UtshovSukta 63
63.1
इ॒मा नु कं॒ भुव॑ना सीषधा॒मेन्द्र॑श्च॒ विश्वे॑ च दे॒वाः ।
य॒ज्ञं च॑ नस्त॒न्वं च प्र॒जां चा॑दि॒त्यैरिन्द्रः॑ स॒ह ची॑क्लृपाति ॥१॥
Ima nu kam bhuvana sishadhamendrashcha vishve cha devah
Yagyam cha nastanvam cha prajam chadityairindrah saha chiklripati
63.2
आ॒दि॒त्यैरिन्द्रः॒ सग॑णो म॒रुद्भि॑र॒स्माकं॑ भूत्ववि॒ता त॒नूना॑म्।
ह॒त्वाय॑ दे॒वा असु॑रा॒न् यदाय॑न् दे॒वा दे॑व॒त्वम॑भि॒रक्ष॑माणाः ॥२॥
Adityairindrah sagano marudbhirasmakam bhutvavita tanunam
Hatvaya deva asuran yadayan deva devatvamabhirakshamanah
63.3
प्र॒त्यञ्च॑म॒र्कम॑नयं॒ छची॑भि॒रादित् स्व॒धामि॑षि॒रां पर्य॑पश्यन्।
अ॒या वाजं॑ दे॒वहि॑तं सनेम॒ मदे॑म श॒तहि॑माः सु॒वीराः॑ ॥३॥
Pratyanchamarkamanayam chhachibhiradit svadhamishiram paryapashyan
Aya vajam devahitam sanema madema shatahimah suvirah
63.4
य एक॒ इद् वि॒दय॑ते॒ वसु॒ मर्ता॑य दा॒शुषे॑ । ईशा॑नो॒ अप्र॑तिष्कुत॒ इन्द्रो॑ अ॒ङ्ग ॥४॥
Ya eka id vidayate vasu martaya dashushe, ishano apratishkuta indro anga
63.5
क॒दा मर्त॑मरा॒धसं॑ प॒दा क्षुम्प॑मिव स्फुरत्। क॒दा नः॑ शुश्रव॒द् गिर॒ इन्द्रो॑ अ॒ङ्ग ॥५॥
Kada martamaradhasam pada kshumpamiva sphurat, kada nah shushravad gira indro anga
63.6
यश्चि॒द्धि त्वा॑ ब॒हुभ्य॒ आ सु॒तावां॑ आ॒विवा॑सति । उ॒ग्रं तत् प॑त्यते॒ शव॒ इन्द्रो॑ अ॒ङ्ग ॥६॥
Yashchiddhi tva bahubhya a sutavam avivasati, ugram tat patyate shava indro anga
63.7
य इ॑न्द्र सोम॒पात॑मो॒ मदः॑ शविष्ठ॒ चेत॑ति । येना॒ हंसि॒ न्य॑१त्त्रिणं॒ तमी॑महे ॥७॥
Ya indra somapatamo madah shavishtha chetati, yena hansi nya1ttrinam tamimahe
63.8
येना॒ दश॑ग्व॒मध्रि॑गुं वे॒पय॑न्तं॒ स्वर्णरम्। येना॑ समु॒द्रमावि॑था॒ तमी॑महे ॥८॥
Yena dashagvamadhrigum vepayantam svarnaram, yena samudramavitha tamimahe
63.9
येन॒ सिन्धुं॑ म॒हीर॒पो रथां॑ इव प्रचो॒दयः॑ । पन्था॑मृ॒तस्य॒ यात॑वे॒ तमी॑महे ॥९॥
Yena sindhum mahirapo ratham iva prachodayah, panthamritasya yatave tamimahe