Utshovসর্গ 1
1.1
প্রাপ্তরাজ্যস্য রামস্য রাক্ষসানাং বধে কৃতে ।
আজগ্মুর্ঋষয়ঃ সর্বে রাঘবং প্রতিনন্দিতুম্ ।। ৭.১.১ ॥
1.2
কৌশিকো ঽথ যবক্রীতো গার্গ্যো গালব এব চ ।
কণ্বো মেধাতিথেঃ পুত্রঃ পূর্বস্যাং দিশি যে শ্রিতাঃ ।। ৭.১.২ ॥
1.3
স্বস্ত্যাত্রেয়ো ঽথ ভগবান্নমুচিঃ প্রমুচিস্তথা ।
আজগ্মুস্তে সহাগস্ত্যা যে শ্রিতা দক্ষিণাং দিশম্ ।। ৭.১.৩ ॥
1.4
নৃষদ্গুঃ কবষো ধৌম্যো রৌদ্রেয়শ্চ মহানৃষিঃ ।
তে ঽপ্যাজগ্মুঃ সশিষ্যা বৈ যে শ্রিতাঃ পশ্চিমাং দিশম্ ।। ৭.১.৪ ॥
1.5
বসিষ্ঠঃ কশ্যপো ঽথাত্রির্বিশ্বামিত্রঃ সগৌতমঃ ।
জমদগ্নির্ভরদ্বাজস্তে ঽপি সপ্তর্ষয়স্তথা ।। ৭.১.৫ ॥
1.6
উদীচ্যাং দিশি সপ্তৈতে নিত্যমেব নিবাসিনঃ ।
। ৭.১.৬ ॥
1.7
সম্প্রাপ্য তে মহাত্মানো রাঘবস্য নিবেশনম্ ।
বিষ্টিতাঃ প্রতিহারার্থং হুতাশনসমপ্রভাঃ ।বেদবেদাঙ্গবিদুষো নানাশাস্ত্রবিশারদাঃ ।। ৭.১.৭ ॥
1.8
দ্বাঃস্থং প্রোবাচ ধর্মাত্মা অগস্ত্যো মুনিসত্তমঃ ।
নিবেদ্যতাং দাশরথের্ঋষীনস্মান্সমাগতান্ ।। ৭.১.৮ ॥
1.9
প্রতীহারস্ততস্তূর্ণমগস্ত্যবচনাদ্দ্রুতম্ ।
সমীপং রাঘবস্যাশু প্রবিবেশ মহাত্মনঃ ।। ৭.১.৯ ॥
1.10
নয়েঙ্গিতজ্ঞঃ সদ্বৃত্তো দক্ষো ধৈর্যসমন্বিতঃ ।
স রামং দৃশ্য সহসা পূর্ণচন্দ্রসমপ্রভম্ ।। ৭.১.১০ ॥
1.11
অগস্ত্যং কথয়ামাস সম্প্রাপ্তমৃষিভিঃ সহ ।
। ৭.১.১১ ॥
1.12
শ্রুত্বা প্রাপ্তান্মুনীংস্তাংস্তু বালসূর্যসমপ্রভান্ ।
প্রত্যুবাচ ততো দ্বাস্স্থং প্রবেশয় যথাসুখম্ ।। ৭.১.১২ ॥
1.13
তান্ সম্প্রাপ্তান্ মুনীন্ দৃষ্ট্বা প্রত্যুত্থায় কৃতাঞ্জলিঃ ।
পাদ্যার্ঘ্যাদিভিরানর্চ গাং নিবেদ্য চ সাদরম্ ।। ৭.১.১৩ ॥
1.14
রামো ঽভিবাদ্য প্রয়ত আসনান্যাদিদেশ হ ।
তেষু কাঞ্চনচিত্রেষু মহত্সু চ বরেষু চ ।। ৭.১.১৪ ॥
1.15
কুশান্তর্ধানদত্তেষু মৃগচর্ময়ুতেষু চ ।
যথার্হমুপবিষ্টাস্তে আসনেষ্বৃষিপুঙ্গবাঃ ।। ৭.১.১৫ ॥
1.16
রামেণ কুশলং পৃষ্টাঃ সশিষ্যাঃ সপুরোগমাঃ ।
মহর্ষয়ো বেদবিদো রামং বচনমব্রুবন্ ।। ৭.১.১৬ ॥
1.17
কুশলং নো মহাবাহো সর্বত্র রঘুনন্দন ।
ত্বাং তু দিষ্ট্যা কুশলিনং পশ্যামো হতশাত্রবম্ ।। ৭.১.১৭ ॥
1.18
দিষ্ট্যা ত্বয়া হতো রাজন্রাবণো লোকরাবণঃ ।
ন হি ভারঃ স তে রাম রাবণঃ পুত্রপৌত্রবান্ ।। ৭.১.১৮ ॥
1.19
সধনুস্ত্বং হি লোকাংস্ত্রীন্বিজয়েথা ন সংশয়ঃ ।
দিষ্ট্যা ত্বয়া হতো রাম রাবণো রাক্ষসেশ্বরঃ ।। ৭.১.১৯ ॥
1.20
দিষ্ট্যা বিজয়িনং ত্বাদ্য পশ্যামঃ সহ সীতয়া ।
