অধ্যায় 13

13.1

অথ ত্রয়োদশোঽধ্যায়ঃ ।

দৃশানো রুক্ম উর্ব্যা ব্যদ্যৌদ্দুর্মর্ষমায়ুঃ শ্রিয়ে রুচানঃ ।
অগ্নিরমৃতো অভবদ্বয়োভির্যদেনং দ্যৌরজনয়ত্সুরেতাঃ ॥১॥

13.2

নক্তোষাসা সমনসা বিরূপে ধাপয়েতে শিশুমেকং সমীচী ।
দ্যাবাক্ষামা রুক্মো অন্তর্বিভাতি দেবা অগ্নিং ধারয়ন্দ্রবিণোদাঃ ॥২॥

13.3

বিশ্বা রূপাণি প্রতিমুঞ্চতে কবিঃ প্রাসাবীদ্ভদ্রং দ্বিপদে চতুষ্পদে ।
বি নাকমখ্যত্সবিতা বরেণ্যোঽনু প্রয়াণমুষসো বিরাজতি ॥৩॥

13.4

সুপর্ণোঽসি গরুত্মাং স্ত্রিবৃত্তে শিরঃ । গায়ত্রং চক্ষুর্বৃহদ্রথন্তরে পক্ষৌ ॥৪॥

13.5

স্তোম আত্মা ছন্দাংস্যঙ্গানি যজূংষি নাম ।
সাম তে তনূর্বামদেব্যং যজ্ঞায়জ্ঞিয়ং পুচ্ছং ধিষ্ণ্যাঃ শফাঃ ॥৫॥

13.6

সুপর্ণোঽসি গরুত্মান্দিবং গচ্ছ স্বঃ পত ।
বিষ্ণোঃ ক্রমোঽসি সপত্নহা গায়ত্রং ছন্দ আরোহ । পৃথিবীমনু বিক্রমস্ব ।
বিষ্ণোঃ ক্রমোঽস্যভিমাতিহা ত্রৈষ্টুভং ছন্দ আরোহ । অন্তরিক্ষমনু বিক্রমস্ব ।
বিষ্ণোঃ ক্রমোঽস্যরাতীয়তো হন্তা জাগতং ছন্দ আরোহ । দিবমনু বিক্রমস্ব ।
বিষ্ণোঃ ক্রমোঽসি শত্রূয়তো হন্তানুষ্টুভং ছন্দ আরোহ । দিশোনু বিক্রমস্ব ॥৬॥

13.7

অক্রন্দদগ্নি স্তনয়ন্নিব দ্যৌঃ ক্ষামা রেরিহদ্বীরুধঃ সমঞ্জন্ ।
সদ্যো জজ্ঞানো বি হীমিদ্ধো অখ্যদা রোদসী ভানুনা ভাত্যন্তঃ ॥৭॥

13.8

অগ্নেঽভ্যাবর্তিন্নভি মা নিবর্তস্বায়ুষা বর্চসা প্রজয়া ধনেন ।
সন্যা মেধয়া রয্যা পোষেণ ॥৮॥

13.9

৮॥
অগ্নে অঙ্গিরঃ শতং তে সন্ত্বাবৃতঃ সহস্রং ত উপাবৃতঃ ।
অধা পোষস্য পোষেণ পুনর্নো নষ্টমাকৃধি পুনর্নো রয়িমাকৃধি ॥৯॥

13.10

৯ (৬৪২)
পুনরূর্জা নিবর্তস্ব পুনরগ্ন ইষায়ুষা । পুনর্নঃ পাহ্যংহসঃ ॥১০॥

13.11

সহ রয্যা নিবর্তস্বাগ্নে পিন্বস্ব ধারয়া । বিশ্বপ্স্ন্যা বিশ্বতস্পরি ॥১১॥

13.12

আ ত্বাহার্ষমন্তরভূর্ধ্রুবস্তিষ্ঠা বিচাচলিঃ । বিশস্ত্বা সর্বা বাঞ্ছন্তু মা ত্বদ্রাষ্ট্রমধিভ্রশৎ ॥১২॥

