সূক্ত 35

35.1

বিশ্বকর্মা। ১-৫ অঙ্গিরাঃ। বিশ্বকর্মা। ত্রিষ্টুপ্, ১ বৃহতীগর্ভা, ৪-৫ ভুরিক্।

যে ভক্ষয়ন্তো ন বসূন্যানৃধুর্যানগ্নয়ো অন্বতপ্যন্ত ধিষ্ণ্যাঃ ।
যা তেষামবয়া দুরিষ্টিঃ স্বিঽষ্টিং নস্তাং কৃণবদ্ বিশ্বকর্মা ॥১॥

35.2

যজ্ঞপতিমৃষয়ঃ এনসাহুর্নির্ভক্তং প্রজা অনুতপ্যমানম্।
মথব্যাঽন্ত্স্তোকানপ যান্ ররাধ সং নষ্টেভিঃ সৃজতু বিশ্বকর্মা ॥২॥

35.3

অদান্যান্ত্সোমপান্ মন্যমানো যজ্ঞস্য বিদ্বান্ত্সময়ে ন ধীরঃ ।
যদেনশ্চকৃবান্ বদ্ধ এষ তং বিশ্বকর্মন্ প্র মুঞ্চা স্বস্তয়ে ॥৩॥

35.4

ঘোরা ঋষয়ো নমো অস্ত্বেভ্যশ্চক্ষুর্যদেষাং মনসশ্চ সত্যম্।
বৃহস্পতয়ে মহিষ দ্যুমন্নমো বিশ্বকর্মন্ নমস্তে পাহ্য১স্মান্ ॥৪॥

35.5

যজ্ঞস্য চক্ষুঃ প্রভৃতির্মুখং চ বাচা শ্রোত্রেণ মনসা জুহোমি ।
ইমং যজ্ঞং বিততং বিশ্বকর্মণা দেবা যন্তু সুমনস্যমানাঃ ॥৫॥