সূক্ত 63

63.1

ইমা নু কং ভুবনা সীষধামেন্দ্রশ্চ বিশ্বে চ দেবাঃ ।
যজ্ঞং চ নস্তন্বং চ প্রজাং চাদিত্যৈরিন্দ্রঃ সহ চীক্লৃপাতি ॥১॥

আদিত্যৈরিন্দ্রঃ সগণো মরুদ্ভিরস্মাকং ভূত্ববিতা তনূনাম্।
হত্বায় দেবা অসুরান্ যদায়ন্ দেবা দেবত্বমভিরক্ষমাণাঃ ॥২॥

প্রত্যঞ্চমর্কমনয়ং ছচীভিরাদিৎ স্বধামিষিরাং পর্যপশ্যন্।
অয়া বাজং দেবহিতং সনেম মদেম শতহিমাঃ সুবীরাঃ ॥৩॥

য এক ইদ্ বিদয়তে বসু মর্তায় দাশুষে । ঈশানো অপ্রতিষ্কুত ইন্দ্রো অঙ্গ ॥৪॥

কদা মর্তমরাধসং পদা ক্ষুম্পমিব স্ফুরৎ। কদা নঃ শুশ্রবদ্ গির ইন্দ্রো অঙ্গ ॥৫॥

যশ্চিদ্ধি ত্বা বহুভ্য আ সুতাবাং আবিবাসতি । উগ্রং তৎ পত্যতে শব ইন্দ্রো অঙ্গ ॥৬॥

য ইন্দ্র সোমপাতমো মদঃ শবিষ্ঠ চেততি । যেনা হংসি ন্য১ত্ত্রিণং তমীমহে ॥৭॥

যেনা দশগ্বমধ্রিগুং বেপয়ন্তং স্বর্ণরম্। যেনা সমুদ্রমাবিথা তমীমহে ॥৮॥

যেন সিন্ধুং মহীরপো রথাং ইব প্রচোদয়ঃ । পন্থামৃতস্য যাতবে তমীমহে ॥৯॥