13.13

উদুত্তমং বরুণ পাশমস্মদবাধমং বি মধ্যমং শ্রথায় ।
অথা বয়মাদিত্য ব্রতে তবানাগসো অদিতয়ে স্যাম ॥১৩॥

13.14

অগ্রে বৃহন্নুষসামূর্ধ্বো অস্থান্নির্জগন্বান্ তমসো জ্যোতিষাগাৎ ।
অগ্নির্ভানুনা রুশতা স্বঙ্গ আ জাতো বিশ্বা সদ্মান্যপ্রাঃ ॥১৪॥

13.15

হংসঃ শুচিষদ্বসুরন্তরিক্ষসদ্ধোতা বেদিষদতিথির্দূরোণসৎ ।
নৃষদ্বরসদৃতসদ্ব্যোমসদব্জা গোজা ঋতজা অদ্রিজা ঋতং বৃহৎ ॥১৫॥

13.16

সীদ ত্বং মাতুরস্যা উপস্থে বিশ্বান্যগ্নে বয়ুনানি বিদ্বান্ ।
মৈনাং তপসা মার্চিষাভিশোচীরন্তরস্যাং শুক্রজ্যোতির্বিভাহি ॥১৬॥

13.17

অন্তরগ্নে রুচা ত্বমুখায়াঃ সদনে স্বে । তস্যাস্ত্বং হরসা তপঞ্জাতবেদঃ শিবো ভব ॥১৭॥

13.18

শিবো ভূত্বা মহ্যমগ্নে অথো সীদ শিবস্ত্বম্ । শিবাঃ কৃত্বা দিশঃ সর্বা স্বং যোনিমিহাসদঃ ॥১৮॥

13.19

(১) ১৮
দিবস্পরি প্রথমং জজ্ঞে অগ্নিরস্মাদ্ দ্বিতীয়ং পরি জাতবেদাঃ ।
তৃতীয়মপ্সু নৃমণা অজস্রমিন্ধান এনং জরতে স্বাধীঃ ॥১॥

13.20

বিদ্মা তে অগ্নে ত্রেধা ত্রয়াণি বিদ্মা তে ধাম বিভৃতা পুরুত্রা ।
বিদ্মা তে নাম পরমং গুহা যদ্বিদ্মা তমুত্সং যত আজগন্থ ॥২॥

13.21

সমুদ্রে ত্বা নৃমণা অপ্স্বন্তর্নৃচক্ষা ঈধে দিবো অগ্ন ঊধন্ ।
তৃতীয়ে ত্বা রজসি তস্থিবাংসমপামুপস্থে মহিষা অবর্ধন্ ॥৩॥

13.22

অক্রন্দদগ্নি স্তনয়ন্নিব দ্যৌঃ ক্ষামা রেরিহদ্বীরুধঃ সমঞ্জন্ ।
সদ্যো জজ্ঞানো বি হীমিদ্ধো অখ্যদা রোদসী ভানুনা ভাত্যন্তঃ ॥৪॥

13.23

শ্রীণামুদারো ধরুণো রয়ীণাং মনীষাণাং প্রার্পণঃ সোমগোপাঃ ।
বসুঃ সূনুঃ সহসো অপ্সু রাজা বিভাত্যগ্র উষসামিধানঃ ॥৫॥

13.24

বিশ্বস্য কেতুর্ভুবনস্য গর্ভ আ রোদসী অপৃণাজ্জায়মানঃ ।
বীলুং চিদদ্রিমভিনৎ পরায়ঞ্জনা যদগ্নিময়জন্ত পঞ্চ ॥৬॥

13.25

উশিক্পাবকো অরতিঃ সুমেধা মর্ত্যেষ্বগ্নিরমৃতো নিধায়ি ।
ইয়র্তি ধূমমরুষং ভরিভ্রদুচ্ছুক্রেণ শোচিষা দ্যামিনক্ষন্ ॥৭॥

