Sukta 17

17.1

Rudhirasravanivrittaye dhamanibandhanam, 1-4 brahma, yoshitah dhamanyashcha, anushtup, 1 bhuriganushtup, 4 tripadarshi gayatri

अ॒मूर्या यन्ति॑ यो॒षितो॑ हि॒रा लोहि॑तवाससः ।
अ॒भ्रात॑र इव जा॒मय॒स्तिष्ठ॑न्तु ह॒तव॑र्चसः ॥१॥

Amurya yanti yoshito hira lohitavasasah
Abhratara iva jamayastishthantu hatavarchasah

17.2

तिष्ठा॑वरे॒ तिष्ठ॑ पर उ॒त त्वं ति॑ष्ठ मध्यमे ।
क॒नि॒ष्ठि॒का च॒ तिष्ठ॑ति॒ तिष्ठा॒दिद्ध॒मनि॑र्म॒ही ॥२॥

Tishthavare tishtha para uta tvam tishtha madhyame
Kanishthika cha tishthati tishthadiddhamanirmahi

17.3

श॒तस्य॑ ध॒मनी॑नां स॒हस्र॑स्य हि॒राणा॑म्।
अस्थु॒रिन्म॑ध्य॒मा इ॒माः सा॒कमन्ता॑ अरंसत ॥३॥

Shatasya dhamaninam sahasrasya hiranam
Asthurinmadhyama imah sakamanta aransata

17.4

परि॑ वः॒ सिक॑तावती ध॒नूर्बृ॑ह॒त्यऽक्रमीत्।तिष्ठ॑ते॒लय॑ता॒ सु क॑म् ॥४॥

Pari vah sikatavati dhanurbrihatyakramit, tishthatelayata su kam