Sukta 25

25.1

Prishniparni, 1-5 chatanah, prishniparni vanaspatih, anushtup, 4 bhurik

शं नो॑ दे॒वी पृ॑श्निप॒र्ण्यशं॒ निरृ॑त्या अकः ।
उ॒ग्रा हि क॑ण्व॒जम्भ॑नी॒ ताम॑भक्षि॒ सह॑स्वतीम् ॥१॥

Sham no devi prishniparnyasham nirritya akah
Ugra hi kanvajambhani tamabhakshi sahasvatim

सह॑माने॒यं प्र॑थ॒मा पृ॑श्निप॒र्ण्यऽजायत ।
तया॒हं दु॒र्णाम्नां॒ शिरो॑ वृ॒श्चामि॑ श॒कुने॑रिव ॥२॥

Sahamaneyam prathama prishniparnyajayata
Tayaham durnamnam shiro vrishchami shakuneriva

अ॒राय॑मसृ॒क्पावा॑नं॒ यश्च॑ स्फा॒तिं जिही॑र्षति ।
ग॒र्भा॒दं कण्वं॑ नाशय॒ पृश्नि॑पर्णि॒ सह॑स्व च ॥३॥

Arayamasrikpavanam yashcha sphatim jihirshati
Garbhadam kanvam nashaya prishniparni sahasva cha

गि॒रिमे॑नाँ॒ आ वे॑शय॒ कण्वा॑न् जीवित॒योप॑नान्।
तांस्त्वं दे॑वि पृश्निपर्ण्य॒ग्निरि॑वानु॒दह॑न्निहि ॥४॥

Girimenam a veshaya kanvan jivitayopanan
Tanstvam devi prishniparnyagnirivanudahannihi

परा॑च एना॒न् प्र णु॑द॒ कण्वा॑न् जीवित॒योप॑नान्।
तमां॑सि॒ यत्र॒ गच्छ॑न्ति॒ तत् क्र॒व्यादो॑ अजीगमम् ॥५॥

Paracha enan pra nuda kanvan jivitayopanan
Tamansi yatra gachchhanti tat kravyado ajigamam