13.26

২৫ (৬৫৮)
দৃশানো রুক্ম উর্ব্যা ব্যদ্যৌদ্দুর্মর্ষমায়ুঃ শ্রিয়ে রুচানঃ ।
অগ্নিরমৃতো অভবদ্বয়োভির্যদেনং দ্যৌরজনয়ত্সুরেতাঃ ॥৮॥

13.27

যস্তে অদ্য কৃণবদ্ভদ্রশোচেঽপূপং দেব ঘৃতবন্তমগ্নে ।
প্র তং নয় প্রতরং বস্যো অচ্ছাভি সুম্নং দেবভক্তং যবিষ্ঠ ॥৯॥

13.28

আ তং ভজ সৌশ্রবসেষ্বগ্ন উক্থ উক্থ আভজ শস্যমানে ।
প্রিয়ঃ সূর্যে প্রিয়ো অগ্না ভবাত্যুজ্জাতেন ভিনদদুজ্জনিত্বৈঃ ॥১০॥

13.29

ত্বামগ্নে যজমানা অনু দ্যূন্ বিশ্বা বসু দধিরে বার্যাণি ।
ত্বয়া সহ দ্রবিণমিচ্ছমানা ব্রজং গোমন্তমুশিজো বিবব্রুঃ ॥১১॥

13.30

অস্তাব্যগ্নির্নরাং সুশেবো বৈশ্বানর ঋষিভিঃ সোমগোপাঃ ।
অদ্বেষে দ্যাবাপৃথিবী হুবেম দেবা ধত্ত রয়িমস্মে সুবীরম্ ॥১২॥

13.31

(২) ৩০
সমিধাগ্নিং দুবস্যত ঘৃতৈর্বোধয়তাতিথিম্ । আস্মিন্ হব্যা জুহোতন ॥১॥

13.32

উদু ত্বা বিশ্বে দেবা অগ্নে ভরন্তু চিত্তিভিঃ । স নো ভব শিবস্ত্বং সুপ্রতীকো বিভাবসুঃ ॥২॥

13.33

প্রেদগ্নে জ্যোতিষ্মান্ যাহি শিবেভিরর্চিভিষ্ট্বম্ । বৃহদ্ভির্ভানুভির্ভাসন্মা হিংসীস্তন্বা প্রজাঃ ॥৩॥

13.34

অক্রন্দদগ্নিঃ স্তনয়ন্নিব দ্যৌঃ ক্ষামা রেরিহদ্বীরুধঃ সমঞ্জন্ ।
সদ্যো জজ্ঞানো বি হীমিদ্ধো অখ্যদা রোদসী ভানুনা ভাত্যন্তঃ ॥৪॥

13.35

প্র প্রায়মগ্নির্ভরতস্য শৃণ্বে বি যত্সূর্যো ন রোচতে বৃহদ্ভাঃ ।
অভি যঃ পূরুং পৃতনাসু তস্থৌ দীদায় দৈব্যো অতিথিঃ শিবো নঃ ॥৫॥

13.36

আপো দেবীঃ প্রতিগৃভ্ণীত ভস্মৈতত্স্যোনে কৃণুধ্বং সুরভা উ লোকে ।
তস্মৈ নমন্তাং জনয়ঃ সুপত্নীর্মাতেব পুত্রং বিভৃতাপ্স্বেনৎ ॥৬॥

13.37

অপ্স্বগ্নে সধিষ্টব সৌষধীরনু রুধ্যসে । গর্ভে সন্জায়সে পুনঃ ॥৭॥

13.38

গর্ভো অস্যোষধীনাং গর্ভো বনস্পতীনাম্ । গর্ভো বিশ্বস্য ভূতস্যাগ্নে গর্ভো অপামসি ॥৮॥

13.39

প্রসদ্য ভস্মনা যোনিমপশ্চ পৃথিবীমগ্নে । সংসৃজ্য মাতৃভিষ্ট্বং জ্যোতিষ্মান্ পুনরাসদঃ ॥৯॥

