Utshovঅধ্যায় 38
38.1
দেবস্য ত্বা সবিতুঃ প্রসবেঽশ্বিনোর্বাহুভ্যাং পূষ্ণো হস্তাভ্যাম্ ।
আ দদেঽদিত্যৈ রাস্নাঽসি ॥১॥
38.2
ইড এহ্যদিত এহি সরস্বত্ত্যেহি । অসাবেহ্যসাবেহ্যসাবেহি ॥২॥
38.3
অদিত্যৈ রাস্নাঽসীন্দ্রাণ্যা উষ্ণীষঃ ।
পূষাঽসি ঘর্মায় দীষ্ব ॥৩॥
38.4
অশ্বিভ্যাং পিন্বস্ব সরস্বত্যৈ পিন্বস্বেন্দ্রায় পিন্বস্ব ।
স্বাহেন্দ্রবৎ স্বাহেন্দ্রবৎ স্বাহেন্দ্রবৎ ॥৪॥
38.5
যস্তে স্তনঃ শশয়ো যো ময়োভূর্যো রত্নধা বসুবিদ্যঃ সুদত্রঃ ।
যেন বিশ্বা পুষ্যসি বার্যাণি সরস্বতি তমিহ ধাতবেঽকঃ । উর্বন্তরিক্ষমন্বেমি ॥৫॥
38.6
গায়ত্রং ছন্দোঽসি ত্রৈষ্টুভং ছন্দোঽসি দ্যাবাপৃথিবীভ্যাং ত্বা পরি গৃহ্ণাম্যন্তরিক্ষেণোপ যচ্ছামি ।
ইন্দ্রাশ্বিনা মধুনঃ সারঘস্য ঘর্মং পাত বসবো যজত বাট্ ।
স্বাহা সূর্যস্য রশ্ময়ে বৃষ্টিবনয়ে ॥৬॥
38.7
সমুদ্রায় ত্বা বাতায় স্বাহা সরিরায় ত্বা বাতায় স্বাহা ।
অনাধৃষ্যায় ত্বা বাতায় স্বাহা ঽপ্রতিধৃষ্যায় ত্বা বাতায় স্বাহা ।
অবস্যবে ত্বা বাতায় স্বাহা ঽশিমিদায় ত্বা বাতায় স্বাহা ॥৭॥
38.8
ইন্দ্রায় ত্বা বসুমতে রুদ্রবতে স্বাহেন্দ্রায় ত্বাঽঽদিত্যবতে স্বাহেন্দ্রায় ত্বাঽভিমাতিঘ্নে স্বাহা ।
সবিত্রে ত্ব ঋভুমতে বিভুমতে বাজবতে স্বাহা বৃহস্পতয়ে ত্বা বিশ্বদেব্যাবতে স্বাহা ॥৮॥
38.9
যমায় ত্বাঽঙ্গিরস্বতে পিতৃমতে স্বাহা । স্বাহা ঘর্মায় স্বাহা ঘর্মঃ পিত্রে ॥৯॥
38.10
বিশ্বা আশা দক্ষিণসদ্বিশ্বান্ দেবানয়াডিহ ।
স্বাহাকৃতস্য ঘর্মস্য মধোঃ পিবতমশ্বিনা ॥১০॥
38.11
দিবি ধা ইমং যজ্ঞমিমং যজ্ঞং দিবি ধাঃ । স্বাহাঽগ্নয়ে যজ্ঞিয়ায় শং যজুর্ভ্যঃ ॥১১॥
38.12
অশ্বিনা ঘর্মং পাতং হার্দ্বানমহর্দিবাভিরূতিভিঃ । তন্ত্রায়িণে নমো দ্যাবাপৃথিবীভ্যাম্ ॥১২॥
38.13
অপাতামশ্বিনা ঘর্মমনু দ্যাবাপৃথিবী অমংসাতাম্ । ইহৈব রাতয়ঃ সন্তু ॥১৩॥
38.14
ইষে পিন্বস্বোর্জে পিন্বস্ব ব্রহ্মণে পিন্বস্ব ক্ষত্রায় পিন্বস্ব দ্যাবাপৃথিবীভ্যাং পিন্বস্ব ।
ধর্মাসি সুধর্মামেন্যস্মে নৃম্ণানি ধারয় ব্রহ্ম ধারয় ক্ষত্রং ধারয় বিশং ধারয় ॥১৪॥
38.15
স্বাহা পূষ্ণে শরসে স্বাহা গ্রাবভ্যঃ স্বাহা প্রতিরবেভ্যঃ ।
