Sukta 7

7.1

Sarvadharavarnanam, 1-44 atharva, skambhah atma va, trishtup, 1 virad jagati, 2, 8 bhurik, 7, 13 paroshnik, 10, 14, 16, 18-19 uparishtad brihati, 11-12, 15, 20, 22, 39 uparishtajjyotirjagati, 17 tryavasana shat-pada jagati, 21 brihatigarbhanushtup, 23-30, 37, 40 anushtup, 31 madhyejyotirjagati, 32, 34, 36 uparishtadviradbrihati, 33 paraviradanushtup, 35 chatushpada jagati, 38, 42-43 trishtup, 41 arshi tripada gayatri, 44 eka॰ archyanushtup

कस्मि॒न्नङ्गे॒ तपो॑ अ॒स्याधि॑ तिष्ठति॒ कस्मि॒न्नङ्ग॑ ऋ॒तम॒स्याध्याहि॑तम्।
क्वऽ व्र॒तं क्वऽ श्र॒द्धास्य॑ तिष्ठति॒ कस्मि॒न्नङ्गे॑ स॒त्यम॑स्य॒ प्रति॑ष्ठितम् ॥१॥

Kasminnange tapo asyadhi tishthati kasminnanga ritamasyadhyahitam
Kva vratam kva shraddhasya tishthati kasminnange satyamasya pratishthitam

7.2

कस्मा॒दङ्गाद् दीप्यते अ॒ग्निर॑स्य॒ कस्मा॒दङ्गा॑त् पवते मात॒रिश्वा॑ ।
कस्मा॒दङ्गा॒द् वि मि॑मी॒तेऽधि॑ च॒न्द्रमा॑ म॒ह स्क॒म्भस्य॒ मिमा॑नो॒ अङ्ग॑म् ॥२॥

Kasmadangad dipyate agnirasya kasmadangat pavate matarishva
Kasmadangad vi mimitedhi chandrama maha skambhasya mimano angam

7.3

कस्मि॒न्नङ्गे॑ तिष्ठति॒ भूमि॑रस्य॒ कस्मि॒न्नङ्गे॑ तिष्ठत्य॒न्तरि॑क्षम्।
कस्मि॒न्नङ्गे॑ तिष्ठ॒त्याहि॑ता॒ द्यौः कस्मि॒न्नङ्गे॑ तिष्ठ॒त्युत्त॑रं दि॒वः ॥३॥

Kasminnange tishthati bhumirasya kasminnange tishthatyantariksham
Kasminnange tishthatyahita dyauh kasminnange tishthatyuttaram divah

7.4

क्व॑१ प्रेप्स॑न् दीप्यत ऊ॒र्ध्वो अ॒ग्निः क्व॑१प्रेप्स॑न् पवते मात॒रिश्वा॑ ।
यत्र॒ प्रेप्स॑न्तीरभि॒यन्त्या॒वृतः॑ स्क॒म्भं तं ब्रू॑हि कत॒मः स्वि॑दे॒व सः ॥४॥

Kva1 prepsan dipyata urdhvo agnih kva1prepsan pavate matarishva
Yatra prepsantirabhiyantyavritah skambham tam bruhi katamah svideva sah

7.5

क्वाऽर्धमा॒साः क्वऽ यन्ति॒ मासाः॑ संवत्स॒रेण॑ स॒ह सं॑विदा॒नाः ।
यत्र॒ यन्त्यृ॒तवो॒ यत्रा॑र्त॒वाः स्क॒म्भं तं ब्रू॑हि कत॒मः स्वि॑दे॒व सः ॥५॥

Kvardhamasah kva yanti masah sanvatsarena saha sanvidanah
Yatra yantyritavo yatrartavah skambham tam bruhi katamah svideva sah

7.6

क्व॑१प्रेप्स॑न्ती युव॒ती विरू॑पे अहोरा॒त्रे द्र॑वतः संविदा॒ने।
यत्र॒ प्रेप्स॑न्तीरभि॒यन्त्यापः॑ स्क॒म्भं तं ब्रू॑हि कत॒मः स्वि॑दे॒व सः ॥६॥

Kva1prepsanti yuvati virupe ahoratre dravatah sanvidane
Yatra prepsantirabhiyantyapah skambham tam bruhi katamah svideva sah

7.7

यस्मि॑न्त्स्त॒ब्ध्वा प्र॒जाप॑तिर्लो॒कान्त्सर्वाँ॒ अधा॑रयत्।
स्क॒म्भं तं ब्रू॑हि कत॒मः स्वि॑दे॒व सः ॥७॥

