সূক্ত 26

26.1

পশুসংবর্ধনম্। ১-৫ সবিতা। পশবঃ। ত্রিষ্টুপ্, ৩ উপরিষ্টাদ্বিরাড্ বৃহতী, ৪ ভুরিগনুষ্টুপ্, ৫ অনুষ্টুপ্।

এহ যন্তু পশবো যে পরেয়ুর্বায়ুর্যেষাং সহচারং জুজোষ ।
ত্বষ্টা যেষাং রূপধেয়ানি বেদাস্মিন্ তান্ গোষ্ঠে সবিতা নি যছতু ॥১॥

26.2

ইমং গোষ্ঠং পশবঃ সং স্রবন্তু বৃহস্পতিরা নয়তু প্রজানন্।
সিনীবালী নয়ত্বাগ্রমেষামাজগ্মুষো অনুমতে নি যছ ॥২॥

26.3

সং সং স্রবন্তু পশবঃ সমশ্বাঃ সমু পূরুষাঃ ।
সং ধান্যঽস্য যা স্ফাতিঃ সংস্রাব্যেঽণ হবিষা জুহোমি ॥৩॥

26.4

সং সিঞ্চামি গবাং ক্ষীরং সমাজ্যেন বলং রসম্।
সংসিক্তা অস্মাকং বীরা ধ্রুবা গাবো ময়ি গোপতৌ ॥৪॥

26.5

আ হরামি গবাং ক্ষীরমাহার্ষং ধান্যং১ রসম্।
আহৃতা অস্মাকং বীরা আ পত্নীরিদমস্তকম্ ॥৫॥