অধ্যায় 20

20.1

অথ বিংশোঽধ্যায়ঃ

বাজস্য নু প্রসবে মাতরং মহীমদিতিং নাম বচসা করামহে ।
যস্যামিদং বিশ্বং ভুবনমাবিবেশ তস্যাং নো দেবঃ সবিতা ধর্ম সাবিষক্ ॥১॥

20.2

বিশ্বে অদ্য মরুতো বিশ্ব ঊতী বিশ্বে ভবন্ত্বগ্নয়ঃ সমিদ্ধাঃ ।
বিশ্বে নো দেবা অবসাগমন্তু বিশ্বমস্তু দ্রবিণং বাজো অস্মে ॥২॥

20.3

বাজো নঃ সপ্ত প্রদিশশ্চতস্রো বা পরাবতঃ । বাজো নো বিশ্বৈর্দেবৈর্ধনসাতা ইহাবতু ॥৩॥

20.4

বাজো নো অদ্য প্রসুবাতি দানং বাজো দেবাঁ৩ ঋতুভিঃ কল্পয়াতি ।
বাজো হি মা সর্ববীরং চকার সর্বা আশা বাজপতির্ভবেয়ম্ ॥৪॥

20.5

৪ (১১৩১)
বজঃ পুরস্তাদুত মধ্যতো নো বাজো দেবান্ হবিষা বর্ধয়াতি ।
বাজো হি মা সর্ববীরং চকার বিশ্বা আশা বাজপতির্জয়েয়ম্ ॥৫॥

20.6

সং মা সৃজামি পয়সা পৃথিব্যাঃ সং মা সৃজাম্যদ্ভিরোষধীভিঃ । সোঽহং বাজং সনেয়মগ্নে ॥৬॥

20.7

পয়ঃ পৃথিব্যাং পয় ওষধীষু পয়ো দিব্যন্তরিক্ষে পয়োধাঃ ।
পয়স্বতীঃ প্রদিশঃ সন্তু মহ্যম্ ।দেবস্য ত্বা সবিতুঃ প্রসবেঽশ্বিনোর্বাহুভ্যাং পূষ্ণো হস্তাভ্যাম্ ।
সরস্বত্যৈ বাচো যন্তুর্যন্ত্রেণাগ্নেঃ সাম্রাজ্যেনাভিষিঞ্চামি ॥৭॥

20.8

(১) ৭
ঋতাষালৃতধামাগ্নির্গন্ধর্বঃ । তস্যৌষধয়োঽপ্সরসো মুদো নাম ।
স ন ইদং ব্রহ্ম ক্ষত্রং পাতু তস্মৈ স্বাহা বাট্ তাভ্যঃ স্বাহা ॥১॥

20.9

সংহিতো বিশ্বসামা সূর্যো গন্ধর্বঃ । তস্য মরীচয়োঽপ্সরস আয়ুবো নাম ।
স ন ইদং ব্রহ্ম ক্ষত্রং পাতু তস্মৈ স্বাহা বাট্ তাভ্যঃ স্বাহা ॥২॥

20.10

সুষুম্ণঃ সূর্যরশ্মিশ্চন্দ্রমা গন্ধর্বঃ । তস্য নক্ষত্রাণ্যপ্সরসো ভেকুরয়ো নাম ।
স ন ইদং ব্রহ্ম ক্ষত্রং পাতু তস্মৈ স্বাহা বাট্ তাভ্যঃ স্বাহা ॥৩॥

20.11

ইষিরো বিশ্বব্যচা বাতো গন্ধর্বঃ । তস্যাপো অপ্সরস ঊর্জো নাম ।
স ন ইদং ব্রহ্ম ক্ষত্রং পাতু তস্মৈ স্বাহা বাট্ তাভ্যঃ স্বাহা ॥৪॥

20.12

ভুজ্যুঃ সুপর্ণো যজ্ঞো গন্ধর্বঃ । তস্য দক্ষিণা অপ্সরসস্তাবা নাম ।
স ন ইদং ব্রহ্ম ক্ষত্রং পাতু তস্মৈ স্বাহা বাট্ তাভ্যঃ স্বাহা ॥৫॥

20.13

প্রজাপতির্বিশ্বকর্মা মনো গন্ধর্বঃ । তস্য ঋক্সামান্যপ্সরস এষ্টয়ো নাম ।
স ন ইদং ব্রহ্ম ক্ষত্রং পাতু তস্মৈ স্বাহা বাট্ তাভ্যঃ স্বাহা ॥৬॥

