Sukta 15

15.1

Pushtikarma, 1-4 atharva, sindhavah, (vatah, patatrinah), anushtup, 1-2 bhurikpathya panktih

सं सं स्र॑वन्तु॒ सिन्ध॑वः॒ सं वाताः॒ सं प॑त॒त्रिणः॑ ।
इ॒मं य॒ज्ञं प्र॒दिवो॑ मे जुषन्तां संस्रा॒व्येण ह॒विषा॑ जुहोमि ॥१॥

Sam sam sravantu sindhavah sam vatah sam patatrinah
Imam yagyam pradivo me jushantam sansravyena havisha juhomi

15.2

इ॒हैव हव॒मा या॑त म इ॒ह सं॑स्रावणा उ॒तेमं व॑र्धयता गिरः ।
इ॒हैतु॒ सर्वो॒ यः प॒शुर॒स्मिन् ति॑ष्ठतु॒ या र॒यिः ॥२॥

Ihaiva havama yata ma iha sansravana utemam vardhayata girah
Ihaitu sarvo yah pashurasmin tishthatu ya rayih

15.3

ये न॒दीनां॑ सं॒स्रव॒न्त्युत्सा॑सः॒ सद॒मक्षि॑ताः ।
तेभि॑र्मे॒ सर्वैः॑ संस्रा॒वैर्धनं॒ सं स्रा॑वयामसि ॥३॥

Ye nadinam sansravantyutsasah sadamakshitah
Tebhirme sarvaih sansravairdhanam sam sravayamasi

15.4

ये स॒र्पिषः॑ सं॒स्रव॑न्ति क्षी॒रस्य॑ चोद॒कस्य॑ च ।
तेभि॑र्मे॒ सर्वैः॑ संस्रा॒वैर्धनं॒ सं स्रा॑वयामसि ॥४॥

Ye sarpishah sansravanti kshirasya chodakasya cha
Tebhirme sarvaih sansravairdhanam sam sravayamasi