সূক্ত 16

16.1

শত্রুবাধনম্। ১-৪ চাতনঃ। ১ অগ্নিঃ, ২ ইন্দ্রঃ, বরুণঃ, (২-৪ দধত্যং সীসম্)। অনুষ্টুপ্, ৪ ককুম্মতী অনুষ্টুপ্।

যেঽমাবাস্যাং৩ রাত্রিমুদস্থুর্ব্রাজমত্ত্রিণঃ ।
অগ্নিস্তুরীয়ো যাতুহা সো অস্মভ্যমধি ব্রবৎ ॥১॥

16.2

সীসায়াধ্যাহ বরুণঃ সীসায়াগ্নিরুপাবতি ।
সীসং ম ইন্দ্রঃ প্রায়চ্ছৎ তদঙ্গ যাতুচাতনম্ ॥২॥

16.3

ইদং বিষ্কন্ধং সহত ইদং বাধতে অত্ত্রিণঃ ।
অনেন বিশ্বা সসহে যা জাতানি পিশাচ্যাঃ ॥৩॥

16.4

যদি নো গাং হংসি যদ্যশ্বং যদি পূরুষম্।
তং ত্বা সীসেন বিধ্যামো যথা নোঽসো অবীরহা ॥৪॥