Sukta 27

27.1

Shatruparajayah, 1-7 kapinjalah, 1-5 vanaspatih, 6 rudrah, 7 indrah, anushtup

नेच्छत्रुः॒ प्राशं॑ जयाति॒ सह॑मानाभि॒भूर॑सि ।
प्राशं॒ प्रति॑प्राशो जह्यर॒सान् कृ॑न्वोषधे ॥१॥

Nechchhatruh prasham jayati sahamanabhibhurasi
Prasham pratiprasho jahyarasan krinvoshadhe

सु॒प॒र्णस्त्वान्व॑विन्दत् सूक॒रस्त्वा॑खनन्न॒सा।
प्राशं॒ प्रति॑प्राशो जह्यर॒सान् कृ॑ण्वोषधे ॥२॥

Suparnastvanvavindat sukarastvakhanannasa
Prasham pratiprasho jahyarasan krinvoshadhe

इन्द्रो॑ ह चक्रे त्वा बा॒हावसु॑रेभ्य॒ स्तरी॑तवे ।
प्राशं॒ प्रति॑प्राशो जह्यर॒सान् कृ॑ण्वोषधे ॥३॥

Indro ha chakre tva bahavasurebhya staritave
Prasham pratiprasho jahyarasan krinvoshadhe

पा॒टामिन्द्रो॒ व्याऽश्ना॒दसु॑रेभ्य॒ स्तरी॑तवे ।
प्राशं॒ प्रति॑प्राशो जह्यर॒सान् कृ॑ण्वोषधे ॥४॥

Patamindro vyashnadasurebhya staritave
Prasham pratiprasho jahyarasan krinvoshadhe

तया॒हं शत्रू॑न्त्साक्ष॒ इन्द्रः॑ सालावृ॒काँ इ॑व ।
प्राशं॒ प्रति॑प्राशो जह्यर॒सान् कृ॑ण्वोषधे ॥५॥

Tayaham shatruntsaksha indrah salavrikam iva
Prasham pratiprasho jahyarasan krinvoshadhe

रुद्र॒ जला॑षभेषज॒ नील॑शिखण्ड॒ कर्म॑कृत्।
प्राशं॒ प्रति॑प्राशो जह्यर॒सान् कृ॑ण्वोषधे ॥६॥

Rudra jalashabheshaja nilashikhanda karmakrit
Prasham pratiprasho jahyarasan krinvoshadhe

तस्य॒ प्राशं॒ त्वं ज॑हि॒ यो न॑ इन्द्राभि॒दास॑ति ।
अधि॑ नो ब्रूहि॒ शक्ति॑भिः प्रा॒शि मामुत्त॑रं कृधि ॥७॥

Tasya prasham tvam jahi yo na indrabhidasati
Adhi no bruhi shaktibhih prashi mamuttaram kridhi