সূক্ত 3

3.1

জাতবেদাঃ। ১-৪ অথর্বাঙ্গিরাঃ। অগ্নিঃ। ত্রিষ্টুপ্, ২ ভুরিক্।

দিবস্পৃথিব্যাঃ পর্যন্তরিক্ষাদ্ বনস্পতিভ্যো অধ্যোষধীভ্যঃ ।
যত্রয়ত্র বিভৃতো জাতবেদাস্তত স্তুতো জুষমাণো ন এহি ॥১॥

3.2

যস্তে অপ্সু মহিমা যো বনেষু য ওষধীষু পশুষ্বপ্স্ব১ন্তঃ ।
অগ্নে সর্বাস্তন্বঃ১ সং রভস্ব তাভির্ন এহি দ্রবিণোদা অজস্রঃ ॥২॥

3.3

যস্তে দেবেষু মহিমা স্বর্গো যা তে তনূঃ পিতৃষ্বাবিবেশ ।
পুষ্টির্যা তে মনুষ্যেঽষু পপ্রথেঽগ্নে তয়া রয়িমস্মাসু ধেহি ॥৩॥

3.4

শ্রুত্কর্ণায় কবয়ে বেদ্যায় বচোভির্বাকৈরুপ যামি রাতিম্।
যতো ভয়মভয়ং তন্নো অস্ত্বব দেবানাং যজ হেডো অগ্নে ॥৪॥