সূক্ত 6

6.1

বিষঘ্নম্। ১-৮ গরত্মান্। তক্ষকঃ, ১ ব্রাহ্মণঃ, ২ দ্যাবাপৃথিবী, সপ্তসিন্ধবঃ, ৩ সুপর্ণঃ, ৪-৮ বিষম্। অনুষ্টুপ্।

ব্রাহ্মণো জজ্ঞে প্রথমো দশশীর্ষো দশাস্যঃ ।
স সোমং প্রথমঃ পপৌ স চকারারসং বিষম্ ॥১॥

6.2

যাবতী দ্যাবাপৃথিবী বরিম্ণা যাবৎ সপ্ত সিন্ধবো বিতষ্ঠিরে।
বাচং বিষস্য দূষণীং তামিতো নিরবাদিষম্ ॥২॥

6.3

সুপর্ণস্ত্বা গরুত্মান্বিষ প্রথমমাবয়ৎ।
নামীমদো নারূরুপ উতাস্মা অভবঃ পিতুঃ ॥৩॥

6.4

যস্ত আস্যৎ পঞ্চাঙ্গুরির্বক্রাচ্চিদধি ধন্বনঃ ।
অপস্কম্ভস্য শল্যান্নিরবোচমহং বিষম্ ॥৪॥

6.5

শল্যাদ্বিষং নিরবোচং প্রাঞ্জনাদুত পর্ণধেঃ ।
অপাষ্ঠাচ্ছৃঙ্গাত্কুল্মলান্নিরবোচমহং বিষম্ ॥৫॥

6.6

অরসস্ত ইষো শল্যোঽথো তে অরসং বিষম্।
উতারসস্য বৃক্ষস্য ধনুষ্টে অরসারসম্ ॥৬॥

6.7

যে অপীষন্ যে অদিহন্ য আস্যন্ যে অবাসৃজন্।
সর্বে তে বধ্রয়ঃ কৃতা বধ্রির্বিষগিরিঃ কৃতঃ ॥৭॥

6.8

বধ্রয়স্তে খনিতারো বধ্রিস্ত্বমস্যোষধে ।
বধ্রিঃ স পর্বতো গিরির্যতো জাতমিদং বিষম্ ॥৮॥