13.40

পুনরাসদ্য সদনমপশ্চ পৃথিবীমগ্নে । শেষে মাতুর্যথোপস্থেঽন্তরস্যাং শিবতমঃ ॥১০॥

13.41

পুনরূর্জা নিবর্তস্ব পুনরগ্ন ইষায়ুষা । পুনর্নঃ পাহ্যংহসঃ ॥১১॥

13.42

সহ রয্যা নিবর্তস্বাগ্নে পিন্বস্ব ধারয়া । বিশ্বপ্স্ন্যা বিশ্বতস্পরি ॥১২॥

13.43

বোধা মে অস্য বচসো যবিষ্ঠ মংহিষ্ঠস্য প্রভৃতস্য স্বধাবঃ ।
পীয়তি ত্বো অনু ত্বো গৃণাতি বন্দারুষ্টে তন্বং বন্দে অগ্নে ॥১৩॥

13.44

৪৩ (৬৭৬)
স বোধি সূরির্মঘবা বসুপতে বসুদাবন্ । যুয়োধ্যস্মদ্ দ্বেষাংসি বিশ্বকর্মণে স্বাহা ॥১৪॥

13.45

পুনস্ত্বাদিত্যা রুদ্রা বসবঃ সমিন্ধতাং পুনর্ব্রহ্মাণো বসুনীথ যজ্ঞৈঃ ।
ঘৃতেন ত্বং তন্বং বর্ধয়স্ব সত্যাঃ সন্তু যজমানস্য কামাঃ স্বাহা ॥১৫॥

13.46

(৩) ৪৫
অপেত বীত বি চ সর্পতাতো যেঽত্র স্থ পুরাণা যে চ নূতনাঃ ।
অদাদ্যমোঽবসানং পৃথিব্যা অক্রন্নিমং পিতরো লোকমস্মৈ ॥১॥

13.47

সংজ্ঞানমসি কামধরণং ময়ি তে কামধরণং ভূয়াৎ । অগ্নের্ভস্মাস্যগ্নেঃ পুরীষমসি ।
চিত স্থ পরিচিত ঊর্ধ্বচিতঃ শ্রয়ধ্বম্ ॥২॥

13.48

অয়ং সো অগ্নির্যস্মিন্ত্সোমমিন্দ্রঃ সুতং দধে জঠরে বাবশানঃ ।
সহস্রিয়ং বাজমত্যং ন সপ্তিং সসবান্ত্সন্ত্স্তূয়সে জাতবেদঃ ॥৩॥

13.49

অগ্নে যত্তে দিবি বর্চঃ পৃথিব্যাং যদোষধীষ্বপ্স্বা যজত্রা ।
যেনান্তরিক্ষমুর্বাততন্থ ত্বেষঃ স ভানুরর্ণবো নৃচক্ষাঃ ॥৪॥

13.50

অগ্নে দিবো অর্ণমচ্ছা জিগাস্যচ্ছা দেবাঁ৩ ঊচিষে ধিষ্ণ্যা যে ।
যা রোচনে পরস্তাৎ সূর্যস্য যাশ্চাবস্তাদুপতিষ্ঠন্ত আপঃ ॥৫॥

13.51

পুরীষ্যাসো অগ্নয়ঃ প্রাবণেভিঃ সজোষসঃ । জুষন্তাং যজ্ঞমদ্রুহোঽনমীবা ইষো মহীঃ ॥৬॥

13.52

ইলামগ্নে পুরুদংসং সনিং গোঃ শশ্বত্তমং হবমানায় সাধ ।
স্যান্নঃ সূনুস্তনয়ো বিজাবাগ্নে সা তে সুমতির্ভূত্বস্মে ॥৭॥

13.53

অয়ং তে যোনিরৃত্বিয়ো যতো জাতো অরোচথাঃ । তং জানন্নগ্ন আরোহাথা নো বর্ধয়া রয়িম্ ॥৮॥

