অধ্যায় 12

12.1

অথ দ্বাদশোঽধ্যায়ঃ ।

যুঞ্জানঃ প্রথমং মনস্তত্বায় সবিতা ধিয়ঃ । অগ্নের্জ্যোতির্নিচায্য পৃথিব্যা অধ্যাভরৎ ॥১॥

12.2

যুক্তেন মনসা বয়ং দেবস্য সবিতুঃ সবে । স্বর্গেয়ায় শক্ত্যা ॥২॥

12.3

যুক্ত্বায় সবিতা দেবান্ত্স্বর্যতো ধিয়া দিবম্ ।
বৃহজ্জ্যোতিঃ করিষ্যতঃ সবিতা প্রসুবাতি তান্ ॥৩॥

12.4

যুঞ্জতে মন উত যুঞ্জতে ধিয়ো বিপ্রা বিপ্রস্য বৃহতো বিপশ্চিতঃ ।
বি হোত্রা দধে বয়ুনা বিদেক ইন্মহী দেবস্য সবিতুঃ পরিষ্টুতিঃ ॥৪॥

12.5

যুজে বাং ব্রহ্ম পূর্ব্যং নমোভির্বি শ্লোক এতু পথ্যেব সূরেঃ ।
শৃণ্বন্তু বিশ্বে অমৃতস্য পুত্রা আ যে ধামানি দিব্যানি তস্থুঃ ॥৫॥

12.6

যস্য প্রয়াণমন্বন্য ইদ্যয়ুর্দেবা দেবস্য মহিমানমোজসা ।
যঃ পার্থিবানি বিমমে স এতশো রজাংসি দেবঃ সবিতা মহিত্বনা ॥৬॥

12.7

দেব সবিতঃ প্রসুব যজ্ঞং প্রসুব যজ্ঞপতিং ভগায় ।
দিব্যো গন্ধর্বঃ কেতপূঃ কেতং নঃ পুনাতু বাচস্পতির্বাচং নঃ স্বদতু ॥৭॥

12.8

ইমং নো দেব সবিতর্যজ্ঞং প্রণয় দেবাব্যং সখিবিদং সত্রাজিতং ধনজিতং স্বর্জিতম্ ।
ঋচা স্তোমং সমর্ধয় গায়ত্রেণ রথন্তরং বৃহদ্গায়ত্রবর্তনি স্বাহা ॥৮॥

12.9

দেবস্য ত্বা সবিতুঃ প্রসবেঽশ্বিনোর্বাহুভ্যাং পূষ্ণো হস্তাভ্যাম্ ।
আদদে গায়ত্রেণ ছন্দসাঙ্গিরস্বৎ পৃথিব্যাঃ সধস্থাদগ্নিং পুরীষ্যমঙ্গিরস্বদাভর । ত্রৈষ্টুভেন ছন্দসাঙ্গিরস্বৎ ॥৯॥

12.10

৯ (৫৫৭)
অভ্রিরসি নার্যসি ত্বয়া বয়মগ্নিং শকেম খনিতুম্ । সধস্থ আ জাগতেন ছন্দসাঙ্গিরস্বৎ ॥১০॥

12.11

হস্ত আধায় সবিতা বিভ্রদভ্রিং হিরণ্যয়ীম্ ।
অগ্নের্জ্যোতির্নিচায্য পৃথিব্যা অধ্যাভরদানুষ্টুভেন ছন্দসাঙ্গিরস্বৎ ॥১১॥

12.12

(১) ১১
প্রতূর্তং বাজিন্নাদ্রব বরিষ্ঠামনু সংবতম্ ।
দিবি তে জন্ম পরমমন্তরিক্ষে তব নাভিঃ পৃথিব্যামধি যোনিরিৎ ॥১॥

12.13

যুঞ্জাথাং রাসভং যুবমস্মিন্ যামে বৃষণ্বসূ । অগ্নিং ভরন্তমস্ময়ুম্ ॥২॥

12.14

যোগেয়োগে তবস্তরং বাজেবাজে হবামহে । সখায় ইন্দ্রমূতয়ে ॥৩॥

12.15

প্রতূর্বং নেহ্যবক্রামন্নশস্তী রুদ্রস্য গাণপত্যং ময়োভূরেহি ।
উর্বন্তরিক্ষং বীহি স্বস্তিগব্যূতিরভয়ানি কৃণ্বন্ পূষ্ণা সয়ুজা সহ ॥৪॥