স্বাহা পিতৃভ্য ঊর্ধ্ববর্হির্ভ্যো ঘর্মপাবভ্যঃ স্বাহা দ্যাবাপৃথিবীভ্যাং স্বাহা বিশ্বেভ্যো দেবেভ্যঃ ॥১৫॥
38.16
স্বাহা রুদ্রায় রুদ্রহূতয়ে স্বাহা সং জ্যোতিষা জ্যোতিঃ ।
অহঃ কেতুনা জুষতাং সুজ্যোতির্জ্যোতিষা স্বাহা ।
রাত্রিঃ কেতুনা জুষতাং সুজ্যোতির্জ্যোতিষা স্বাহা ।
মধু হুতমিন্দ্রতমে অগ্নাবশ্যাম তে দেব ঘর্ম নমস্তে অস্তু মা মা হিংসীঃ ॥১৬॥
38.17
অভীমং মহিমা দিবং বিপ্রো বভূব সপ্রথাঃ ।
উত শ্রবসা পৃথিবীং সং সীদস্ব মহাঁ২ অসি রোচস্ব দেববীতমঃ ॥১৭॥
38.18
যা তে ঘর্ম দিব্যা শুগ্যা গায়ত্র্যাং হবির্ধানে ।
সা ত আ প্যায়তাং নিষ্টয়ায়তাং তস্যৈ তে স্বাহা ।
যা তে ঘর্মান্তরিক্ষে শুগ্যা ত্রিষ্টুভ্যাগ্নীধ্রে ।
সা ত আ প্যায়তাং নিষ্টয়ায়তাং তস্যৈ তে স্বাহা ।
যা তে ঘর্ম পৃথিব্যাং শুগ্যা জগত্যাং সদস্যা ।
সা ত আ প্যায়তাং নিষ্টয়ায়তাং তস্যৈ তে স্বাহা ॥১৮॥
38.19
ক্ষত্রস্য ত্বা পরস্পায় ব্রহ্মণস্তন্বং পাহি ।
বিশস্ত্বা ধর্মণা বয়মনু ক্রামাম সুবিতায় নব্যসে ॥১৯॥
38.20
চতুঃ স্রক্তির্নাভিরৃতস্য সপ্রথাঃ স নো বিশ্বায়ুঃ সপ্রথাঃ স নঃ সর্বায়ুঃ সপ্রথাঃ ।
অপ দ্বেষো অপ হ্বরোঽন্যব্রতস্য সশ্চিম ॥২০॥
38.21
ঘর্মৈতত্তে পুরীষং তেন বর্ধস্ব চা চ প্যায়স্ব । বর্ধিষীমহি চ বয়মা চ প্যাসিষীমহি ॥২১॥
38.22
অচিক্রদদ্বৃষা হরির্মহান্মিত্রো ন দর্শতঃ । সং সূর্যেণ দিদ্যুতদুদধির্নিধিঃ ॥২২॥
38.23
সুমিত্রিয়া ন আপ ওষধয়ঃ সন্তু দুর্মিত্রিয়াস্তস্মৈ সন্তু যোঽস্মান্ দ্বেষ্টি যং চ বয়ং দ্বিষ্মঃ ॥২৩॥
38.24
উদ্বয়ং তমসস্পরি স্বঃ পশ্যন্ত উত্তরম্ । দেবং দেবত্রা সূর্যমগন্ম জ্যোতিরুত্তমম্ ॥২৪॥
38.25
এধোঽস্যেধিষীমহি সমিদসি তেজোঽসি তেজো ময়ি ধেহি ॥২৫॥
38.26
যাবতী দ্যাবাপৃথিবী যাবচ্চ সপ্ত সিন্ধবো বিতস্থিরে ।
তবন্তমিন্দ্র তে গ্রহমূর্জা গৃহ্ণাম্যক্ষিতং ময়ি গৃহ্ণাম্যক্ষিতম্ ॥২৬॥
38.27
ময়ি ত্যদিন্দ্রিয়ং বৃহন্ময়ি দক্ষো ময়ি ক্রতুঃ ।
ঘর্মস্ত্রিশুগ্বি রাজতি বিরাজা জ্যোতিষা সহ ব্রহ্মণা তেজসা সহ ॥২৭॥
38.28
পয়সো রেত আভৃতং তস্য দোহমশীমহ্যুত্তরামুত্তরাং সমাম্ ।
ত্বিষঃ সংবৃক্ ক্রত্বে দক্ষস্য তে সুষুম্ণস্য তে সুষুম্ণাগ্নিহুতঃ ।
ইন্দ্রপীতস্য প্রজাপতিভক্ষিতস্য মধুমত উপহূত উপহূতস্য ভক্ষয়ামি ॥২৮॥