Sukta 5

5.1

Svapanam, 1-7 brahma, svapanam, vrishabhah, anushtup, 2 bhurik, 7 purastajjyotistrishtup

स॒हस्र॑शृङ्गो वृष॒भो यः स॑मु॒द्रादु॒दाच॑रत्।
तेना॑ सह॒स्येऽना व॒यं नि जना॑न्त्स्वापयामसि ॥१॥

Sahasrashringo vrishabho yah samudradudacharat
Tena sahasyena vayam ni janantsvapayamasi

न भूमिं॒ वातो॒ अति॑ वाति॒ नाति॑ पश्यति॒ कश्च॒न।
स्त्रिय॑श्च॒ सर्वाः॑ स्वा॒पय॒ शुन॒श्चेन्द्र॑सखा॒ चर॑न् ॥२॥

Na bhumim vato ati vati nati pashyati kashchana
Striyashcha sarvah svapaya shunashchendrasakha charan

प्रो॒ष्ठे॒श॒यास्त॑ल्पेश॒या नारी॒र्या व॑ह्य॒शीव॑रीः ।
स्त्रियो॒ याः पुण्य॑गन्धय॒स्ताः सर्वाः॑ स्वापयामसि ॥३॥

Proshtheshayastalpeshaya narirya vahyashivarih
Striyo yah punyagandhayastah sarvah svapayamasi

एज॑देजदजग्रभं॒ चक्षुः॑ प्रा॒णम॑जग्रभम्।
अङ्गा॑न्यजग्रभं॒ सर्वा॑ रात्री॑णामतिशर्व॒रे ॥४॥

Ejadejadajagrabham chakshuh pranamajagrabham
Anganyajagrabham sarva ratrinamatisharvare

य आस्ते॒ यश्चर॑ति॒ यश्च॒ तिष्ठ॑न्वि॒पश्य॑ति ।
तेषां॒ सं द॑ध्मो॒ अक्षी॑णि॒ यथे॒दं ह॒र्म्यं तथा॑ ॥५॥

Ya aste yashcharati yashcha tishthanvipashyati
Tesham sam dadhmo akshini yathedam harmyam tatha

स्वप्तु॑ मा॒ता स्वप्तु॑ पि॒ता स्वप्तु॒ श्वा स्वप्तु॑ वि॒श्पतिः॑ ।
स्वप॑न्त्वस्यै ज्ञा॒तयः॒ स्वप्त्व॒यम॒भितो॒ जनः॑ ॥६॥

Svaptu mata svaptu pita svaptu shva svaptu vishpatih
Svapantvasyai gyatayah svaptvayamabhito janah

स्वप्न॑ स्वप्नाभि॒कर॑णेन॒ सर्वं॒ नि स्वापया॒ जन॑म्।
ओ॒त्सू॒र्यम॒न्यान्त्स्वा॒पया॑व्यु॒षं जा॑गृताद॒हमिन्द्र॑ इ॒वारि॑ष्टो॒ अक्षि॑तः ॥७॥

Svapna svapnabhikaranena sarvam ni svapaya janam
Otsuryamanyantsvapayavyusham jagritadahamindra ivarishto akshitah