20.14

স নো ভুবনস্য পতে প্রজাপতে যস্য ত উপরি গৃহা যস্য বেহ ।
অস্মৈ ব্রহ্মণেঽস্মৈ ক্ষত্রায় মহি শর্ম যচ্ছ স্বাহা ॥৭॥

20.15

সমুদ্রোঽসি নভস্বানার্দ্রদানুঃ শম্ভূর্ময়োভূরভি মা বাহি স্বাহা ।
মারুতোঽসি মরুতাং গণঃ শম্ভূর্ময়োভূরভি মা বাহি স্বাহা ।
অবস্যূরসি দুবস্বাঞ্ছম্ভূর্ময়োভূরভি মা বাহি স্বাহা ॥৮॥

20.16

যাস্তে অগ্নে সূর্যে রুচো দিবমাতন্বন্তি রশ্মিভিঃ ।
তাভির্নো অদ্য সর্বাভী রুচে জনায় নস্কৃধি ॥৯॥

20.17

যা বো দেবাঃ সূর্যে রুচো গোষ্বশ্বেষু যা রুচঃ ।
ইন্দ্রাগ্নী তাভিঃ সর্বাভী রুচং নো ধত্ত বৃহস্পতে ॥১০॥

20.18

১৭ (১১৪৪)
রুচং নো ধেহি ব্রাহ্মণেষু রুচং রাজসু নস্কৃধি ।
রুচং বিশ্যেষু শূদ্রেষু ময়ি ধেহি রুচা রুচম্ ॥১১॥

20.19

তত্ত্বা যামি ব্রহ্মণা বন্দমানস্তদাশাস্তে যজমানো হবির্ভিঃ ।
অহেলমানো বরুণেহ বোধ্যুরুশংস মা ন আয়ুঃ প্রমোষীঃ ॥১২॥

20.20

স্বর্ণ ঘর্মঃ স্বাহা স্বর্ণার্কঃ স্বাহা স্বর্ণ শুক্রঃ স্বাহা ।
স্বর্ণ জ্যোতিঃ স্বাহা স্বর্ণ সূর্যঃ স্বাহা ॥১৩॥

20.21

(২) ২০
অগ্নিং যুনজ্মি শবসা ঘৃতেন দিব্যং সুপর্ণং বয়সা বৃহন্তম্ ।
তেন গমেম ব্রধ্নস্য বিষ্টপং স্বো রুহাণা অধি নাকমুত্তমম্ ॥১॥

20.22

ইমৌ তে পক্ষা অজরৌ পতত্রিণো যাভ্যাং রক্ষাংস্যপহংস্যগ্নে ।
তাভ্যাং পতেম সুকৃতামু লোকং যত্র ঋষয়ো জগ্মুঃ প্রথমজাঃ পুরাণাঃ ॥২॥

20.23

ইন্দুর্দক্ষঃ শ্যেন ঋতাবা হিরণ্যপক্ষঃ শকুনো ভুরণ্যুঃ ।
মহান্ত্সধস্থে ধ্রুব আ নিষত্তো নমস্তে অস্তু মা মা হিংসীঃ ॥৩॥

20.24

দিবো মূর্ধাসি পৃথিব্যা নাভিরূর্গপামোষধীনাম্ ।
বিশ্বায়ুঃ শর্ম সপ্রথা নমস্পথে ॥৪॥

20.25

বিশ্বস্য মূর্ধন্নধি তিষ্ঠসি শ্রিতঃ সমুদ্রে তে হৃদয়মপ্স্বায়ুরপো দত্তোদধিং ভিন্ত ।
দিবস্পর্জন্যাদন্তরিক্ষাত্পৃথিব্যাস্ততো নো বৃষ্ট্যাব ॥৫॥

20.26

ইষ্টো যজ্ঞো ভৃগুভিরাশীর্দা বসুভিঃ । তস্য ন ইষ্টস্য প্রীতস্য দ্রবিণেহাগমেঃ ॥৬॥

20.27

ইষ্টো অগ্নিরাহুতঃ পিপর্তু ন ইষ্টং হবিঃ । স্বগেদং দেবেভ্যো নমঃ ॥৭॥

20.28

(৩) ২৭
যদাকূতাত্সমসুস্রোদ্ধৃদো বা মনসো বা সংভৃতং চক্ষুষো বা ।
তদনু প্রেত সুকৃতামু লোকং যত্র ঋষয়ো জগ্মুঃ প্রথমজাঃ পুরাণাঃ ॥১॥

20.29

এতং সধস্থ পরি তে দদামি যমাবহাচ্ছেবধিং জাতবেদাঃ ।
অন্বাগন্তা যজ্ঞপতির্বো অত্র তং স্ম জানীথ পরমে ব্যোমন্ ॥২॥

