UtshovSukta 62
62.1
व॒यमु॒ त्वाम॑पूर्व्य स्थू॒रं न कच्चि॒द् भर॑न्तोऽव॒स्यवः॑ । वाजे॑ चि॒त्रं ह॑वामहे ॥१॥
Vayamu tvamapurvya sthuram na kachchid bharantovasyavah, vaje chitram havamahe
62.2
उप॑ त्वा॒ कर्म॑न्नू॒तये॑ स नो॒ युवो॒ग्रश्च॑क्राम॒ यो धृ॒षत्।
त्वामिद्ध्य॑वि॒तारं॑ ववृ॒महे॒ सखा॑य इन्द्र सान॒सिम् ॥२॥
Upa tva karmannutaye sa no yuvograshchakrama yo dhrishat
Tvamiddhyavitaram vavrimahe sakhaya indra sanasim
62.3
यो न॑ इ॒दमि॑दं पु॒रा प्र वस्य॑ आनि॒नाय॒ तमु॑ व स्तुषे । सखा॑य॒ इन्द्र॑मू॒तये॑ ॥३॥
Yo na idamidam pura pra vasya aninaya tamu va stushe, sakhaya indramutaye
62.4
हर्य॑श्वं॒ सत्प॑तिं चर्षणी॒सहं॒ स हि ष्मा॒ यो अम॑न्दत ।
आ तु नः॒ स व॑यति॒ गव्य॒मश्व्यं॑ स्तो॒तृभ्यो॑ म॒घवा॑ श॒तम् ॥४॥
Haryashvam satpatim charshanisaham sa hi shma yo amandata
A tu nah sa vayati gavyamashvyam stotribhyo maghava shatam
62.5
इन्द्रा॑य॒ साम॑ गायत॒ विप्रा॑य बृह॒ते बृ॒हत्। ध॒र्म॒कृते॑ विप॒श्चिते॑ पन॒स्यवे॑ ॥५॥
Indraya sama gayata vipraya brihate brihat, dharmakrite vipashchite panasyave
62.6
त्वमि॑न्द्राभि॒भूर॑सि॒ त्वं सूर्य॑मरोचयः । वि॒श्वक॑र्मा वि॒श्वदे॑वो म॒हाँ अ॑सि ॥६॥
Tvamindrabhibhurasi tvam suryamarochayah, vishvakarma vishvadevo maham asi
62.7
वि॒भ्राजं॒ ज्योति॑षा॒ स्व॑१रग॑च्छो रोच॒नं दि॒वः । दे॒वास्त॑ इन्द्र स॒ख्याय॑ येमिरे ॥७॥
Vibhrajam jyotisha sva1ragachchho rochanam divah, devasta indra sakhyaya yemire
62.8
तम्व॒भि प्र गा॑यत पुरुहू॒तं पु॑रुष्टु॒तम्। इन्द्रं॑ गी॒र्भिस्त॑वि॒षमा वि॑वासत ॥८॥
Tamvabhi pra gayata puruhutam purushtutam, indram girbhistavishama vivasata
62.9
यस्य॑ द्वि॒बर्ह॑सो बृ॒हत् सहो॑ दा॒धार॒ रोद॑सी । गि॒रींरज्रां॑ अ॒पः स्वऽर्वृषत्व॒ना ॥९॥
Yasya dvibarhaso brihat saho dadhara rodasi, girinrajram apah svarvrishatvana
62.10
स रा॑जसि पुरुष्टुतं॒ एको॑ वृ॒त्राणि॑ जिघ्नसे । इन्द्र॒ जैत्रा॑ श्रव॒स्याऽ च॒ यन्त॑वे ॥१०॥
Sa rajasi purushtutam eko vritrani jighnase, indra jaitra shravasya cha yantave