সূক্ত 25

25.1

পৃশ্নিপর্ণী। ১-৫ চাতনঃ। পৃশ্নিপর্ণী বনস্পতিঃ। অনুষ্টুপ্, ৪ ভুরিক্।

শং নো দেবী পৃশ্নিপর্ণ্যশং নিরৃত্যা অকঃ ।
উগ্রা হি কণ্বজম্ভনী তামভক্ষি সহস্বতীম্ ॥১॥

25.2

সহমানেয়ং প্রথমা পৃশ্নিপর্ণ্যঽজায়ত ।
তয়াহং দুর্ণাম্নাং শিরো বৃশ্চামি শকুনেরিব ॥২॥

25.3

অরায়মসৃক্পাবানং যশ্চ স্ফাতিং জিহীর্ষতি ।
গর্ভাদং কণ্বং নাশয় পৃশ্নিপর্ণি সহস্ব চ ॥৩॥

25.4

গিরিমেনাঁ আ বেশয় কণ্বান্ জীবিতয়োপনান্।
তাংস্ত্বং দেবি পৃশ্নিপর্ণ্যগ্নিরিবানুদহন্নিহি ॥৪॥

25.5

পরাচ এনান্ প্র ণুদ কণ্বান্ জীবিতয়োপনান্।
তমাংসি যত্র গচ্ছন্তি তৎ ক্রব্যাদো অজীগমম্ ॥৫॥