12.16

পৃথিব্যাঃ সধস্থাদগ্নিং পুরীষ্যমঙ্গিরস্বদাভর ।
অগ্নিং পুরীষ্যমঙ্গিরস্বদচ্ছেমোঽগ্নিং পুরীষ্যমঙ্গিরস্বদ্ভরিষ্যামঃ ॥৫॥

12.17

অন্বগ্নিরুষসামগ্রমখ্যদন্বহানি প্রথমো জাতবেদাঃ ।
অনু সূর্যস্য পুরুত্রা চ রশ্মীননু দ্যাবাপৃথিবী আততন্থ ॥৬॥

12.18

আগত্য বাজ্যধ্বানং সর্বা মৃধো বিধূনুতে । অগ্নিং সধস্থে মহতি চক্ষুষা নিচিকীষতে ॥৭॥

12.19

আক্রম্য বাজিন্পৃথিবীমগ্নিমিচ্ছ রুচা ত্বম্ । ভূমের্বৃত্বায় নো ব্রূহি যতঃ খনেম তং বয়ম্ ॥৮॥

12.20

দ্যৌস্তে পৃষ্ঠং পৃথিবী সধস্থমাত্মান্তরিক্ষং সমুদ্রো যোনিঃ ।
বিখ্যায় চক্ষুষা ত্বমভি তিষ্ঠ পৃতন্যতঃ ॥৯॥

12.21

উত্ক্রাম মহতে সৌভগায়াস্মাদাস্থানাদ্ দ্রবিণোদা বাজিন্ ।
বয়ং স্যাম সুমতৌ পৃথিব্যা অগ্নিং খনন্ত উপস্থে অস্যাঃ ॥১০॥

12.22

উদক্রমীদ্ দ্রবিণোদা বাজ্যর্বাকঃ সুলোকং সুকৃতং পৃথিব্যাম্ ।
ততঃ খনেম সুপ্রতীকমগ্নিং স্বো রুহাণা অধি নাকমুত্তমম্ ॥১১॥

12.23

আ ত্বা জিঘর্মি মনসা ঘৃতেন প্রতিক্ষিয়ন্তং ভুবনানি বিশ্বা ।
পৃথুং তিরশ্চা বয়সা বৃহন্তং ব্যচিষ্ঠমন্নৈ রভসং দৃশানম্ ॥১২॥

12.24

আ বিশ্বতঃ প্রত্যঞ্চং জিঘর্ম্যরক্ষসা মনসা তজ্জুষেত ।
মর্যশ্রীঃ স্পৃহয়দ্বর্ণো অগ্নির্নাভিমৃশে তন্বা জর্ভুরাণঃ ॥১৩॥

12.25

২৪॥
পরি বাজপতিঃ কবিরগ্নির্হব্যান্যক্রমীৎ । দধদ্রত্নানি দাশুষে ॥১৪॥

12.26

২৫ (৫৭৬)
পরি ত্বাগ্নে পুরং বয়ং বিপ্রং সহস্য ধীমহি । ধৃষদ্বর্ণং দিবেদিবে ভেত্তারং ভঙ্গুরাবতাম্ ॥১৫॥

12.27

২৬॥
ত্বমগ্নে দ্যুভিস্ত্বমাশুশুক্ষণিস্ত্বমদ্ভ্যস্ত্বমশ্মনস্পরি ।
ত্বং বনেভ্যস্ত্বমোষধীভ্যস্ত্বং নৃণাং নৃপতে জায়সে শুচিঃ ॥১৬॥

(২) ২৭
দেবস্য ত্বা সবিতুঃ প্রসবেঽশ্বিনোর্বাহুভ্যাং পূষ্ণো হস্তাভ্যাম্ ।
পৃথিব্যাঃ সধস্থাদগ্নিং পুরীষ্যমঙ্গিরস্বৎ খনামি ।
জ্যোতিষ্মন্তং ত্বাগ্নে সুপ্রতীকমজস্রেণ ভানুনা দীদ্যতম্ ।
শিবং প্রজাভ্যোঽহিংসন্তং পৃথিব্যা সধস্থাদগ্নিং পুরীষ্যমঙ্গিরস্বত্খনামঃ ॥১॥

