সূক্ত 62

62.1

বয়মু ত্বামপূর্ব্য স্থূরং ন কচ্চিদ্ ভরন্তোঽবস্যবঃ । বাজে চিত্রং হবামহে ॥১॥

উপ ত্বা কর্মন্নূতয়ে স নো যুবোগ্রশ্চক্রাম যো ধৃষৎ।
ত্বামিদ্ধ্যবিতারং ববৃমহে সখায় ইন্দ্র সানসিম্ ॥২॥

যো ন ইদমিদং পুরা প্র বস্য আনিনায় তমু ব স্তুষে । সখায় ইন্দ্রমূতয়ে ॥৩॥

হর্যশ্বং সত্পতিং চর্ষণীসহং স হি ষ্মা যো অমন্দত ।
আ তু নঃ স বয়তি গব্যমশ্ব্যং স্তোতৃভ্যো মঘবা শতম্ ॥৪॥

ইন্দ্রায় সাম গায়ত বিপ্রায় বৃহতে বৃহৎ। ধর্মকৃতে বিপশ্চিতে পনস্যবে ॥৫॥

ত্বমিন্দ্রাভিভূরসি ত্বং সূর্যমরোচয়ঃ । বিশ্বকর্মা বিশ্বদেবো মহাঁ অসি ॥৬॥

বিভ্রাজং জ্যোতিষা স্ব১রগচ্ছো রোচনং দিবঃ । দেবাস্ত ইন্দ্র সখ্যায় যেমিরে ॥৭॥

তম্বভি প্র গায়ত পুরুহূতং পুরুষ্টুতম্। ইন্দ্রং গীর্ভিস্তবিষমা বিবাসত ॥৮॥

যস্য দ্বিবর্হসো বৃহৎ সহো দাধার রোদসী । গিরীংরজ্রাং অপঃ স্বঽর্বৃষত্বনা ॥৯॥

স রাজসি পুরুষ্টুতং একো বৃত্রাণি জিঘ্নসে । ইন্দ্র জৈত্রা শ্রবস্যাঽ চ যন্তবে ॥১০॥