13.54

চিদসি তয়া দেবতয়াঙ্গিরস্বদ্ ধ্রুবা সীদ । পরিচিদসি তয়া দেবতয়াঙ্গিরস্বদ্ ধ্রুবা সীদ ॥৯॥

13.55

লোকং পৃণ ছিদ্রং পৃণাথো সীদ ধ্রুবা ত্বম্ । ইন্দ্রাগ্নী ত্বা বৃহস্পতিরস্মিন্ যোনা অসীষদন্ ॥১০॥

13.56

তা অস্য সূদদোহসঃ সোমং শ্রীণন্তি পৃশ্নয়ঃ । জন্মন্দেবানাং বিশস্ত্রিষ্বা রোচনে দিবঃ ॥১১॥

13.57

ইন্দ্রং বিশ্বা অবীবৃধন্ত্সমুদ্রব্যচসং গিরঃ । রথীতমং রথীনাং বাজানাং সত্পতিং পতিম্ ॥১২॥

13.58

সমিতং সংকল্পেথাং সম্প্রিয়ৌ রোচিষ্ণূ সুমনস্যমানৌ । ইষমূর্জমভি সংবসানৌ ॥১৩॥

13.59

সং বাং মনাংসি সং ব্রতা সমু চিত্তান্যাকরম্ ।
অগ্নে পুরীষ্যাধিপা ভব ত্বং ন ইষমূর্জং যজমানায় ধেহি ॥১৪॥

13.60

অগ্নে ত্বং পুরীষ্যো রয়িমান্ পুষ্টিমাঁ৩ অসি । শিবাঃ কৃত্বা দিশঃ সর্বাঃ স্বং যোনিমিহাসদঃ ॥১৫॥

13.61

ভবতং নঃ সমনসৌ সচেতসা অরেপসৌ ।
মা যজ্ঞং হিংসিষ্টং মা যজ্ঞপতিং জাতবেদসৌ শিবৌ ভবতমদ্য নঃ ॥১৬॥

13.62

৬১ (৬৯৪)
মাতেব পুত্রং পৃথিবী পুরীষ্যমগ্নিং স্বে যোনা অভারুখা ।
তাং বিশ্বৈর্দেবৈরৃতুভিঃ সংবিদানঃ প্রজাপতির্বিশ্বকর্মা বিমুঞ্চতু ॥১৭॥

13.63

(৪) ৬২
অসুন্বন্তময়জমানমিচ্ছ স্তেনস্যেত্যামন্বিহি তস্করস্য ।
অন্যমস্মদিচ্ছ সা ত ইত্যা নমো দেবি নিরৃতে তুভ্যমস্তু ॥১॥

13.64

নমঃ সু তে নিরৃতে তিগ্মতেজোঽয়স্ময়ং বিচৃতা বন্ধমেতম্ ।
যমেন ত্বং যম্যা সংবিদানোত্তমে নাকে অধিরোহয়ৈনম্ ॥২॥

13.65

যস্যাস্তে ঘোর আসন্জুহোম্যেষাং বন্ধানামবসর্জনায় ।
যাং ত্বা জনো ভূমিরিতি প্রমন্দতে নিরৃতিং ত্বাহং পরিবেদ বিশ্বতঃ ॥৩॥

13.66

যং তে দেবী নিরৃতিরাববন্ধ পাশং গ্রীবাস্ববিচৃত্যম্ ।
তং তে বিষ্যাম্যায়ুষো ন মধ্যাদথৈতং পিতুমদ্ধি প্রসূতঃ । নমো ভূত্যৈ যেদং চকার ॥৪॥

13.67

নিবেশনঃ সংগমনো বসূনাং বিশ্বা রূপাভি চষ্টে শচীভিঃ ।
দেব ইব সবিতা সত্যধর্মেন্দ্রো ন তস্থৌ সমরে পথীনাম্ ॥৫॥

