Sukta 26

26.1

Pashusanvardhanam, 1-5 savita, pashavah, trishtup, 3 uparishtadvirad brihati, 4 bhuriganushtup, 5 anushtup

एह य॑न्तु प॒शवो॒ ये प॑रे॒युर्वा॒युर्येषां॑ सहचा॒रं जु॒जोष॑ ।
त्वष्टा॒ येषां॑ रूप॒धेया॑नि वेदा॒स्मिन् तान् गो॒ष्ठे स॑वि॒ता नि य॑छतु ॥१॥

Eha yantu pashavo ye pareyurvayuryesham sahacharam jujosha
Tvashta yesham rupadheyani vedasmin tan goshthe savita ni yachhatu

26.2

इ॒मं गो॒ष्ठं प॒शवः॒ सं स्र॑वन्तु॒ बृह॒स्पति॒रा न॑यतु प्रजा॒नन्।
सि॒नी॒वा॒ली न॑य॒त्वाग्र॑मेषामाज॒ग्मुषो॑ अनुमते॒ नि य॑छ ॥२॥

Imam goshtham pashavah sam sravantu brihaspatira nayatu prajanan
Sinivali nayatvagrameshamajagmusho anumate ni yachha

26.3

सं सं स्र॑वन्तु प॒शवः॒ समश्वाः॒ समु॒ पूरु॑षाः ।
सं धा॒न्यऽस्य॒ या स्फा॒तिः सं॑स्रा॒व्येऽण ह॒विषा॑ जुहोमि ॥३॥

Sam sam sravantu pashavah samashvah samu purushah
Sam dhanyasya ya sphatih sansravyena havisha juhomi

26.4

सं सि॑ञ्चामि॒ गवां॑ क्षी॒रं समाज्ये॑न॒ बलं॒ रसम्।
संसि॑क्ता अ॒स्माकं॑ वी॒रा ध्रु॒वा गावो॒ मयि॒ गोप॑तौ ॥४॥

Sam sinchami gavam kshiram samajyena balam rasam
Sansikta asmakam vira dhruva gavo mayi gopatau

26.5

आ ह॑रामि॒ गवां॑ क्षी॒रमाहा॑र्षं धा॒न्यं॑१ रस॑म्।
आहृ॑ता अ॒स्माकं॑ वी॒रा आ पत्नी॑रि॒दमस्त॑कम् ॥५॥

A harami gavam kshiramaharsham dhanyan1 rasam
Ahrita asmakam vira a patniridamastakam