Sukta 35

35.1

Vishvakarma, 1-5 angirah, vishvakarma, trishtup, 1 brihatigarbha, 4-5 bhurik

ये भ॒क्षय॑न्तो॒ न वसू॑न्यानृ॒धुर्यान॒ग्नयो॑ अ॒न्वत॑प्यन्त॒ धिष्ण्याः॑ ।
या तेषा॑मव॒या दुरि॑ष्टिः॒ स्विऽष्टिं न॒स्तां कृ॑णवद् वि॒श्वक॑र्मा ॥१॥

Ye bhakshayanto na vasunyanridhuryanagnayo anvatapyanta dhishnyah
Ya teshamavaya durishtih svishtim nastam krinavad vishvakarma

35.2

य॒ज्ञप॑ति॒मृष॑यः॒ एन॑साहु॒र्निर्भ॑क्तं प्र॒जा अ॑नुत॒प्यमा॑नम्।
म॒थ॒व्या॒ऽन्त्स्तो॒कानप॒ यान् र॒राध॒ सं न॒ष्टेभिः॑ सृजतु वि॒श्वक॑र्मा ॥२॥

Yagyapatimrishayah enasahurnirbhaktam praja anutapyamanam
Mathavyantstokanapa yan raradha sam nashtebhih srijatu vishvakarma

35.3

अ॒दा॒न्यान्त्सो॑म॒पान् मन्य॑मानो य॒ज्ञस्य॑ वि॒द्वान्त्स॑म॒ये न धीरः॑ ।
यदेन॑श्चकृ॒वान् ब॒द्ध ए॒ष तं वि॑श्वकर्म॒न् प्र मु॑ञ्चा स्व॒स्तये॑ ॥३॥

Adanyantsomapan manyamano yagyasya vidvantsamaye na dhirah
Yadenashchakrivan baddha esha tam vishvakarman pra muncha svastaye

35.4

घो॒रा ऋष॑यो॒ नमो॑ अस्त्वेभ्य॒श्चक्षु॒र्यदे॑षां॒ मन॑सश्च स॒त्यम्।
बृह॒स्पत॑ये महिष द्यु॒मन्नमो॒ विश्व॑कर्म॒न् नम॑स्ते पा॒ह्य॑१स्मा॑न् ॥४॥

Ghora rishayo namo astvebhyashchakshuryadesham manasashcha satyam
Brihaspataye mahisha dyumannamo vishvakarman namaste pahya1sman

35.5

य॒ज्ञस्य॒ चक्षुः॒ प्रभृ॑ति॒र्मुखं॑ च वा॒चा श्रोत्रे॑ण॒ मन॑सा जुहोमि ।
इ॒मं य॒ज्ञं वित॑तं वि॒श्वक॑र्म॒णा दे॒वा य॑न्तु सुमन॒स्यमा॑नाः ॥५॥

Yagyasya chakshuh prabhritirmukham cha vacha shrotrena manasa juhomi
Imam yagyam vitatam vishvakarmana deva yantu sumanasyamanah