অধ্যায় 19

19.1

অথৈকোনবিংশোধ্যায়ঃ

ইমং স্তনমূর্জস্বন্তং ধয়াপাং প্রপীনমগ্নে সরিরস্য মধ্যে ।
উত্সং জুষস্ব শতধারমর্বন্ত্সমুদ্রিয়ং সদনমাবিশস্ব ॥১॥

19.2

ঘৃতং মিমিক্ষে ঘৃতমস্য যোনির্ঘৃতে শ্রিতো ঘৃতম্বস্য ধাম ।
অনুষ্বধমাবহ মাদয়স্ব স্বাহাকৃতং বৃষভ বক্ষি হব্যম্ ॥২॥

19.3

সমুদ্রাদূর্মির্মধুমাঁ৩ উদারদুপাংশুনা সমমৃতত্বমানট্ ।
ঘৃতস্য নাম গুহ্যং যদস্তি জিহ্বা দেবানামমৃতস্য নাভিঃ ॥৩॥

19.4

বয়ং নাম প্রব্রবামা ঘৃতস্যাস্মিন্ যজ্ঞে ধারয়ামা নমোভিঃ ।
উপ ব্রহ্মা শৃণবচ্ছস্যমানং চতুঃ শৃঙ্গোঽবমীদ্গৌর এতৎ ॥৪॥

19.5

৪॥
চত্বারি শৃঙ্গা ত্রয়ো অস্য পাদা দ্বে শীর্ষে সপ্ত হস্তাসো অস্য ।
ত্রিধা বদ্ধো বৃষভো রোরবীতি মহো দেবো মর্ত্যাঁ৩ আবিবেশ ॥৫॥

19.6

ত্রিধা হিতং পণিভির্গুহ্যমানং গবি দেবাসো ঘৃতমন্ববিন্দন্ ।
ইন্দ্র একং সূর্য একং জজান বেনাদেকং স্বধয়া নিষ্টতক্ষুঃ ॥৬॥

19.7

৬ (১০৯০)
এতা অর্ষন্তি হৃদ্যাত্সমুদ্রাচ্ছতব্রজা রিপুণা নাবচক্ষে ।
ঘৃতস্য ধারা অভিচাকশীমি হিরণ্যয়ো বেতসো মধ্য আসাম্ ।
সম্যক্ স্রবন্তি সরিতো ন ধেনা অন্তর্হৃদা মনসা পূয়মানাঃ ।
এতে অর্ষন্ত্যূর্ময়ো ঘৃতস্য মৃগা ইব ক্ষিপণোরীষমাণাঃ ॥৭॥

19.8

সিন্ধোরিব প্রাধ্বনে শূঘনাসো বাতপ্রমিয়ঃ পতয়ন্তি যহ্বাঃ ।
ঘৃতস্য ধারা অরুষো ন বাজী কাষ্ঠা ভিন্দন্নূর্মিভিঃ পিন্বমানঃ ॥৮॥

19.9

অভিপ্রবন্ত সমনেব যোষাঃ কল্যাণ্যঃ স্ময়মানাসো অগ্নিম্ ।
ঘৃতস্য ধারাঃ সমিধো নসন্ত তা জুষাণো হর্যতি জাতবেদাঃ ॥৯॥

19.10

কন্যা ইব বহতুমেতবা উ অঞ্জ্যঞ্জানা অভিচাকশীমি ।
যত্র সোমঃ সূয়তে যত্র যজ্ঞো ঘৃতস্য ধারা অভি তত্পবন্তে ॥১০॥

19.11

অভ্যর্ষত সুষ্টুতিং গব্যমাজিমস্মাসু ভদ্রা দ্রবিণানি ধত্ত ।
ইমং যজ্ঞং নয়ত দেবতা নো ঘৃতস্য ধারা মধুমত্পবন্তে ॥১১॥

