Utshovঅধ্যায় 30
30.1
দেব সবিতঃ প্র সুব যজ্ঞং প্র সুব যজ্ঞপতিং ভগায় ।
দিব্যো গন্ধর্বঃ কেতুপূঃ কেতং নঃ পুনাতু বাচস্পতির্বাজং নঃ স্বদতু ॥১॥
30.2
তত্সবিতুর্বরেণ্যং ভর্গো দেবস্য ধীমহি ।
ধিয়ো যো নঃ প্রচোদয়াৎ ॥২॥
30.3
বিশ্বানি দেব সবিতর্দুরিতানি পরা সুব ।
যদ্ভদ্রং তন্ন আ সুব ॥৩॥
30.4
বিভক্তারং হবামহে বসোশ্চিত্রস্য রাধসঃ ।
সবিতারং নৃচক্ষসম্ ॥৪॥
30.5
ব্রহ্মণে ব্রাহ্মণং ক্ষত্রায় রাজন্যং মরুদ্ভ্যো বৈশ্যং তপসে শূদ্রং তমসে তস্করং নারকায় বীরহণং পাপ্মনে ক্লীবমাক্রয়ায়া অয়োগূং কামায় পুঁশ্চলূমতিক্রুষ্টায় মাগধম্ ॥৫॥
30.6
নৃত্তায় সূতং গীতায় শৈলূষং ধর্মায় সভাচরং নরিষ্ঠায়ৈ ভীমলং নর্মায় রেভং হসায় কারিমানন্দায় স্ত্রীষখং প্রমদে কুমারীপুত্রং মেধায়ৈ রথকারং ধৈর্যায় তক্ষাণম্ ॥৬॥
30.7
তপসে কৌলালং মায়ায়ৈ কর্মারং রূপায় মণিকারং শুভে বপং শরব্যায়া ইষুকারং হেত্যৈ ধনুষ্কারং কর্মণে জ্যাকারং দিষ্টায় রজ্জুসর্জং মৃত্যবে মৃগয়ুমন্তকায় শ্বনিনম্ ॥৭॥
30.8
নদীভ্যঃ পৌঞ্জিষ্ঠমৃক্ষীকাভ্যো নৈষাদং পুরুষব্যাঘ্রায় দুর্মদং গন্ধর্বাপ্সরোভ্যো ব্রাত্যং প্রয়ুগ্ভ্য উন্মত্তং সর্পদেবজনেভ্যোঽপ্রতিপদময়েভ্যঃ কিতবমীর্যতায়া অকিতবং পিশাচেভ্যো বিদলকারীং যাতুধানেভ্যঃ কণ্টকীকারীম্ ॥৮॥
30.9
সন্ধয়ে জারং গেহায়োপপতিমার্ত্যৈ পরিবিত্তং নিরৃত্যৈ পরিবিবিদানমরাদ্ধ্যা এদিধিষুঃ পতিং নিষ্কৃত্যৈ পেশস্কারীং সংজ্ঞানায় স্মরকারীং প্রকামোদ্যায়োপসদং বর্ণায়ানুরুধং বলায়োপদাম্ ॥৯॥
30.10
উত্সাদেভ্যঃ কুব্জং প্রমুদে বামনং দ্বার্ভ্যঃ স্রামং স্বপ্নায়ান্ধমধর্মায় বধিরং পবিত্রায় ভিষজং প্রজ্ঞানায় নক্ষত্রদর্শমাশিক্ষায়ৈ প্রশ্নিনমুপশিক্ষায়া অভিপ্রশ্নিনং মর্যাদায়ৈ প্রশ্নবিবাকম্ ॥১০॥
30.11
অর্মেভ্যো হস্তিপং জবায়াশ্বপং পুষ্ট্যৈ গোপালং বীর্যায়াবিপালং তেজসেঽজপালমিরায়ৈ কীনাশং কীলালায় সুরাকারং ভদ্রায় গৃহপং শ্রেয়সে বিত্তধমাধ্যক্ষ্যায়ানুক্ষতারম্ ॥১১॥
30.12
ভায়ৈ দার্বাহারং প্রভায়া অগ্ন্যেধং ব্রধ্নস্য বিষ্টপায়াভিষেক্তারং বর্ষিষ্ঠায় নাকায় পরিবেষ্টারং দেবলোকায় পেশিতারং মনুষ্যলোকায় প্রকরিতারং সর্বেভ্যো লোকেভ্য উপসেক্তারমব ঋত্যৈ বধায়োপমন্থিতারং মেধায় বাসঃ পল্পূলীং প্রকামায় রজয়িত্রীম্ ॥১২॥
30.13