12.29

অপাং পৃষ্ঠমসি যোনিরগ্নেঃ সমুদ্রমভিতঃ পিন্বমানম্ ।
বর্ধমানো মহাঁ আ চ পুষ্করে দিবো মাত্রয়া বরিম্ণা প্রথস্ব ॥২॥

12.30

শর্ম চ স্থো বর্ম চ স্থোঽচ্ছিদ্রে বহুলে উভে । ব্যচস্বতী সংবসাথাং ভৃতমগ্নিং পুরীষ্যম্ ॥৩॥

12.31

সংবসাথাং স্বর্বিদা সমীচী উরসা ত্মনা । অগ্নিমন্তর্ভরিষ্যন্তী জ্যোতিষ্মন্তমজস্রমিৎ ।
পুরীষ্যোঽসি বিশ্বভরা অথর্বা ত্বা প্রথমো নিরমন্থদগ্নে ॥৪॥

12.32

ত্বামগ্নে পুষ্করাদধ্যথর্বা নিরমন্থত । মূর্ধ্না বিশ্বস্য বাঘতঃ ॥৫॥

12.33

তমু ত্বা দধ্যঙ্ ঋষিঃ পুত্র ঈধে অথর্বণঃ । বৃত্রহণং পুরংদরম্ ॥৬॥

12.34

তমু ত্বা পাথ্যো বৃষা সমীধে দস্যুহন্তমম্ । ধনঞ্জয়ং রণেরণে ॥৭॥

12.35

সীদ হোতঃ স্ব উ লোকে চিকিত্বান্ত্সাদয়া যজ্ঞং সুকৃতস্য যোনৌ ।
দেবাবীর্দেবান্হবিষা যজাস্যগ্নে বৃহদ্যজমানে বয়ো ধাঃ ॥৮॥

12.36

নি হোতা হোতৃষদনে বিদানস্ত্বেষো দীদিবাঁ অসদত্সুদক্ষঃ ।
অদব্ধব্রতপ্রমতির্বসিষ্ঠঃ সহস্রং ভরঃ শুচিজিহ্বো অগ্নিঃ ॥৯॥

12.37

সং সীদস্ব মহাঁ৩ অসি শোচস্ব দেববীতমঃ ।
বি ধূমমগ্নে অরুষং মিয়েধ্য সৃজ প্রশস্ত দর্শতম্ ॥১০॥

12.38

(৩) ৩৭
অপো দেবীরুপসৃজ মধুমতীরয়ক্ষ্মায় প্রজাভ্যঃ । তাসামাস্থানাদুজ্জিহতামোষধয়ঃ সুপিপ্পলাঃ ॥১॥

12.39

সং তে বায়ুর্মাতরিশ্বা দধাতূত্তানায়া হৃদয়ং যদ্বিকস্তম্ ।
যো দেবানাং চরসি প্রাণথেন কস্মৈ দেব বষলস্তু তুভ্যম্ ॥২॥

12.40

সুজাতো জ্যোতিষা সহ শর্ম বরূথমাসদত্স্বঃ । বাসো অগ্নে বিশ্বরূপং সংব্যয়স্ব বিভাবসো ॥৩॥

12.41

উদু তিষ্ঠ স্বধ্বরাবা নো দেব্যা ধিয়া ।
দৃশে চ ভাসা বৃহতা শুশুক্বনিরাগ্নে যাহি সুশস্তিভিঃ ॥৪॥

12.42

৪১ (৫৮৯)
ঊর্ধ্ব ঊ ষু ণ ঊতয়ে তিষ্ঠা দেবো ন সবিতা ।
ঊর্ধ্বো বাজস্য সনিতা যদঞ্জিভির্বাঘদ্ভির্বিহ্বয়ামহে ॥৫॥

12.43

স জাতো গর্ভো অসি রোদস্যোরগ্নে চারুর্বিভৃত ওষধীষু ।
চিত্রঃ শিশুঃ পরি তমাং স্যক্তূন্প্র মাতৃভ্যো অধি কনিক্রদদ্গাঃ ॥৩॥

12.44

স্থিরো ভব বীড্বঙ্গ আশুর্ভব বাজ্যর্বন্ । পৃথুর্ভব সুষদস্ত্বমগ্নেঃ পুরীষবাহণঃ ॥৭॥

12.45

শিবো ভব প্রজাভ্যো মানুষীভ্যস্ত্বমঙ্গিরঃ ।
মা দ্যাবাপৃথিবী অভি শোচীর্মান্তরিক্ষং মা বনস্পতীন্ ॥৮॥