19.12

ধামং তে বিশ্বং ভুবনমধি শ্রিতমন্তঃ সমুদ্রে হৃদ্যন্তরায়ুষি ।
অপামনীকে সমিথে য আভৃতস্তমশ্যাম মধুমন্তং ত ঊর্মিম্ ॥১২॥

19.13

(১) ১২
বাজশ্চ মে প্রসবশ্চ মে প্রয়তিশ্চ মে প্রসিতিশ্চ মে ।
ধীতিশ্চ মে ক্রতুশ্চ মে স্বরশ্চ মে শ্লোকশ্চ মে ।
শ্রবশ্চ মে শ্রুতিশ্চ মে জ্যোতিশ্চ মে স্বশ্চ মে যজ্ঞেন কল্পন্তাম্ ॥১॥

19.14

প্রাণশ্চ মেঽপানশ্চ মে ব্যানশ্চ মেঽসু চ মে ।
চিত্তং চ ম আধীতং চ মে বাক্ চ মে মনশ্চ মে ।
চক্ষুশ্চ মে শ্রোত্রং চ মে দক্ষশ্চ মে বলং চ মে যজ্ঞেন কল্পন্তাম্ ॥২॥

19.15

ওজশ্চ মে সহশ্চ ম আত্মা চ মে তনূশ্চ মে । শর্ম চ মে বর্ম চ মেঽঙ্গানি চ মেঽস্থানি চ মে ।
পরূংষি চ মে শরীরাণি চ ম আয়ুশ্চ মে জরা চ মে যজ্ঞেন কল্পন্তাম্ ॥৩॥

19.16

জ্যৈষ্ঠ্যং চ ম আধিপত্যং চ মে মন্যুশ্চ মে ভামশ্চ মে ।
অমশ্চ মেঽম্ভশ্চ মে জেমা চ মে মহিমা চ মে বরিমা চ মে প্রথিমা চ মে বর্ষিমা চ মে দ্রাঘিমা চ মে ।
বৃদ্ধং চ মে বৃদ্ধিশ্চ মে যজ্ঞেন কল্পন্তাম্ ॥৪॥

19.17

(২) ১৬
সত্যং চ মে শ্রদ্ধা চ মে জগচ্চ মে ধনং চ মে । বিশ্বং চ মে মহশ্চ মে ক্রীলা চ মে মোদশ্চ মে ।
জাতং চ মে জনিষ্যমাণং চ মে সূক্তং চ মে সুকৃতং চ মে যজ্ঞেন কল্পন্তাম্ ॥১॥

19.18

বিত্তং চ মে বেদ্যং চ মে ভূতং চ মে ভবিষ্যচ্চ মে । সুগং চ মে সুপথ্যং চ ম ঋদ্ধং চ ম ঋদ্ধিশ্চ মে ।
ক্লৃপ্তং চ মে ক্লৃপ্তিশ্চ মে মতিশ্চ মে সুমতিশ্চ মে যজ্ঞেন কল্পন্তাম্ ॥২॥

19.19

১৮ (১১০২)
যন্তা চ মে ধর্তা চ মে ক্ষেমশ্চ মে ধৃতিশ্চ মে । বিশ্বং চ মে মহশ্চ মে সংবিচ্চ মে জ্ঞাত্রং চ মে ।
সীরং চ মে লয়শ্চ মে সূশ্চ মে প্রসূশ্চ মে যজ্ঞেন কল্পন্তাম্ ॥৩॥

19.20

শং চ মে ময়শ্চ মে প্রিয়ং চ মেঽনুকামশ্চ মে । কামশ্চ মে সৌমনসশ্চ মে ভগশ্চ মে দ্রবিণং চ মে ।
ভদ্রং চ মে শ্রেয়শ্চ মে বসীয়শ্চ মে যশশ্চ মে যজ্ঞেন কল্পন্তাম্ ॥৪॥