20.30

এতং জানাথ পরমে ব্যোমন্দেবাঃ সধস্থা বিদ রূপমস্য ।
যদাগচ্ছাত্পথিভির্দেবয়ানৈরিষ্টাপূর্তে কৃণবাথাবিরস্মৈ ॥৩॥

20.31

উদ্বুধ্যস্বাগ্নে প্রতিজাগৃহি ত্বমিষ্টাপূর্তে সংসৃজেথাময়ং চ ।
অস্মিন্ত্সধস্থে অধ্যুত্তরস্মিন্বিশ্বে দেবা যজমানাশ্চ সীদত ॥৪॥

20.32

৩১ (১১৫৮)
যেন বহসি সহস্রং যেনাগ্নে সর্ববেদসম্ । তেনেমং যজ্ঞং নো নয় স্বর্দেবেষু গন্তবে ॥৫॥

20.33

প্রস্তরেণ পরিধিনা স্রুচা বেদ্যা চ বর্হিষা । ঋচেমং যজ্ঞং নো নয় স্বর্দেবেষু গন্তবে ॥৬॥

20.34

যদ্দত্তং যত্পরাদানং যত্পূর্তং যাশ্চ দক্ষিণাঃ । তদগ্নির্বৈশ্বকর্মণঃ স্বর্দেবেষু নো দধৎ ॥৭॥

20.35

যত্র ধারা অনপেতা মধোর্ঘৃতস্য চ যাঃ । তদগ্নির্বৈশ্বকর্মণঃ স্বর্দেবেষু নো দধৎ ॥৮॥

20.36

যে অগ্নয়ঃ পাঞ্চজন্যা অস্যাং পৃথিব্যামধি । তেষামসি ত্বমুত্তমঃ প্র নো জীবাতবে সুব ॥৯॥

20.37

(৪) ৩৬
বার্ত্রহত্যায় শবসে পৃতনাষাহ্যায় চ । ইন্দ্র ত্বাবর্তয়ামসি ॥১॥

20.38

সহদানুং পুরুহূত ক্ষিয়ন্তমহস্তমিন্দ্র সংপিণক্ কুণারুম্ ।
অভি বৃত্রং বর্ধমানং পিয়ারুমপাদমিন্দ্র তবসা জঘন্থ ॥২॥

20.39

বি ন ইন্দ্র মৃধো জহি নীচা যচ্ছ পৃতন্যতঃ ।
যো অস্মাঁ৩ অভিদাসত্যধরং গময়া তমঃ ॥৩॥

20.40

মৃগো ন ভীমঃ কুচরো গিরিষ্ঠাঃ পরাবত আজগন্থা পরস্যাঃ ।
সৃকং সংশায় পবিমিন্দ্র তিগ্মং বি শত্রূন্তালিহ বি মৃধো নুদস্ব ॥৪॥

20.41

বৈশ্বানরো ন ঊতয় আ প্র যাতু পরাবতঃ । অগ্নির্নঃ সুষ্টুতীরুপ ॥৫॥

20.42

পৃষ্টো দিবি পৃষ্টো অগ্নিঃ পৃথিব্যাং পৃষ্টো বিশ্বা ওষধীরা বিবেশ ।
বৈশ্বানরঃ সহসা পৃষ্টো অগ্নিঃ স নো দিবা স রিষস্পাতু নক্তম্ ॥৬॥

20.43

অশ্যাম তং কামমগ্নে তবোতী অশ্যাম রয়িং রয়িবঃ সুবীরম্ ।
অশ্যাম বাজমভি বাজয়ন্তোঽশ্যাম দ্যুম্নমজরাজরং তে ॥৭॥

20.44

বয়ং তে অদ্য ররিমা হি কামমুত্তানহস্তা নমসোপসদ্য ।
যজিষ্ঠেন মনসা যক্ষি দেবানস্রেধতা মন্মনা বিপ্রো অগ্নে ॥৮॥

20.45

ধামচ্ছদগ্নিরিন্দ্রো ব্রহ্মা দেবো বৃহস্পতিঃ । সচেতসো বিশ্বে দেবা যজ্ঞং প্রাবন্তু নঃ শুভে ॥৯॥

20.46

ত্বং যবিষ্ঠ দাশুষো নৄঃং পাহি শৃণুধী গিরঃ । রক্ষা তোকমুত ত্মনা ॥১০॥

20.47

(৫) ৪৬ (১১৭৩)
॥ইতি শুক্লয়জুঃ কাণ্বসংহিতায়াং বিংশোঽধ্যায়ঃ॥ (২০)
॥ইতি দ্বিতীয়ো দশকঃ ॥২॥