Yasmintstabdhva prajapatirlokantsarvam adharayat
Skambham tam bruhi katamah svideva sah

7.8

यत् प॑र॒ममव॒मं यच्च॑ मध्य॒मं प्र॒जाप॑तिः ससृ॒जे वि॒श्वरू॑पम्।
किय॑ता स्क॒म्भः प्र वि॑वेश॒ तत्र॒ यन्न प्रावि॑श॒त् किय॒त् तद् ब॑भूव ॥८॥

Yat paramamavamam yachcha madhyamam prajapatih sasrije vishvarupam
Kiyata skambhah pra vivesha tatra yanna pravishat kiyat tad babhuva

7.9

किय॑ता स्क॒म्भः प्र वि॑वेश भू॒तं कियद् भवि॒ष्यद॒न्वाश॑येऽस्य ।
एकं॒ यदङ्ग॒मकृ॑णोत् सहस्र॒धा किय॑ता स्क॒म्भः प्र वि॑वेश॒ तत्र॑ ॥९॥

Kiyata skambhah pra vivesha bhutam kiyad bhavishyadanvashayesya
Ekam yadangamakrinot sahasradha kiyata skambhah pra vivesha tatra

7.10

यत्र॑ लो॒कांश्च॒ कोशां॒श्चापो॒ ब्रह्म॒ जना॑ वि॒दुः ।
अस॑च्च॒ यत्र॒ सच्चा॒न्त स्क॒म्भं तं ब्रू॑हि कत॒मः स्वि॑दे॒व सः ॥१०॥

Yatra lokanshcha koshanshchapo brahma jana viduh
Asachcha yatra sachchanta skambham tam bruhi katamah svideva sah

7.11

यत्र॒ तपः॑ परा॒क्रम्य॑ व्र॒तं धा॒रय॒त्युत्त॑रम्।
ऋ॒तं च॒ यत्र॑ श्र॒द्धा चापो॒ ब्रह्म॑ स॒माहि॑ताः स्क॒म्भं तं ब्रू॑हि कत॒मः स्वि॑देव सः ॥११॥

Yatra tapah parakramya vratam dharayatyuttaram
Ritam cha yatra shraddha chapo brahma samahitah skambham tam bruhi katamah svideva sah

7.12

यस्मि॒न् भूमि॑र॒न्तरि॑क्षं॒ द्यौर्यस्मि॒न्नध्याहि॑ता ।
यत्रा॒ग्निश्च॒न्द्रमाः॒ सूर्यो॒ वात॒स्तिष्ठ॒न्त्यार्पि॑ताः स्क॒म्भं तं ब्रू॑हि कत॒मः स्वि॑दे॒व सः ॥१२॥

Yasmin bhumirantariksham dyauryasminnadhyahita
Yatragnishchandramah suryo vatastishthantyarpitah skambham tam bruhi katamah svideva sah

7.13

यस्य॒ त्रय॑स्त्रिंशद् दे॒वा अङ्गे॒ सर्वे॑ स॒माहि॑ताः ।
स्क॒म्भं तं ब्रू॑हि कत॒मः स्वि॑दे॒व सः ॥१३॥

Yasya trayastrinshad deva ange sarve samahitah
Skambham tam bruhi katamah svideva sah

7.14

यत्र॒ ऋष॑यः प्रथम॒जा ऋचः॒ साम॒ यजु॑र्म॒ही।
ए॒क॒र्षिर्यस्मि॒न्नार्पि॑तः स्क॒म्भं तं ब्रू॑हि कत॒मः स्वि॑दे॒व सः ॥१४॥

Yatra rishayah prathamaja richah sama yajurmahi
Ekarshiryasminnarpitah skambham tam bruhi katamah svideva sah

7.15

यत्रा॒मृतं॑ च मृ॒त्युश्च॒ पुरु॒षेऽधि॑ स॒माहि॑ते ।
स॒मु॒द्रो यस्य॑ ना॒ड्यः॑१ पुरु॒षेऽधि॑ स॒माहि॑ताः स्क॒म्भं तं ब्रू॑हि कत॒मः स्वि॑दे॒व सः ॥१५॥

Yatramritam cha mrityushcha purushedhi samahite
Samudro yasya nadyah1 purushedhi samahitah skambham tam bruhi katamah svideva sah

7.16

यस्य॒ चत॑स्रः प्र॒दिशो॑ ना॒ड्य॑१स्तिष्ठ॑न्ति प्रथ॒माः ।
य॒ज्ञो यत्र॒ परा॑क्रान्तः स्क॒म्भं तं ब्रू॑हि कत॒मः स्वि॑दे॒व सः ॥१६॥