13.68

সীরা যুঞ্জন্তি কবয়ো যুগা বিতন্বতে পৃথক্ । ধীরা দেবেষু সুম্নয়া ॥৬॥

13.69

যুনক্ত সীরা বি যুগা তনুধ্বং কৃতে যোনৌ বপতেহ বীজম্ ।
গিরা চ শ্রুষ্টিঃ সভরা অসন্নো নেদীয় ইত্সৃণ্যঃ পক্বমেয়াৎ ॥৭॥

13.70

শুনং সু ফালা বিকৃষন্তু ভূমিং শুনং কীনাশা অভিয়ন্তু বাহৈঃ ।
শুনাসীরা হবিষা তোশমানা সুপিপ্পলা ওষধীঃ কর্তমস্মে ॥৮॥

13.71

ঘৃতেন সীতা মধুনা সমজ্যতাং বিশ্বৈর্দেবৈরনুমতা মরুদ্ভিঃ ।
ঊর্জস্বতী পয়সা পিন্বমানাস্মান্ত্সীতে পয়সাভ্যাববৃত্স্ব ॥৯॥

13.72

লাঙ্গলং পবীরবত্সুশেবং সোমপিত্সরু ।
তদুদ্বপতি গামবিং প্রফর্ব্যং চ পীবরীং প্রস্থাবদ্রথবাহণম্ ॥১০॥

13.73

কামং কামদুঘে ধুক্ষ্ব মিত্রায় বরুণায় চ । ইন্দ্রায়াশ্বিভ্যাং পূষ্ণে প্রজাভ্য ওষধীভ্যঃ ॥১১॥

13.74

বিমুচ্যধ্বমঘ্ন্যা দেবয়ানা অগন্ম তমসস্পারমস্য । জ্যোতিরাপাম ॥১২॥

13.75

সজূরব্দো অয়বোভিঃ সজূরুষা অরুণীভিঃ ।
সজোষসা অশ্বিনা দংসোভিঃ সজূঃ সূর এতশেন সজূর্বৈশ্বানর ইলয়া ঘৃতেন স্বাহা ॥১৩॥

13.76

(৫) ৭৫
যা ওষধীঃ পূর্বা জাতা দেবেভ্যস্ত্রিয়ুগং পুরা । মনৈ নু বভ্রূণামহং শতং ধামানি সপ্ত চ ॥১॥

13.77

শতং বো অম্ব ধামানি সহস্রমুত বো রুহঃ । অধা শতক্রত্বো যূয়মিমং মে অগদং কৃত ॥২॥

13.78

৭৭ (৭১০)
ওষধীঃ প্রতি গৃভ্ণীত পুষ্পবতীঃ প্রসূবরীঃ । অশ্বা ইব সজিত্বরীর্বীরুধঃ পারয়িষ্ণ্বঃ ॥৩॥

13.79

ওষধীরিতি মাতরস্তদ্বো দেবীরুপব্রুবে । সনেয়মশ্বং গাং বাস আত্মানং তব পূরুষ ॥৪॥

13.80

অশ্বত্থে বো নিষদনং পর্ণে বো বসতিষ্কৃতা । গোভাজ ইত্কিলাসথ যত্সনবথ পূরুষম্ ॥৫॥

13.81

যত্রৌষধীঃ সমগ্মত রাজানঃ সমিতা ইব । বিপ্রঃ স উচ্যতে ভিষগ্রক্ষোহামীবচাতনঃ ॥৬॥

13.82

অশ্বাবতীং সোমাবতীমূর্জয়ন্তীমুদোজসম্ । আবিত্সি সর্বা ওষধীরস্মা অরিষ্টতাতয়ে ॥৭॥

13.83

উচ্ছুষ্মা ওষধীনাং গাবো গোষ্ঠাদিবেরতে । ধনং সনিষ্যন্তীনামাত্মানং তব পূরুষ ॥৮॥

13.84

ইষ্কৃতির্নাম বো মাতাথো যূয়ং স্থ নিষ্কৃতীঃ । সীরাঃ পতত্রিণী স্থন যদাময়তি নিষ্কৃথ ॥৯॥

