Sukta 3

3.1

Jatavedah, 1-4 atharvangirah, agnih, trishtup, 2 bhurik

दि॒वस्पृ॑थि॒व्याः पर्य॒न्तरि॑क्षा॒द् वन॒स्पति॑भ्यो॒ अध्योष॑धीभ्यः ।
यत्र॑यत्र॒ विभृ॑तो जा॒तवे॑दा॒स्तत॑ स्तु॒तो जु॒षमा॑णो न॒ एहि॑ ॥१॥

Divasprithivyah paryantarikshad vanaspatibhyo adhyoshadhibhyah
Yatrayatra vibhrito jatavedastata stuto jushamano na ehi

यस्ते॑ अ॒प्सु म॑हि॒मा यो वने॑षु॒ य ओष॑धीषु प॒शुष्व॒प्स्व॑१न्तः ।
अग्ने॒ सर्वा॑स्त॒न्वः॑१ सं र॑भस्व॒ ताभि॑र्न॒ एहि॑ द्रविणो॒दा अज॑स्रः ॥२॥

Yaste apsu mahima yo vaneshu ya oshadhishu pashushvapsva1ntah
Agne sarvastanvah1 sam rabhasva tabhirna ehi dravinoda ajasrah

यस्ते॑ दे॒वेषु॑ महि॒मा स्व॒र्गो या ते॑ त॒नूः पि॒तृष्वा॑वि॒वेश॑ ।
पुष्टि॒र्या ते॑ मनु॒ष्येऽषु पप्र॒थेऽग्ने॒ तया॑ र॒यिम॒स्मासु॑ धेहि ॥३॥

Yaste deveshu mahima svargo ya te tanuh pitrishvavivesha
Pushtirya te manushyeshu paprathegne taya rayimasmasu dhehi

श्रुत्क॑र्णाय क॒वये॒ वेद्या॑य॒ वचो॑भिर्वा॒कैरुप॑ यामि रा॒तिम्।
यतो॑ भ॒यमभ॑यं॒ तन्नो॑ अ॒स्त्वव॑ दे॒वानां॑ यज॒ हेडो॑ अग्ने ॥४॥

Shrutkarnaya kavaye vedyaya vachobhirvakairupa yami ratim
Yato bhayamabhayam tanno astvava devanam yaja hedo agne