Sukta 6

6.1

Vishaghnam, 1-8 garatman, takshakah, 1 brahmanah, 2 dyavaprithivi, saptasindhavah, 3 suparnah, 4-8 visham, anushtup

ब्रा॒ह्म॒णो ज॑ज्ञे प्रथ॒मो दश॑शीर्षो॒ दशा॑स्यः ।
स सोमं॑ प्रथ॒मः प॑पौ॒ स चकारार॒सं वि॒षम् ॥१॥

Brahmano jagye prathamo dashashirsho dashasyah
Sa somam prathamah papau sa chakararasam visham

6.2

याव॑ती॒ द्यावा॑पृथि॒वी व॑रि॒म्णा यावत् स॒प्त सिन्ध॑वो वितष्ठि॒रे।
वाचं॑ वि॒षस्य॒ दूष॑णीं॒ तामि॒तो निर॑वादिषम् ॥२॥

Yavati dyavaprithivi varimna yavat sapta sindhavo vitashthire
Vacham vishasya dushanim tamito niravadisham

6.3

सु॒प॒र्णस्त्वा॑ ग॒रुत्मा॒न्विष॑ प्रथ॒ममा॑वयत्।
नामी॑मदो॒ नारू॑रुप उ॒तास्मा॑ अभवः पि॒तुः ॥३॥

Suparnastva garutmanvisha prathamamavayat
Namimado narurupa utasma abhavah pituh

6.4

यस्त॒ आस्य॒त् पञ्चा॑ङ्गुरिर्व॒क्राच्चि॒दधि॒ धन्व॑नः ।
अ॒प॒स्क॒म्भस्य॑ श॒ल्यान्निर॑वोचम॒हं वि॒षम् ॥४॥

Yasta asyat panchangurirvakrachchidadhi dhanvanah
Apaskambhasya shalyanniravochamaham visham

6.5

श॒ल्याद्वि॒षं निर॑वोचं प्राञ्ज॑नादु॒त प॒र्ण॒धेः ।
अ॒पा॒ष्ठाच्छृङ्गा॒त्कुल्म॑ला॒न्निर॑वोचमहं वि॒ष॑म् ॥५॥

Shalyadvisham niravocham pranjanaduta parnadheh
Apashthachchhringatkulmalanniravochamaham visham

6.6

अ॒र॒सस्त॑ इषो श॒ल्योऽथो॑ ते अ॒र॒सं वि॒षम्।
उ॒तार॒सस्य॑ वृ॒क्षस्य॒ धनु॑ष्टे अरसार॒सम् ॥६॥

Arasasta isho shalyotho te arasam visham
Utarasasya vrikshasya dhanushte arasarasam

6.7

ये अपी॑ष॒न् ये अदि॑ह॒न् य आस्य॒न् ये अ॒वासृ॑जन्।
सर्वे॒ ते वध्र॑यः कृ॒ता वध्रि॑र्विषगि॒रिः कृतः ॥७॥

Ye apishan ye adihan ya asyan ye avasrijan
Sarve te vadhrayah krita vadhrirvishagirih kritah

6.8

वध्र॑यस्ते खनि॒तारो॒ वध्रि॒स्त्वम॑स्योषधे ।
वध्रिः॒ स पर्व॑तो गि॒रिर्यतो॑ जा॒तमि॒दं वि॒षम् ॥८॥

Vadhrayaste khanitaro vadhristvamasyoshadhe
Vadhrih sa parvato giriryato jatamidam visham