সূক্ত 15

15.1

পুষ্টিকর্ম। ১-৪ অথর্বা। সিন্ধবঃ,(বাতাঃ, পতত্রিণঃ)। অনুষ্টুপ্, ১-২ ভুরিক্পথ্যা পঙ্ক্তিঃ।

সং সং স্রবন্তু সিন্ধবঃ সং বাতাঃ সং পতত্রিণঃ ।
ইমং যজ্ঞং প্রদিবো মে জুষন্তাং সংস্রাব্যেণ হবিষা জুহোমি ॥১॥

15.2

ইহৈব হবমা যাত ম ইহ সংস্রাবণা উতেমং বর্ধয়তা গিরঃ ।
ইহৈতু সর্বো যঃ পশুরস্মিন্ তিষ্ঠতু যা রয়িঃ ॥২॥

15.3

যে নদীনাং সংস্রবন্ত্যুত্সাসঃ সদমক্ষিতাঃ ।
তেভির্মে সর্বৈঃ সংস্রাবৈর্ধনং সং স্রাবয়ামসি ॥৩॥

15.4

যে সর্পিষঃ সংস্রবন্তি ক্ষীরস্য চোদকস্য চ ।
তেভির্মে সর্বৈঃ সংস্রাবৈর্ধনং সং স্রাবয়ামসি ॥৪॥