururuvacha
Mama pranasama bharya dashtasidbhujagena ha
Tatra me samayo ghora atmanoraga vai kritah
10.2
हन्यां सदैव भुजगं यं यं पश्येयमित्युत
ततोऽहं त्वां जिघांसामि जीवितेन विमोक्ष्यसे
Hanyam sadaiva bhujagam yam yam pashyeyamityuta
Tatoham tvam jighansami jivitena vimokshyase
10.3
डुण्डुभ उवाच
अन्ये ते भुजगा विप्र ये दशन्तीह मानवान्
डुण्डुभानहिगन्धेन न त्वं हिंसितुमर्हसि
Dundubha uvacha
Anye te bhujaga vipra ye dashantiha manavan
Dundubhanahigandhena na tvam hinsitumarhasi
10.4
एकानर्थान्पृथगर्थानेकदुःखान्पृथक्सुखान्
डुण्डुभान्धर्मविद्भूत्वा न त्वं हिंसितुमर्हसि
Ekanarthanprithagarthanekaduhkhanprithaksukhan
Dundubhandharmavidbhutva na tvam hinsitumarhasi
10.5
सूत उवाच
इति श्रुत्वा वचस्तस्य भुजगस्य रुरुस्तदा
नावधीद्भयसंविग्न ऋषिं मत्वाथ डुण्डुभम्
Suta uvacha
Iti shrutva vachastasya bhujagasya rurustada
Navadhidbhayasanvigna rishim matvatha dundubham
10.6
उवाच चैनं भगवान्रुरुः संशमयन्निव
कामया भुजग ब्रूहि कोऽसीमां विक्रियां गतः
Uvacha chainam bhagavanruruh sanshamayanniva
Kamaya bhujaga bruhi kosimam vikriyam gatah
10.7
डुण्डुभ उवाच
अहं पुरा रुरो नाम्ना ऋषिरासं सहस्रपात्
सोऽहं शापेन विप्रस्य भुजगत्वमुपागतः
Dundubha uvacha
Aham pura ruro namna rishirasam sahasrapat
Soham shapena viprasya bhujagatvamupagatah
10.8
रुरुरुवाच
किमर्थं शप्तवान्क्रुद्धो द्विजस्त्वां भुजगोत्तम
कियन्तं चैव कालं ते वपुरेतद्भविष्यति
Rururuvacha
Kimartham shaptavankruddho dvijastvam bhujagottama
Kiyantam chaiva kalam te vapuretadbhavishyati