19.21

(৩) ২০
ঊর্ক্চ মে সূনৃতা চ মে পয়শ্চ মে রসশ্চ মে । ঘৃতং চ মে মধু চ মে সগ্ধিশ্চ মে সপীতিশ্চ মে ।
কৃষিশ্চ মে বৃষ্টিশ্চ মে জৈত্রং চ ম ঔদ্ভিদ্যং চ মে যজ্ঞেন কল্পন্তাম্ ॥১॥

19.22

ঋতং চ মেঽমৃতং চ মেঽয়ক্ষ্মং চ মেঽনাময়চ্চ মে ।
জীবাতুশ্চ মে দীর্ঘায়ুত্বং চ মেঽনমিত্রং চ মেঽভয়ং চ মে ।
সুগং চ মে শয়নং চ মে সূষাশ্চ মে সুদিনং চ মে যজ্ঞেন কল্পন্তাম্ ॥২॥

19.23

রয়িশ্চ মে রায়শ্চ মে পুষ্টং চ মে পুষ্টিশ্চ মে । বিভু চ মে প্রভু চ মে পূর্ণং চ মে পূর্ণতরং চ মে ।
কুয়বং চ মেঽক্ষিতং চ মেঽন্নং চ মেঽক্ষুচ্চ মে যজ্ঞেন কল্পন্তাম্ ॥৩॥

19.24

ব্রীহয়শ্চ মে যবাশ্চ মে মাষাশ্চ মে তিলাশ্চ মে । মুদ্গাশ্চ মে খল্বাশ্চ মে প্রিয়ঙ্গবশ্চ মেঽণবশ্চ মে ।
শ্যামাকাশ্চ মে নীবারাশ্চ মে গোধূমাশ্চ মে মসূরাশ্চ মে যজ্ঞেন কল্পন্তাম্ ॥৪॥

19.25

(৪) ২৪
অশ্মা চ মে মৃত্তিকা চ মে গিরয়শ্চ মে পর্বতাশ্চ মে ।
সিকতাশ্চ মে বনস্পতয়শ্চ মে হিরণ্যং চ মেঽয়শ্চ মে ।
সীসং চ মে ত্রপু চ মে শ্যামং চ মে লোহং চ মে যজ্ঞেন কল্পন্তাম্ ॥১॥

19.26

অগ্নিশ্চ ম আপশ্চ মে বীরুধশ্চ ম ওষধয়শ্চ মে ।
কৃষ্টপচ্যাশ্চ মেঽকৃষ্টপচ্যাশ্চ মে গ্রাম্যাশ্চ মে পশব আরণ্যাশ্চ মে ।
বিত্তং চ মে বিত্তিশ্চ মে ভূতং চ মে ভূতিশ্চ মে যজ্ঞেন কল্পন্তাম্ ॥২॥

19.27

বসু চ মে বসতিশ্চ মে কর্ম চ মে শক্তিশ্চ মে ।
অর্থশ্চ মে যামশ্চ ম ইত্যা চ মে গতিশ্চ মে যজ্ঞেন কল্পন্তাম্ ॥৩॥

19.28

(৫) ২৭
অগ্নিশ্চ ম ইন্দ্রশ্চ মে সোমশ্চ ম ইন্দ্রশ্চ মে ।
সবিতা চ ম ইন্দ্রশ্চ মে সরস্বতী চ ম ইন্দ্রশ্চ মে ।
পূষা চ ম ইন্দ্রশ্চ মে বৃহস্পতিশ্চ ম ইন্দ্রশ্চ মে যজ্ঞেন কল্পন্তাম্ ॥১॥

19.29

মিত্রশ্চ ম ইন্দ্রশ্চ মে বরুণশ্চ ম ইন্দ্রশ্চ মে । ধাতা চ ম ইন্দ্রশ্চ মে ত্বষ্টা চ ম ইন্দ্রশ্চ মে ।
মরুতশ্চ ম ইন্দ্রশ্চ মে বিশ্বে চ মে দেবা ইন্দ্রশ্চ মে যজ্ঞেন কল্পন্তাম্ ॥২॥