12.46

প্রৈতু বাজী কনিক্রদন্নানদদ্রাসভস্পত্বা । ভরন্নগ্নিং পুরীষ্যং মা পাদ্যায়ুষঃ পুরা ॥৯॥

12.47

বৃষাগ্নিং বৃষণং ভরন্নপাং গর্ভং সমুদ্রিয়ম্ । অগ্ন আয়াহি বীতয়ে ।
ঋতং সত্যমৃতং সত্যমগ্নিং পুরীষ্যমঙ্গিরস্বদ্ভরামঃ ॥১০॥

12.48

ওষধয়ঃ প্রতিমোদধ্বমগ্নিমেতং শিবমায়ন্তমভ্যত্র যুষ্মাঃ ।
ব্যস্যন্ বিশ্বা অনিরা অমীবা নিষীদন্নো অপ দুর্মতিং জহি ॥১১॥

12.49

ওষধয়ঃ প্রতিগৃভ্ণীত পুষ্পবতীঃ সুপিপ্পলাঃ ।
অয়ং বো গর্ভ ঋত্বিয়ঃ প্রত্নং সধস্থমাসদৎ ॥১২॥

12.50

বি পাজসা পৃথুনা শোশুচানো বাধস্ব দ্বিষো রক্ষসো অমীবাঃ ।
সুশর্মণো বৃহতঃ শর্মণি স্যামগ্নেরহং সুহবস্য প্রণীতৌ ॥১৩॥

12.51

(৪) ৫০
আপো হি ষ্ঠা ময়োভুবস্তা ন ঊর্জে দধাতন । মহে রণায় চক্ষসে ॥১॥

12.52

যো বঃ শিবতমো রসস্তস্য ভাজয়তেহ নঃ । উশতীরিব মাতরঃ ॥২॥

12.53

তস্মা অরং গমাম বো যস্য ক্ষয়ায় জিন্বথ । আপো জনয়থা চ নঃ ॥৩॥

12.54

মিত্রঃ সংসৃজ্য পৃথিবীং ভূমিং চ জ্যোতিষা সহ ।
সুজাতং জাতবেদসময়ক্ষ্মায় ত্বা সংসৃজামি প্রজাভ্যঃ ॥৪॥

12.55

রুদ্রাঃ সংসৃজ্য পৃথিবীং বৃহজ্জ্যোতিঃ সমীধিরে । তেষাং ভানুরজস্র ইচ্ছুক্রো দেবেষু রোচতে ॥৫॥

12.56

সংসৃষ্টাং বসুভী রুদ্রৈর্ধীরৈঃ কর্মণ্যাং মৃদম্ ।
হস্তাভ্যাং মৃদ্বীং কৃত্বা সিনীবালী কৃণোতু তাম্ ॥৬॥

12.57

সিনীবালী সুকপর্দা সুকুরীরা স্বৌপশা । সা তুভ্যমদিতে মহ্যোখাং দধাতু হস্তয়োঃ ॥৭॥

12.58

উখাং কৃণোতু শক্ত্যা বাহুভ্যামদিতির্ধিয়া ।
মাতা পুত্রং যথোপস্থে সাগ্নিং বিভর্তু গর্ভ আ ॥৮॥

12.59

৫৮ (৬০৬)
মখস্য শিরোঽসি বসবস্ত্বা কৃণ্বন্তু গায়ত্রেণ ছন্দসাঙ্গিরস্বদ্ ধ্রুবাসি পৃথিব্যসি ।
ধারয়া ময়ি প্রজাং রায়স্পোষং গৌপত্যং সুবীর্যং সজাতান্যজমানায় ।
রুদ্রাস্ত্বা কৃণ্বন্তু ত্রৈষ্টুভেন ছন্দসাঙ্গিরস্বদ্ ধ্রুবাস্যন্তরিক্ষমসি ।
ধারয়া ময়ি প্রজাং রায়স্পোষং গৌপত্যং সুবীর্যং সজাতান্যজমানায় ।
আদিত্যাস্ত্বা কৃণ্বন্তু জাগতেন ছন্দসাঙ্গিরস্বদ্ ধ্রুবাসি দ্যৌরসি ।
ধারয়া ময়ি প্রজাং রায়স্পোষং গৌপত্যং সুবীর্যং সজাতান্যজমানায় ।
বিশ্বে ত্বা দেবা বৈশ্বানরাঃ কৃণ্বন্ত্বানুষ্টুভেন ছন্দসাঙ্গিরস্বদ্ ধ্রুবাসি দিশোঽসি ।
ধারয়া ময়ি প্রজাং রায়স্পোষং গৌপত্যং সুবীর্যং সজাতান্যজমানায় ।
অদিত্যৈ রাস্নাস্যদিতিষ্টে বিলং গৃভ্ণাতু ॥৯॥

