Sukta 18

18.1

Alakshminashanam, 1-4 dravinodah, vinayakah(2 savita, varunah, mitrah, aryama, devah, 3 savita), 1 viraduparishtad brihati, 2 nichrijjagati, 3 viradastara panktistrishtup, 4 anushtup

निर्ल॒क्ष्म्यं ऽ लला॒म्यं॑१ निररा॑तिं सुवामसि ।
अथ॒ या भ॒द्रा तानि॑ नः प्र॒जाया॒ अरा॑तिं नयामसि ॥१॥

Nirlakshmyam lalamyan1 niraratim suvamasi
Atha ya bhadra tani nah prajaya aratim nayamasi

18.2

निरर॑णिं सवि॒ता सा॑विषक् प॒दोर्निर्हस्त॑यो॒र्वरु॑णो मि॒त्रो अ॑र्य॒मा।
निर॒स्मभ्य॒मनु॑मती॒ ररा॑णा॒ प्रेमां दे॒वा अ॑साविषुः॒ सौभ॑गाय ॥२॥

Niraranim savita savishak padornirhastayorvaruno mitro aryama
Nirasmabhyamanumati rarana premam deva asavishuh saubhagaya

18.3

यत् त॑ आ॒त्मनि॑ त॒न्वां ऽ घो॒रमस्ति॒ यद्वा॒ केशे॑षु प्रति॒चक्ष॑णे वा ।
सर्वं॒ तद्वा॒चाप॑ हन्मो व॒यं दे॒वस्त्वा॑ सवि॒ता सू॑दयतु ॥३॥

Yat ta atmani tanvam ghoramasti yadva kesheshu pratichakshane va
Sarvam tadvachapa hanmo vayam devastva savita sudayatu

18.4

रिश्य॑पदीं॒ वृष॑दतीं गोषे॒धां वि॑ध॒मामु॒त।
वि॒ली॒ढ्यं ऽ लला॒म्यं॑१ ता अ॒स्मन्ना॑शयामसि ॥४॥

Rishyapadim vrishadatim goshedham vidhamamuta
Vilidhyam lalamyan1 ta asmannashayamasi