13.85

অতি বিশ্বাঃ পরিষ্ঠা স্তেন ইব ব্রজমক্রমুঃ । ওষধীঃ প্রাচুচ্যবুর্যত্কিং চ তন্বো রপঃ ॥১০॥

13.86

যদিমা বাজয়ন্নহমোষধীর্হস্ত আদধে । আত্মা যক্ষ্মস্য নশ্যতি পুরা জীবগৃভো যথা ॥১১॥

13.87

যস্যৌষধীঃ প্রসর্পথাঙ্গম্ঙ্গং পরুষ্পরুঃ । ততো যক্ষ্মং বিবাধধ্ব উগ্রো মধ্যমশীরিব ॥১২॥

13.88

সাকং যক্ষ্ম প্রপত চাষেণ কিকিদীবিনা । সাকং বাতস্য ধ্রাজ্যা সাকং নশ্য নিহাকয়া ॥১৩॥

13.89

অন্যা বো অন্যামবত্বন্যান্যস্যা উপাবত । তাঃ সর্বাঃ সংবিদানা ইদং মে প্রাবতা বচঃ ॥১৪॥

13.90

যাঃ ফলিনীর্যাঅফলা অপুষ্পায়াশ্চ পুষ্পিণীঃ । বৃহস্পতিপ্রসূতাস্তা নো মুঞ্চন্ত্বংহসঃ ॥১৫॥

13.91

মুঞ্চন্তু মা শপথ্যাদথো বরুণ্যাদুত । অথো যমস্য পড্বীশাত্সর্বস্মাদ্দেবকিল্বিষাৎ ॥১৬॥

13.92

অবয়তীঃ সমবদন্ত দিব ওষধয়স্পরি । যং জীবমশ্নবামহৈ ন স রিষ্যাতি পূরুষঃ ॥১৭॥

13.93

যা ওষধীঃ সোমরাজ্ঞীর্বহ্বীঃ শতবিচক্ষণাঃ । তাসামসি ত্বমুত্তমারং কামায় শং হৃদে ॥১৮॥

13.94

যা ওষধীঃ সোমরাজ্ঞীর্বিষ্ঠিতাঃ পৃথিবীমনু । বৃহস্পতিপ্রসূতা অস্যৈ সংদত্ত বীর্যম্ ॥১৯॥

13.95

যাশ্চেদমুপশৃণ্বন্তি যাশ্চ দূরং পরাগতাঃ । সর্বাঃ সংগত্য বীরুধোঽস্যৈ সংদত্ত বীর্যম্ ॥২০॥

13.96

নাশয়িত্রী বলাসস্যার্শস উপচিতামসি । অথো শতস্য যক্ষ্মাণাং পাকারোরসি নাশনী ॥২১॥

13.97

মা বো রিষৎ খনিতা যস্মৈ চাহং খনামি বঃ । দ্বিপচ্চতুষ্পদস্মাকং সর্বমস্ত্বনাতুরম্ ॥২২॥

13.98

ওষধয়ঃ সংবদন্তে সোমেন সহ রাজ্ঞা । যস্মৈ কৃণোতি ব্রাহ্মণস্তং রাজন্ পারয়ামসি ॥২৩॥

13.99

ত্বাং গন্ধর্বা অখনংস্ত্বামিন্দ্রস্ত্বাং বৃহস্পতিঃ । ত্বামোষধে সোমো রাজা বিদ্বান্ যক্ষ্মাদমুচ্যত ॥২৪॥

13.100

ত্বমুত্তমাস্যোষধে তব বৃক্ষা উপস্তয়ঃ । উপস্তিরস্তু সোঽস্মাকং যো অস্মাঁ৩ অভিদাসতি ॥২৫॥

