Sukta 16

16.1

Shatrubadhanam, 1-4 chatanah, 1 agnih, 2 indrah, varunah, (2-4 dadhatyam sisam), anushtup, 4 kakummati anushtup

येऽमावा॒स्यां॒३ रात्रि॑मु॒दस्थु॑र्व्रा॒जम॒त्त्रिणः॑ ।
अ॒ग्निस्तु॒रीयो॑ यातु॒हा सो अ॒स्मभ्य॒मधि॑ ब्रवत् ॥१॥

Yemavasyan3 ratrimudasthurvrajamattrinah
Agnisturiyo yatuha so asmabhyamadhi bravat

16.2

सीसा॒याध्या॑ह॒ वरु॑णः॒ सीसा॑या॒ग्निरुपा॑वति ।
सीसं॑ म॒ इन्द्रः॒ प्राय॑च्छ॒त् तद॒ङ्ग या॑तु॒चात॑नम् ॥२॥

Sisayadhyaha varunah sisayagnirupavati
Sisam ma indrah prayachchhat tadanga yatuchatanam

16.3

इ॒दं विष्क॑न्धं सहत इ॒दं बा॑धते अ॒त्त्रिणः॑ ।
अ॒नेन॒ विश्वा॑ ससहे॒ या जा॒तानि॑ पिशा॒च्याः ॥३॥

Idam vishkandham sahata idam badhate attrinah
Anena vishva sasahe ya jatani pishachyah

16.4

यदि॑ नो॒ गां हंसि॒ यद्यश्वं॒ यदि॒ पूरु॑षम्।
तं त्वा॒ सीसे॑न विध्यामो॒ यथा॒ नोऽसो॒ अवी॑रहा ॥४॥

Yadi no gam hansi yadyashvam yadi purusham
Tam tva sisena vidhyamo yatha noso aviraha