সূক্ত 36

36.1

পতিবেদনম্। ১-৮ পতিবেদনঃ। ১অগ্নিঃ, ২ সোমঃ, অর্যমা, ধাতা, ৩ অগ্নীষোমৌ, ৪ ইন্দ্রঃ, ৫ সূর্যঃ, ৬ ধনপতিঃ, ৭ ভগঃ, ৮ ঔষধিঃ। ত্রিষ্টুপ্, ১ভুরিক্, ২, ৫-৭ অনুষ্টুপ্, ৮ নিচৃত্পুরউষ্ণিক্।

আ নো অগ্নে সুমতিং সংভলো গমেদিমাং কুমারীং সহ নো ভগেন ।
জুষ্টা বরেষু সমনেষু বল্গুরোষং পত্যা সৌভগমস্ত্বস্যৈ ॥১॥

36.2

সোমজুষ্টং ব্রহ্মজুষ্টমর্যম্ণা সংভৃতং ভগম্।
ধাতুর্দেবস্য সত্যেন কৃণোমি পতিবেদনম্ ॥২॥

36.3

ইয়মগ্নে নারী পতিং বিদেষ্ট সোমো হি রাজা সুভগাং কৃণোতি ।
সুবানা পুত্রান্ মহিষী ভবাতি গত্বা পতিং সুভগা বি রাজতু ॥৩॥

36.4

যথাখরো মঘবংশ্চারুরেষ প্রিয়ো মৃগাণাং সুষদা বভূব ।
এবা ভগস্য জুষ্টেয়মস্তু নারী সংপ্রিয়া পত্যাবিরাধয়ন্তী ॥৪॥

36.5

ভগস্য নাবমা রোহ পূর্ণামনুপদস্বতীম্।
তয়োপপ্রতারয় যো বরঃ প্রতিকাম্যঃ ॥৫॥

36.6

আ ক্রন্দয় ধনপতে বরমামনসং কৃণু ।
সর্বং প্রদক্ষিণং কৃণু যো বরঃ প্রতিকাম্যঃ ॥৬॥

36.7

ইদং হিরণ্যং গুল্গুল্বয়মৌক্ষো অথো ভগঃ ।
এতে পতিভ্যস্ত্বামদুঃ প্রতিকামায় বেত্তবে ॥৭॥

36.8

আ তে নয়তু সবিতা নয়তু পতির্যঃ প্রতিকাম্যঃ ।
ত্বমস্যৈ ধেহ্যোষধে ॥৮॥