Yasya chatasrah pradisho nadya1stishthanti prathamah
Yagyo yatra parakrantah skambham tam bruhi katamah svideva sah

7.17

ये पुरु॑षे॒ ब्रह्म॑ वि॒दुस्ते वि॑दुः परमे॒ष्ठिन॑म्।
यो वेद॑ परमे॒ष्ठिनं॒ यश्च॒ वेद॑ प्र॒जाप॑तिम्।
ज्ये॒ष्ठं ये ब्राह्म॑णं वि॒दुस्ते स्क॒म्भम॑नु॒संवि॑दुः ॥१७॥

Ye purushe brahma viduste viduh parameshthinam
Yo veda parameshthinam yashcha veda prajapatim
Jyeshtham ye brahmanam viduste skambhamanusanviduh

7.18

यस्य॒ शिरो॑ वैश्वान॒रश्चक्षु॒रङ्गि॑र॒सोऽभ॑वन्।
अङ्गा॑नि॒ यस्य॑ या॒तवः॑ स्क॒म्भं तं ब्रू॑हि कत॒मः स्वि॑दे॒व सः ॥१८॥

Yasya shiro vaishvanarashchakshurangirasobhavan
Angani yasya yatavah skambham tam bruhi katamah svideva sah

7.19

यस्य॒ ब्रह्म॒ मुख॑मा॒हुर्जि॒ह्वां म॑धुक॒शामु॒त।
वि॒राज॒मूधो॒ यस्या॒हुः स्क॒म्भं तं ब्रू॑हि कत॒मः स्वि॑दे॒व सः ॥१९॥

Yasya brahma mukhamahurjihvam madhukashamuta
Virajamudho yasyahuh skambham tam bruhi katamah svideva sah

7.20

यस्मा॒दृचो॑ अ॒पात॑क्ष॒न् यजु॒र्यस्मा॑द॒पाक॑षन्।
सामा॑नि॒ यस्य॒ लोमा॑न्यथर्वाङ्गि॒रसो॒ मुखं॑ स्क॒म्भं तं ब्रू॑हि कत॒मः स्वि॑दे॒व सः ॥२०॥

Yasmadricho apatakshan yajuryasmadapakashan
Samani yasya lomanyatharvangiraso mukham skambham tam bruhi katamah svideva sah

7.21

अ॒स॒च्छा॒खां प्र॒तिष्ठ॑न्तीं पर॒ममि॑व॒ जना॑ विदुः ।
उ॒तो सन्म॑न्य॒न्तेऽव॑रे॒ ये ते॒ शाखा॑मु॒पास॑ते ॥२१॥

Asachchhakham pratishthantim paramamiva jana viduh
Uto sanmanyantevare ye te shakhamupasate

7.22

यत्रा॑दि॒त्याश्च॑ रु॒द्राश्च॒ वस॑वश्च स॒माहि॑ताः ।
भू॒तं च॒ यत्र॒ भव्यं॑ च॒ सर्वे॑ लो॒काः प्रति॑ष्ठिताः स्क॒म्भं तं ब्रू॑हि कत॒मः स्वि॑दे॒व सः ॥२२॥

Yatradityashcha rudrashcha vasavashcha samahitah
Bhutam cha yatra bhavyam cha sarve lokah pratishthitah skambham tam bruhi katamah svideva sah

7.23

यस्य॒ त्रय॑स्त्रिंशद् दे॒वा नि॒धिं रक्ष॑न्ति सर्व॒दा।
नि॒धिं तम॒द्य को वे॑द॒ यं दे॑वा अभि॒रक्ष॑थ ॥२३॥

Yasya trayastrinshad deva nidhim rakshanti sarvada
Nidhim tamadya ko veda yam deva abhirakshatha

7.24

यत्र॑ दे॒वा ब्र॑ह्म॒विदो॒ ब्रह्म॑ ज्ये॒ष्ठमु॒पास॑ते ।
यो वै तान् वि॒द्यात् प्र॒त्यक्षं॒ स ब्र॒ह्मा वेदि॑ता स्यात् ॥२४॥

Yatra deva brahmavido brahma jyeshthamupasate
Yo vai tan vidyat pratyaksham sa brahma vedita syat

7.25

बृ॒हन्तो॒ नाम॒ ते दे॒वा येऽस॑तः॒ परि॑ जज्ञि॒रे।
एकं॒ तदङ्गं॑ स्क॒म्भस्यास॑दाहुः प॒रो जनाः॑ ॥२५॥

