Sukta 64

64.1

एन्द्र॑ नो गधि प्रि॒यः स॑त्रा॒जिदगो॑ह्यः । गि॒रिर्न वि॒श्वत॑स्पृ॒थुः पति॑र्दि॒वः ॥१॥

Endra no gadhi priyah satrajidagohyah, girirna vishvatasprithuh patirdivah

अ॒भि हि स॑त्य सोमपा उ॒भे ब॒भूथ॒ रोद॑सी । इन्द्रासि॑ सुन्व॒तो वृ॒धः पति॑र्दि॒वः ॥२॥

Abhi hi satya somapa ubhe babhutha rodasi, indrasi sunvato vridhah patirdivah

त्वं हि शश्व॑तीना॒मिन्द्र॑ द॒र्ता पु॒रामसि॑ । ह॒न्ता दस्यो॒र्मनो॑र्वृ॒धः पति॑र्दि॒वः ॥३॥

Tvam hi shashvatinamindra darta puramasi, hanta dasyormanorvridhah patirdivah

एदु॒ मध्वो॑ म॒दिन्त॑रं सि॒ञ्च वा॑ध्वर्यो॒ अन्ध॑सः । एवा हि वी॒र स्तव॑ते स॒दावृ॑धः ॥४॥

Edu madhvo madintaram sincha vadhvaryo andhasah, eva hi vira stavate sadavridhah

इन्द्र॑ स्थातर्हरीणां॒ नकि॑ष्टे पू॒र्व्यस्तु॑तिम्। उदा॑नंश॒ शव॑सा॒ न भ॒न्दना॑ ॥५॥

Indra sthatarharinam nakishte purvyastutim, udanansha shavasa na bhandana

तं वो॒ वाजा॑नां॒ पति॒महू॑महि श्रव॒स्यवः॑ । अप्रा॑युभिर्य॒ज्ञेभि॑र्वावृ॒धेन्य॑म् ॥६॥

Tam vo vajanam patimahumahi shravasyavah, aprayubhiryagyebhirvavridhenyam