12.60

কৃত্বায় সা মহীমুখাং মৃন্ময়ীং যোনিমগ্নয়ে । পুত্রেভ্যঃ প্রায়চ্ছদদিতিঃ শ্রপয়ানিতি ॥১০॥

12.61

বসবস্ত্বা ধূপয়ন্তু গায়ত্রেণ ছন্দসাঙ্গিরস্বদ্রুদ্রাস্ত্বা ধূপয়ন্তু ত্রৈষ্টুভেন ছন্দসাঙ্গিরস্বৎ ।
আদিত্যাস্ত্বা ধূপয়ন্তু জাগতেন ছন্দসাঙ্গিরস্বদ্বিশ্বে ত্বা দেবা বৈশ্বানরা
ধূপয়ন্ত্বানুষ্টুভেন ছন্দসাঙ্গিরস্বৎ ।
ইন্দ্রস্ত্বা ধূপয়তু বরুণস্ত্বা ধূপয়তু বিষ্ণুস্ত্বা ধূপয়তু ॥১১॥

12.62

(৫) ৬১
অদিতিষ্ট্বা দেবী বিশ্বদেব্যাবতী । পৃথিব্যাঃ সধস্থে অঙ্গিরস্বৎ খনত্ববট্ ॥১॥

12.63

দেবানাং ত্বা পত্নীর্দেবীর্বিশ্বদেব্যাবতীঃ । পৃথিব্যাঃ সধস্থে অঙ্গিরস্বদ্দধতূখে ।
ধিষণাস্ত্বা দেবীর্বিশ্বদেব্যাবতীঃ । পৃথিব্যাঃ সধস্থে অঙ্গিরস্বদভীন্ধতামুখে ।
বরূত্রীষ্ট্বা দেবীর্বিশ্বদেব্যাবতীঃ । পৃথিব্যাঃ সধস্থে অঙ্গিরস্বচ্ছ্রপয়ন্তূখে ।
গ্নাস্ত্বা দেবীর্বিশ্বদেব্যাবতীঃ । পৃথিব্যাঃ সধস্থে অঙ্গিরস্বত্পচন্তূখে ।
জনয়স্ত্বাচ্ছিন্নপত্রা দেবীর্বিশ্বদেব্যাবতীঃ । পৃথিব্যাঃ সধস্থে অঙ্গিরস্বত্পচন্তূখে ॥২॥

12.64

মিত্রস্য চর্ষণীধৃতোঽবো দেবস্য সানসি । দ্যুম্নং চিত্রশ্রবস্তমম্ ॥৩॥

12.65

দেবস্ত্বা সবিতোদ্বপতু সুপাণিঃ স্বঙ্গুরিঃ সুবাহুরুত শক্ত্যা ।
অব্যথমানা পৃথিব্যামাশা দিশ আপৃণ ॥৪॥

12.66

উত্থায় বৃহতী ভবোদু তিষ্ঠ ধ্রুবা ত্বম্ । মিত্রৈতাং ত উখাং পরিদদাম্যভিত্যা এষা মা ভেদি ।
বসবস্ত্বাছৃন্দন্তু গায়ত্রেণ ছন্দসাঙ্গিরস্বদ্রুদ্রাস্ত্বাছৃন্দন্তু ত্রৈষ্টুভেন ছন্দসাঙ্গিরস্বৎ ।
আদিত্যাস্ত্বাছৃন্দন্তু জাগতেন ছন্দসাঙ্গিরস্বদ্বিশ্বে ত্বা দেবা বৈশ্বানরা আছৃন্দন্ত্বানুষ্টুভেন ছন্দসাঙ্গিরস্বৎ ॥৫॥