Brihanto nama te deva yesatah pari jagyire
Ekam tadangam skambhasyasadahuh paro janah

7.26

यत्र॑ स्क॒म्भः प्र॑ज॒नयन् पुरा॒णं व्यव॑र्तयत्।
एकं॒ तदङ्गं॑ स्क॒म्भस्य॑ पुरा॒णम॑नु॒संवि॑दुः ॥२६॥

Yatra skambhah prajanayan puranam vyavartayat
Ekam tadangam skambhasya puranamanusanviduh

7.27

यस्य॒ त्रय॑स्त्रिंशद् दे॒वा अङ्गे॒ गात्रा॑ विभेजि॒रे।
तान् वै त्रय॑स्त्रिंशद् दे॒वानेके॑ ब्रह्म॒विदो॑ विदुः ॥२७॥

Yasya trayastrinshad deva ange gatra vibhejire
Tan vai trayastrinshad devaneke brahmavido viduh

7.28

हि॒र॒ण्य॒ग॒र्भं प॑र॒मम॑नत्यु॒द्यं जना॑ विदुः ।
स्क॒म्भस्तदग्रे॒ प्रासि॑ञ्च॒द्धिर॑ण्यं लो॒के अ॑न्त॒रा ॥२८॥

Hiranyagarbham paramamanatyudyam jana viduh
Skambhastadagre prasinchaddhiranyam loke antara

7.29

स्क॒म्भे लो॒काः स्क॒म्भे तपः॑ स्क॒म्भेऽध्यृ॒तमाहि॑तम्।
स्कम्भ॑ त्वा वेद प्र॒त्यक्ष॒मिन्द्रे॒ सर्वं॑ स॒माहि॑तम् ॥२९॥

Skambhe lokah skambhe tapah skambhedhyritamahitam
Skambha tva veda pratyakshamindre sarvam samahitam

7.30

इन्द्रे॑ लो॒का इन्द्रे॒ तप॒ इन्द्रेऽध्यृ॒तमाहि॑तम्।
इन्द्रं॑ त्वा वेद प्र॒त्यक्षं॑ स्क॒म्भे सर्वं॒ प्रति॑ष्ठितम् ॥३०॥

Indre loka indre tapa indredhyritamahitam
Indram tva veda pratyaksham skambhe sarvam pratishthitam

7.31

नाम॒ नाम्ना॑ जोहवीति पु॒रा सूर्या॑त् पु॒रोषसः॑ ।
यद॒जः प्र॑थ॒मं सं॑ब॒भूव॒ स ह॒ तत् स्व॒राज्य॑मियाय॒ यस्मा॒न्नान्यत् पर॒मस्ति॑ भू॒तम् ॥३१॥

Nama namna johaviti pura suryat puroshasah
Yadajah prathamam sambabhuva sa ha tat svarajyamiyaya yasmannanyat paramasti bhutam

7.32

यस्य॒ भूमिः॑ प्र॒मान्तरि॑क्षमु॒तोदर॑म्।
दिवं॒ यश्च॒क्रे मू॒र्धानं॒ तस्मै॑ ज्ये॒ष्ठाय॒ ब्रह्म॑णे॒ नमः॑ ॥३२॥

Yasya bhumih pramantarikshamutodaram
Divam yashchakre murdhanam tasmai jyeshthaya brahmane namah

7.33

यस्य॒ सूर्य॒श्चक्षु॑श्च॒न्द्रमा॑श्च॒ पुन॑र्णवः ।
अ॒ग्निं यश्च॒क्र आ॒स्यं॑ तस्मै॑ ज्ये॒ष्ठाय॒ ब्रह्म॑णे॒ नमः॑ ॥३३॥

Yasya suryashchakshushchandramashcha punarnavah
Agnim yashchakra asyam tasmai jyeshthaya brahmane namah

7.34

यस्य॒ वातः॑ प्राणापा॒नौ चक्षु॒रङ्गि॑र॒सोऽभ॑वन्।
दिशो॒ यश्च॒क्रे प्र॒ज्ञानी॒स्तस्मै॑ ज्ये॒ष्ठाय॒ ब्रह्म॑णे॒ नमः॑ ॥३४॥

Yasya vatah pranapanau chakshurangirasobhavan
Disho yashchakre pragyanistasmai jyeshthaya brahmane namah

7.35

स्क॒म्भो दा॑धार॒ द्यावा॑पृथि॒वी उ॒भे इ॒मे स्क॒म्भो दा॑धारो॒र्व॑१न्तरि॑क्षम्।
स्क॒म्भो दा॑धार प्र॒दिशः॒ षडु॒र्वीः स्क॒म्भ इ॒दं विश्वं॒ भुव॑न॒मा वि॑वेश ॥३५॥