13.101

(৬) ১০০ (৭৩৩)
মা মা হিংসীজ্জনিতা যঃ পৃথিব্যা যো বা দিবং সত্যধর্মা ব্যানট্ ।
যশ্চাপশ্চন্দ্রাঃ প্রথমো জজান কস্মৈ দেবায় হবিষা বিধেম ॥১॥

13.102

অভ্যা বর্তস্ব পৃথিবি যজ্ঞেন পয়সা সহ ।
বপাং তে অগ্নিরিষিতো অরোহৎ ॥২॥

13.103

অগ্নে যত্তে শুক্রং যচ্চন্দ্রং যত্পূতং যচ্চ যজ্ঞিয়ম্ । তদ্দেবেভ্যো ভরামসি ॥৩॥

13.104

ইষমূর্জমহমিত আদমৃতস্য যোনিং মহিষস্য ধারাম্ ।
আ মা গোষু বিশত্বা তনূষু জহামি সেদিমনিরামমীবাম্ ॥৪॥

13.105

অগ্নে তব শ্রবো বয়ো মহি ভ্রাজন্তে অর্চয়ো বিভাবসো ।
বৃহদ্ভানো শবসা বাজমুক্থ্যং দধাসি দাশুষে কবে ॥৫॥

13.106

পাবকবর্চাঃ শুক্রবর্চা অনূনবর্চা উদিয়র্ষি ভানুনা ।
পুত্রো মাতরা বিচরন্নুপাবসি পৃণক্ষি রোদসী উভে ॥৬॥

13.107

ঊর্জো নপাজ্জাতবেদঃ সুশস্তিভির্মন্দস্ব ধীতিভির্হিতঃ ।
ত্বে ইষঃ সন্দধুর্ভূরিবর্পসশ্চিত্রোতয়ো বামজাতাঃ ॥৭॥

13.108

ইরজ্যন্নগ্নে প্রথয়স্ব জন্তুভিরস্মে রায়ো অমর্ত্য ।
স দর্শতস্য বপুষো বিরাজসি পৃণক্ষি সানসিং ক্রতুম্ ॥৮॥

13.109

ইষ্কর্তারমধ্বরস্য প্রচেতসং ক্ষয়ন্তং রাধসো মহঃ ।
রাতিং বামস্য সুভগাং মহীমিষং দধাসি সানসিং রয়িম্ ॥৯॥

13.110

ঋতাবানং মহিষং বিশ্বদর্শতমগ্নিং সুম্নায় দধিরে পুরো জনাঃ ।
শ্রুত্কর্ণং সপ্রথস্তমং ত্বা গিরা দৈব্যং মানুষা যুগা ॥১০॥

13.111

আপ্যায়স্ব সমেতু তে বিশ্বতঃ সোম বৃষ্ণ্যম্ । ভবা বাজস্য সঙ্গথে ॥১১॥

13.112

সং তে পয়াংসি সমু যন্তু বাজাঃ সং বৃষ্ণ্যান্যভিমাতিষাহঃ ।
আপ্যায়মানো অমৃতায় সোম দিবি শ্রবাংস্যুত্তমানি ধিষ্ব ॥১২॥

13.113

আপ্যায়স্ব মদিন্তম সোম বিশ্বেভিরংশুভিঃ । ভবা নঃ সপ্রথস্তমঃ সখা বৃধে ॥১৩॥

13.114

আ তে বত্সো মনো যমত্পরমাচ্চিত্সধস্থাৎ । অগ্নে ত্বাং কাময়া গিরা ॥১৪॥

13.115

তুভ্যং তা অঙ্গিরস্তম বিশ্বাঃ সুক্ষিতয়ঃ পৃথক্ । অগ্নে কামায় যেমিরে ॥১৫॥

13.116

অগ্নিঃ প্রিয়েষু ধামসু কামো ভূতস্য ভব্যস্য । সম্রালেকো বিরাজতি ॥১৬॥

13.117

(৭) ১১৬ (৭৪৯)
॥ইতি শুক্লয়জুঃ কাণ্বসংহিতায়াং ত্রয়োদশোঽধ্যায়ঃ॥ (১৩)