অধ্যায় 39

39.1

স্বাহা প্রাণেভ্যঃ সাধিপতিকেভ্যঃ । পৃথিব্যৈ স্বাহা ঽগ্নয়ে স্বাহা ঽন্তরিক্ষায় স্বাহা বায়বে স্বাহা ।
দিবে স্বাহা সূর্যায় স্বাহা ॥১॥

39.2

দিগ্ভ্যঃ স্বাহা চন্দ্রায় স্বাহা নক্ষত্রেভ্যঃ স্বাহা ঽদ্ভ্যঃ স্বাহা বরুণায় স্বাহা ।
নাভ্যৈ স্বাহা পূতায় স্বাহা ॥২॥

39.3

বাচে স্বাহা প্রাণায় স্বাহা প্রাণায় স্বাহা । চক্ষুষে স্বাহা চক্ষুষে স্বাহা শ্রোত্রায় স্বাহা
শ্রোত্রায় স্বাহা ॥৩॥

39.4

মনসঃ কামমাকূতিং বাচঃ সত্যমশীয় । পশূনাং রূপমন্নস্য রসো যশঃ শ্রীঃ শ্রয়তাং ময়ি স্বাহা ॥৪॥

প্রজাপতিঃ সম্ভ্রিয়মাণঃ সম্রাট্ সম্ভৃতো বৈশ্বদেবঃ সংসন্নো ঘর্মঃ প্রবৃক্তস্তেজ উদ্যত আশ্বিনঃ পয়স্যানীয়মানে পৌষ্ণো বিষ্যন্দমানে মারুতঃ ক্লথন্ ।
মৈত্রঃ শরসি সন্তায্যমানে বায়ব্যো হ্রিয়মাণ আগ্নেয়ো হূয়মানো বাগ্ঘুতঃ ॥৫॥

39.6

সবিতা প্রথমেঽহন্নগ্নির্দ্বিতীয়ে বায়ুস্তৃতীয় আদিত্যশ্চতুর্থে চন্দ্রমাঃ পঞ্চম ঋতুঃ ষষ্ঠে মরুতঃ সপ্তমে বৃহস্পতিরষ্টমে ।
মিত্রো নবমে বরুণো দশম ইন্দ্র একাদশে বিশ্বে দেবা দ্বাদশে ॥৬॥

39.7

উগ্রশ্চ ভীমশ্চ ধ্বান্তশ্চ ধুনিশ্চ ।
সাসহ্বাঁশ্চাভিয়ুগ্বা চ বিক্ষিপঃ স্বাহা ॥৭॥

39.8

অগ্নিং হৃদয়েনাশনিং হৃদয়াগ্রেণ পশুপতিং কৃত্স্নহৃদয়েন ভবং যক্না ।
শর্বং মতস্নাভ্যামীশানং মন্যুনা মহাদেবমন্তঃপর্শব্যেনোগ্রং দেবং বনিষ্ঠুনা বসিষ্ঠহনুঃ শিঙ্গীনি কোশ্যাভ্যাম্ ॥৮॥

39.9

উগ্রঁল্লোহিতেন মিত্রং সৌব্রত্যেন রুদ্রং দৌর্ব্রত্যেনেন্দ্রং প্রক্রীডেন মরুতো বলেন সাধ্যান্ প্রমুদা । ভবস্য কণ্ঠ্যং রুদ্রস্যান্তঃ পার্শ্ব্যং মহাদেবস্য যকৃচ্ছর্বস্য বনিষ্ঠুঃ পশুপতেঃ পুরীতৎ ॥৯॥

39.10

লোমভ্যঃ স্বাহা লোমভ্যঃ স্বাহা ত্বচে স্বাহা ত্বচে স্বাহা লোহিতায় স্বাহা লোহিতায় স্বাহা মেদোভ্যঃ স্বাহা মেদোভ্যঃ স্বাহা ।
মাংসেভ্যঃ স্বাহা মাংসেভ্যঃ স্বাহা স্নাবভ্যঃ স্বাহা স্নাবভ্যঃ স্বাহা ঽস্থভ্যঃ স্বাহা স্থভ্যঃ স্বাহা মজ্জভ্যঃ স্বাহা মজ্জভ্যঃ স্বাহা ।
রেতসে স্বাহা পায়বে স্বাহা ॥১০॥