ঋতয়ে স্তেনহৃদয়ং বৈরহত্যায় পিশুনং বিবিক্ত্যৈ ক্ষত্তারমৌপদ্রষ্ট্র্যায়ানুক্ষত্তারং বলায়ানুচরং ভূম্নে পরিষ্কন্দং প্রিয়ায় প্রিয়বাদিন মরিষ্ট্যা অশ্বসাদং স্বর্গায় লোকায় ভাগদুঘং বর্ষিষ্ঠায় নাকায় পরিবেষ্টারম্ ॥১৩॥
30.14
মন্যবেঽয়স্তাপং ক্রোধায় নিসরং যোগায় যোক্তারং শোকায়াভিসর্তারং ক্ষেমায় বিমোক্তারমুত্কূলনিকূলেভ্যস্ত্রিষ্ঠিনং বপুষে মানস্কৃতং শীলায়াঞ্জনীকারীং নিরৃত্যৈ কোশকারীং যমায়াসূম্ ॥১৪॥
30.15
যমায় যমসূমথর্বভ্যোঽবতোকাং সংবত্সরায় পর্যায়িণীং পরিবত্সরায়াবিজাতামিদাবত্সরায়াতীত্বরীমিদ্বত্সরায়াতিষ্কদ্বরীং বত্সরায় বিজর্জরাং সংবত্সরায় পলিক্নীমৃভুভ্যোঽজিনসন্ধং সাধ্যেভ্যশ্চর্মম্নম্ ॥১৫॥
30.16
সরোভ্যো ধৈবরমুপস্থাবরাভ্যো দাশং বৈশন্তাভ্যো বৈন্দং নড্বলাভ্যঃ শৌষ্কলং পারায় মার্গারমবারায় কৈবর্তং তীর্থেভ্য আন্দং বিষমেভ্যো মৈনালং স্বনেভ্যঃ পর্ণকং গুহাভ্যঃ কিরাতং সানুভ্যো জম্ভকং পর্বতেভ্যঃ কিম্পূরুষম্ ॥১৬॥
30.17
বীভত্সায়ৈ পৌল্কসং বর্ণায় হিরণ্যকারং তুলায়ৈ বাণিজং পশ্চাদোষায় গ্লাবিনং বিশ্বেভ্যো ভূতেভ্যঃ সিধ্মলং ভূত্যৈ জাগরণমভূত্যৈ স্বপনমার্ত্যৈ জনবাদিনং ব্যৃর্দ্ধ্যা অপগল্ভং সংশরায় প্রচ্ছিদম্ ॥১৭॥
30.18
অক্ষরাজায় কিতবং কৃতায়াদিনবদর্শং ত্রেতায়ৈ কল্পিনং দ্বাপরায়াধিকল্পিনমাস্কন্দায় সভাস্থাণুং মৃত্যবে গোব্যচ্ছমন্তকায় গোঘাতং ক্ষুধে যো গাং বিকৃন্তন্তং ভিক্ষমাণ উপতিষ্ঠতি দুষ্কৃতায় চরকাচার্যং পাপ্মনে সৈলগম্ ॥১৮॥
30.19
প্রতিশ্রুত্কায়া অর্তনং ঘোষায় ভষমন্তায় বহুবাদিনমনন্তায় মূকং শব্দায়াডম্বরাঘাতং মহসে বীণাবাদং ক্রোশায় তূণবধ্মমবরস্পরায় শঙ্খধ্মং বনায় বনপমন্যতোরণ্যায় দাবপম্ ॥১৯॥
30.20
নর্মায় পুঁশ্চলূং হসায় কারিং যাদসে শাবল্যাং গ্রামণ্যং গণকমভিক্রোশকং তান্মহসে বীণাবাদং পাণিঘ্নং তূণবধ্মং তান্নৃত্তায়ানন্দায়
তলবম্ ॥২০॥
30.21
অগ্নয়ে পীবানং পৃথিব্যৈ পীঠসর্পিণং বায়বে চাণ্ডালমন্তরিক্ষায় বংশনর্তিনং দিবে খলতিং সূর্যায় হর্যক্ষং নক্ষত্রেভ্যঃ কির্মিরং চন্দ্রমসে কিলাসমহ্নে শুক্লং পিঙ্গাক্ষং রাত্র্যৈ কৃষ্ণং পিঙ্গাক্ষম্ ॥২১॥
30.22
অথৈতানষ্টৌ বিরূপানা লভতেঽতিদীর্ঘং চাতিহ্রস্বং চাতিস্থূলং চাতিকৃশং চাতিশুক্লং চাতিকৃষ্ণং চাতিকুল্বং চাতিলোমশং চ ।
অশূদ্রা অব্রাহ্মণাস্তে প্রাজাপত্যাঃ ।
মাগধঃ পুঁশ্চলী কিতবঃ ক্লীবোঽশূদ্রা অব্রাহ্মণাস্তে প্রাজাপত্যাঃ ॥২২॥