Sukta 2

2.1

Apah, 1-5 sindhudvipah, apah, anushtup

शं त॒ आपो॑ हैमव॒तीः शमु॑ ते सन्तू॒त्स्याः ।
शं ते॑ सनि॒ष्यदा॒ आपः॒ शमु॑ ते सन्तु व॒र्ष्याः ॥१॥

Sham ta apo haimavatih shamu te santutsyah
Sham te sanishyada apah shamu te santu varshyah

2.2

शं त॒ आपो॑ धन्व॒न्याः॒३ शं ते॑ सन्त्वनू॒प्याः ।
शं ते॑ खनि॒त्रिमा॒ आपः॒ शं याः कु॒म्भेभि॒राभृ॑ताः ॥२॥

Sham ta apo dhanvanyah3 sham te santvanupyah
Sham te khanitrima apah sham yah kumbhebhirabhritah

2.3

अ॒न॒भ्रयः॒ खन॑माना॒ विप्रा॑ गम्भी॒रे अ॒पसः॑ ।
भि॒षग्भ्यो॑ भि॒षक्त॑रा॒ आपो॒ अच्छा॑ वदामसि ॥३॥

Anabhrayah khanamana vipra gambhire apasah
Bhishagbhyo bhishaktara apo achchha vadamasi

2.4

अ॒पामह॑ दि॒व्याऽनाम॒पां स्रो॑त॒स्याऽनाम्।
अ॒पामह॑ प्र॒णेज॒नेऽश्वा॑ भवथ वा॒जिनः॑ ॥४॥

Apamaha divyanamapam srotasyanam
Apamaha pranejaneshva bhavatha vajinah

2.5

ता अ॒पः शि॒वा अ॒पोऽय॑क्ष्मं॒कर॑णीर॒पः ।
यथै॒व तृ॑प्यते॒ मय॒स्तास्त॒ आ द॑त्त भेष॒जीः ॥५॥

Ta apah shiva apoyakshmankaranirapah
Yathaiva tripyate mayastasta a datta bheshajih