সূক্ত 5

5.1

স্বাপনম্। ১-৭ ব্রহ্ম। স্বাপনং, বৃষভঃ। অনুষ্টুপ্,২ ভুরিক্, ৭ পুরস্তাজ্জ্যোতিস্ত্রিষ্টুপ্।

সহস্রশৃঙ্গো বৃষভো যঃ সমুদ্রাদুদাচরৎ।
তেনা সহস্যেঽনা বয়ং নি জনান্ত্স্বাপয়ামসি ॥১॥

5.2

ন ভূমিং বাতো অতি বাতি নাতি পশ্যতি কশ্চন।
স্ত্রিয়শ্চ সর্বাঃ স্বাপয় শুনশ্চেন্দ্রসখা চরন্ ॥২॥

5.3

প্রোষ্ঠেশয়াস্তল্পেশয়া নারীর্যা বহ্যশীবরীঃ ।
স্ত্রিয়ো যাঃ পুণ্যগন্ধয়স্তাঃ সর্বাঃ স্বাপয়ামসি ॥৩॥

5.4

এজদেজদজগ্রভং চক্ষুঃ প্রাণমজগ্রভম্।
অঙ্গান্যজগ্রভং সর্বা রাত্রীণামতিশর্বরে ॥৪॥

5.5

য আস্তে যশ্চরতি যশ্চ তিষ্ঠন্বিপশ্যতি ।
তেষাং সং দধ্মো অক্ষীণি যথেদং হর্ম্যং তথা ॥৫॥

5.6

স্বপ্তু মাতা স্বপ্তু পিতা স্বপ্তু শ্বা স্বপ্তু বিশ্পতিঃ ।
স্বপন্ত্বস্যৈ জ্ঞাতয়ঃ স্বপ্ত্বয়মভিতো জনঃ ॥৬॥

5.7

স্বপ্ন স্বপ্নাভিকরণেন সর্বং নি স্বাপয়া জনম্।
ওত্সূর্যমন্যান্ত্স্বাপয়াব্যুষং জাগৃতাদহমিন্দ্র ইবারিষ্টো অক্ষিতঃ ॥৭॥