Skambho dadhara dyavaprithivi ubhe ime skambho dadharorva1ntariksham
Skambho dadhara pradishah shadurvih skambha idam vishvam bhuvanama vivesha

7.36

यः श्रमा॒त् तप॑सो जा॒तो लो॒कान्त्सर्वा॑न्त्समान॒शे।
सोमं॒ यश्च॒क्रे केव॑लं॒ तस्मै॑ ज्ये॒ष्ठाय॒ ब्रह्म॑णे॒ नमः॑ ॥३६॥

Yah shramat tapaso jato lokantsarvantsamanashe
Somam yashchakre kevalam tasmai jyeshthaya brahmane namah

7.37

क॒थं वातो॒ नेल॑यति क॒थं न र॑मते॒ मनः॑ ।
किमापः॑ स॒त्यं प्रेप्स॑न्ती॒र्नेल॑यन्ति क॒दा च॒न ॥३७॥

Katham vato nelayati katham na ramate manah
Kimapah satyam prepsantirnelayanti kada chana

7.38

म॒हद् य॒क्षं भुव॑नस्य॒ मध्ये॒ तप॑सि क्रा॒न्तं स॑लि॒लस्य॑ पृ॒ष्ठे।
तस्मि॑न्छ्रयन्ते॒ य उ॒ के च॑ दे॒वा वृ॒क्षस्य॒ स्कन्धः॑ प॒रित॑ इव॒ शाखाः॑ ॥३८॥

Mahad yaksham bhuvanasya madhye tapasi krantam salilasya prishthe
Tasminchhrayante ya u ke cha deva vrikshasya skandhah parita iva shakhah

7.39

यस्मै॒ हस्ता॑भ्यां॒ पादा॑भ्यां वा॒चा श्रोत्रे॑ण॒ चक्षु॑षा ।
यस्मै॑ दे॒वाः सदा॑ ब॒लिं प्र॒यच्छ॑न्ति॒ विमि॒तेऽमि॑तं स्क॒म्भं तं ब्रू॑हि कत॒मः स्वि॑दे॒व सः ॥३९॥

Yasmai hastabhyam padabhyam vacha shrotrena chakshusha
Yasmai devah sada balim prayachchhanti vimitemitam skambham tam bruhi katamah svideva sah

7.40

अप॒ तस्य॑ ह॒तं तमो॒ व्यावृ॑त्तः॒ स पा॒प्मना॑ ।
सर्वा॑णि॒ तस्मि॒न् ज्योतीं॑षि॒ यानि॒ त्रीणि॑ प्र॒जाप॑तौ ॥४०॥

Apa tasya hatam tamo vyavrittah sa papmana
Sarvani tasmin jyotinshi yani trini prajapatau

7.41

यो वे॑त॒सं हि॑र॒ण्ययं॒ तिष्ठ॑न्तं सलि॒ले वेद॑ । स वै गुह्यः॑ प्र॒जाप॑तिः ॥४१॥

Yo vetasam hiranyayam tishthantam salile veda, sa vai guhyah prajapatih

7.42

त॒न्त्रमेके॑ युव॒ती विरू॑पे अभ्या॒क्रामं॑ वयतः॒ षण्म॑यूखम्।
प्रान्या तन्तूं॑स्ति॒रते॑ ध॒त्ते अ॒न्या नाप॑ वृञ्जाते॒ न ग॑मातो॒ अन्त॑म् ॥४२॥

Tantrameke yuvati virupe abhyakramam vayatah shanmayukham
Pranya tantunstirate dhatte anya napa vrinjate na gamato antam

7.43

तयो॑र॒हं प॑रि॒नृत्य॑न्त्योरिव॒ न वि जा॑नामि यत॒रा प॒रस्ता॑त्।
पुमा॑नेनद् वय॒त्युद्गृ॑णन्ति॒ पुमा॑नेन॒द् वि ज॑भा॒राधि॒ नाके॑ ॥४३॥

Tayoraham parinrityantyoriva na vi janami yatara parastat
Pumanenad vayatyudgrinanti pumanenad vi jabharadhi nake

7.44

इ॒मे म॒यूखा॒ उप॑ तस्तभु॒र्दिवं॒ सामा॑नि चक्रु॒स्तस॑राणि॒ वात॑वे ॥४४॥

Ime mayukha upa tastabhurdivam samani chakrustasarani vatave