19.30

২৯ (১১১৩)
পৃথিবী চ ম ইন্দ্রশ্চ মেঽন্তরিক্ষং চ ম ইন্দ্রশ্চ মে । দ্যৌশ্চ ম ইন্দ্রশ্চ মে সমাশ্চ ম ইন্দ্রশ্চ মে ।
নক্ষত্রাণি চ ম ইন্দ্রশ্চ মে দিশশ্চ ম ইন্দ্রশ্চ মে যজ্ঞেন কল্পন্তাম্ ॥৩॥

19.31

(৬) ৩০
অংশুশ্চ মে রশ্মিশ্চ মেঽদাভ্যশ্চ মেঽধিপতিশ্চ মে ।
উপাংশুশ্চ মেঽন্তর্যামশ্চ ম ঐন্দ্রবায়বশ্চ মে মৈত্রাবরুণশ্চ মে ।
আশ্বিনশ্চ মে প্রতিপ্রস্থানশ্চ মে শুক্রশ্চ মে মন্থী চ মে যজ্ঞেন কল্পন্তাম্ ॥১॥

19.32

আগ্রয়াণশ্চ মে বৈশ্বদেবশ্চ মে ধ্রুবশ্চ মে বৈশ্বানরশ্চ মে ।
ঐন্দ্রাগ্নশ্চ মে মহাবৈশ্বদেবশ্চ মে মরুত্বতীয়াশ্চ মে নিষ্কেবল্যশ্চ মে ।
সাবিত্রশ্চ মে সারস্বতশ্চ মে পত্নীবতশ্চ মে হারিয়োজনশ্চ মে যজ্ঞেন কল্পন্তাম্ ॥২॥

19.33

স্রুচশ্চ মে চমসাশ্চ মে বায়ব্যানি চ মে দ্রোণকলশশ্চ মে ।
গ্রাবাণশ্চ মেঽধিষবণে চ মে পূতভৃচ্চ ম আধবনীয়শ্চ মে ।
বেদিশ্চ মে বর্হিশ্চ মে স্বগাকারশ্চ মেঽবভৃথশ্চ মে যজ্ঞেন কল্পন্তাম্ ॥৩॥

19.34

অগ্নিশ্চ মে ঘর্মশ্চ মেঽর্কশ্চ মে সূর্যশ্চ মে । প্রাণশ্চ মেঽশ্বমেধশ্চ মে পৃথিবী চ মেঽদিতিশ্চ মে ।
দিতিশ্চ মে দ্যৌশ্চ মেঽঙ্গুলয়ঃ শক্বরয়ো দিশশ্চ মে যজ্ঞেন কল্পন্তাম্ ॥৪॥

19.35

ব্রতং চ ম ঋতবশ্চ মে সংবত্সরশ্চ মে তপশ্চ মে ।
অহোরাত্রে ঊর্বষ্ঠীবে বৃহদ্রথন্তরে চ মে যজ্ঞেন কল্পন্তাম্ ॥৫॥

19.36

(৭) ৩৫
একা চ মে তিস্রশ্চ মে তিস্রশ্চ মে পঞ্চ চ মে পঞ্চ চ মে সপ্ত চ মে সপ্ত চ মে নব চ মে
নব চ ম একাদশ চ ম একাদশ চ মে ত্রয়োদশ চ মে ত্রয়োদশ চ মে ।
পঞ্চদশ চ মে পঞ্চদশ চ মে সপ্তদশ চ মে সপ্তদশ চ মে নবদশ চ মে নবদশ চ ম
একবিংশতিশ্চ ম একবিংশতিশ্চ মে ত্রয়োবিংশতিশ্চ মে ত্রয়োবিংশতিশ্চ মে ।
পঞ্চবিংশতিশ্চ মে পঞ্চবিংশতিশ্চ মে সপ্তবিংশতিশ্চ মে সপ্তবিংশতিশ্চ মে নববিংশতিশ্চ মে
নববিংশতিশ্চ ম একত্রিংশচ্চ ম একত্রিংশচ্চ মে ত্রয়স্ত্রিংশচ্চ মে যজ্ঞেন কল্পন্তাম্ ॥১॥

