Sukta 4

4.1

Akutih, 1-4 atharvangirah, agnih, trishtup, 1 panchapada viradatijagati, 2 jagati

यामाहु॑तिं प्रथ॒मामथ॑र्वा॒ या जा॒ता या ह॒व्यमकृ॑णोज्जा॒तवे॑दाः ।
तां त॑ ए॒तां प्र॑थ॒मो जो॑हवीमि॒ ताभि॑ष्टु॒प्तो व॑हतु ह॒व्यम॒ग्निर॒ग्नये॒ स्वाहा॑ ॥१॥

Yamahutim prathamamatharva ya jata ya havyamakrinojjatavedah
Tam ta etam prathamo johavimi tabhishtupto vahatu havyamagniragnaye svaha

4.2

आकू॑तिं दे॒वीं सु॒भगां॑ पु॒रो द॑धे चि॒त्तस्य॑ मा॒ता सु॒हवा॑ नो अस्तु ।
यामा॒शामे॑मि॒ केव॑ली॒ सा मे॑ अस्तु॒ विदे॑यमेनां॒ मन॑सि॒ प्रवि॑ष्टाम् ॥२॥

Akutim devim subhagam puro dadhe chittasya mata suhava no astu
Yamashamemi kevali sa me astu videyamenam manasi pravishtam

4.3

आकू॑त्या नो बृहस्पत॒ आकू॑त्या न॒ उपा ग॑हि ।
अथो॒ भग॑स्य नो धे॒ह्यथो॑ नः सु॒हवो॑ भव ॥३॥

Akutya no brihaspata akutya na upa gahi
Atho bhagasya no dhehyatho nah suhavo bhava

4.4

बृह॒स्पति॑र्म॒ आकू॑तिमाङ्गिर॒सः प्रति॑ जानातु॒ वाच॑मे॒ताम्।
यस्य॑ दे॒वा दे॒वताः॑ संबभू॒वुः स सु॒प्रणी॑ताः॒ कामो॒ अन्वे॑त्व॒स्मान् ॥४॥

Brihaspatirma akutimangirasah prati janatu vachametam
Yasya deva devatah sambabhuvuh sa supranitah kamo anvetvasman