19.37

চতস্রশ্চ মেঽষ্টৌ চ মেঽষ্টৌ চ মে দ্বাদশ চ মে দ্বাদশ চ মে ষোলশ চ মে ষোলশ চ মে বিংশতিশ্চ মে
বিংশতিশ্চ মে চতুর্বিংশতিশ্চ মে চতুর্বিংশতিশ্চ মেঽষ্টাবিংশতিশ্চ মেঽষ্টাবিংশতিশ্চ মে ।
দ্বাত্রিংশচ্চ মে দ্বাত্রিংশচ্চ মে ষট্ত্রিংশচ্চ মে ষট্ত্রিংশচ্চ মে চত্বারিংশচ্চ মে চত্বারিংশচ্চ মে
চতুশ্চত্বারিংশচ্চ মে চতুশ্চত্বারিংশচ্চ মেঽষ্টাচত্বারিংশচ্চ মে যজ্ঞেন কল্পন্তাম্ ॥২॥

19.38

৩৭ (১১২১)
ত্র্যবিশ্চ মে ত্র্যবী চ মে দিত্যবাট্ চ মে দিত্যৌহী চ মে ।
পঞ্চাবিশ্চ মে পঞ্চাবী চ মে ত্রিবত্সশ্চ মে ত্রিবত্সা চ মে ।
তুর্যবাট্ চ মে তুর্যৌহী চ মে যজ্ঞেন কল্পন্তাম্ ॥৩॥

19.39

পষ্ঠবাট্ চ মে পষ্ঠৌহী চ ম উক্ষা চ মে বশা চ মে ।
ঋষভশ্চ মে বেহচ্চ মেঽনড্বাংশ্চ মে ধেনুশ্চ মে যজ্ঞেন কল্পন্তাম্ ॥৪॥

19.40

(৮) ৩৯
বাজায় স্বাহা প্রসবায় স্বাহাপিজায় স্বাহা ক্রতবে স্বাহা । বসবে স্বাহাহর্পতয়ে স্বাহা ।
অহ্নে মুগ্ধায় স্বাহা মুগ্ধায় বৈনংশিনায় স্বাহা বিনংশিন আন্ত্যায়নায় স্বাহান্ত্যায়
ভৌবনায় স্বাহা ভুবনস্য পতয়ে স্বাহাধিপতয়ে স্বাহা প্রজাপতয়ে স্বাহা ॥১॥

19.41

ইয়ং তে রাণ্মিত্রায় যন্তাসি যমনঃ । ঊর্জে ত্বা বৃষ্ট্যৈ ত্বা প্রজানাং ত্বাধিপত্যায় ॥২॥

19.42

আয়ুর্যজ্ঞেন কল্পতাং প্রাণো যজ্ঞেন কল্পতাং চক্ষুর্যজ্ঞেন কল্পতাং শ্রোত্রং যজ্ঞেন কল্পতাম্ ।
বাগ্যজ্ঞেন কল্পতাং মনো যজ্ঞেন কল্পতামাত্মা যজ্ঞেন কল্পতাং পৃষ্ঠং যজ্ঞেন কল্পতাম্ ।
ব্রহ্ম যজ্ঞেন কল্পতাং যজ্ঞো যজ্ঞেন কল্পতাং জ্যোতির্যজ্ঞেন কল্পতাং স্বর্যজ্ঞেন কল্পতাম্ ॥৩॥

19.43

স্তোমশ্চ যজুশ্চ ঋক্ চ সাম চ বৃহচ্চ রথন্তরং চ ।
স্বর্দেবা অগন্মামৃতা অভূম প্রজাপতেঃ প্রজা অভূম বেট্ স্বাহা ॥৩॥

19.44

(৯) ৪৩ (১১২৭)
॥ইতি শুক্লয়জুঃ কাণ্বসংহিতায়াং একোনবিংশোঽধ্যায়ঃ॥ (১৯)