লক্ষ্মণেন চ ধর্মাত্মন্ভ্রাত্রা ত্বদ্ধিতকারিণা ।। ৭.১.২০ ॥
1.21
মাতৃভির্ভ্রাতৃসহিতং পশ্যামো ঽদ্য বয়ং নৃপ ।
দিষ্ট্যা প্রহস্তো বিকটো বিরূপাক্ষো মহোদরঃ ।অকম্পনশ্চ দুর্ধর্ষো নিহতাস্তে নিশাচরাঃ ।। ৭.১.২১ ॥
1.22
যস্য প্রমাণাদ্বিপুলং প্রমাণং নেহ বিদ্যতে ।
দিষ্ট্যা তে সমরে রাম কুম্ভকর্ণো নিপাতিতঃ ।। ৭.১.২২ ॥
1.23
ত্রিশিরাশ্চাতিকায়শ্চ দেবান্তকনরান্তকৌ ।
দিষ্ট্যা তে নিহতা রাম মহাবীর্যা নিশাচরাঃ ।। ৭.১.২৩ ॥
1.24
কুম্ভশ্চৈব নিকুম্ভশ্চ রাক্ষসৌ ভীমদর্শনৌ ।
দিষ্ট্যা তৌ নিহতৌ রাম কুম্ভকর্ণসুতৌ মৃধে ।। ৭.১.২৪ ॥
1.25
যুদ্ধোন্মত্তশ্চ মত্তশ্চ কালান্তকয়মোপমৌ ।
যজ্ঞকোপশ্চ বলবান্ধূম্রাক্ষো নাম রাক্ষসঃ ।। ৭.১.২৫ ॥
1.26
কুর্বন্তঃ কদনং ঘোরমেতে শস্ত্রাস্ত্রপারগাঃ ।
অন্তকপ্রতিমৈর্বাণৈর্দিষ্ট্যা বিনিহতাস্ত্বয়া ।। ৭.১.২৬ ॥
1.27
দিষ্ট্যা ত্বং রাক্ষসেন্দ্রেণ দ্বন্দ্বয়ুদ্ধমুপাগতঃ ।
দেবতানামবধ্যেন বিজয়ং প্রাপ্তবানসি ।। ৭.১.২৭ ॥
1.28
সঙ্খ্যে তস্য ন কিঞ্চিত্তু রাবণস্য পরাভবঃ ।
দ্বন্দ্বয়ুদ্ধমনুপ্রাপ্তো দিষ্ট্যা তে রাবণির্হতঃ ।। ৭.১.২৮ ॥
1.29
দিষ্ট্যা তস্য মহাবাহো কালস্যেবাভিধাবতঃ ।
মুক্তঃ সুররিপোর্বীর প্রাপ্তশ্চ বিজয়স্ত্বয়া ।। ৭.১.২৯ ॥
1.30
অভিনন্দাম তে সর্বে সংশ্রুত্যেন্দ্রজিতো বধম্ ।
সো ঽবধ্যঃ সর্বভূতানাং মহামায়াধরো যুধি ।। ৭.১.৩০ ॥
1.31
বিস্ময়স্ত্বেষ চাস্মাকং তচ্ছ্রুত্বেন্দ্রজিতং হতম্ ।
। ৭.১.৩১ ॥
1.32
এতে চান্যে চ বহবো রাক্ষসাঃ কামরূপিণঃ ।
দিষ্ট্যা ত্বয়া হতা বীরা রঘূণাং কুলবর্দ্ধন ।। ৭.১.৩২ ॥
1.33
দত্ত্বা পুণ্যামিমাং বীর সৌম্যামভয়দক্ষিণাম্ ॥
1.34
দিষ্ট্যা বর্ধসি কাকুত্স্থ জয়েনামিত্রকর্শন ।
। ৭.১.৩৩ ॥
1.35
শ্রুত্বা তু তেষাং বচনমৃষীণাং ভাবিতাত্মনাম্ ।
বিস্ময়ং পরমং গত্বা রামঃ প্রাঞ্জলিরব্রবীৎ ।। ৭.১.৩৪ ॥
1.36
ভগবন্তঃ কুম্ভকর্ণং রাবণং চ নিশাচরম্ ।
অতিক্রম্য মহাবীর্যৌ কিং প্রশংসথ রাবণিম্ ।। ৭.১.৩৫ ॥
1.37
মহোদরং প্রহস্তং চ বিরূপাক্ষং চ রাক্ষসম্ ।
মত্তোন্মত্তৌ চ দুর্ধর্ষৌ দেবান্তকনরান্তকৌ ॥
1.38
অতিক্রম্য মহাবীর্যান্ কিং প্রশংসথ রাবণিম্ ।
। ৭.১.৩৬ ॥
1.39
অতিকায়ং ত্রিশিরসং ধূম্রাক্ষং চ নিশাচরম্ ।
অতিক্রম্য মহাবীর্যান্কিং প্রশংসথ রাবণিম্ ।। ৭.১.৩৭ ॥
1.40
কীদৃশো বৈ প্রভাবো ঽস্য কিং বলং কঃ পরাক্রমঃ ।
কেন বা কারণেনৈষ রাবণাদতিরিচ্যতে ।। ৭.১.৩৮ ॥
1.41
শক্যং যদি ময়া শ্রোতুং ন খল্বাজ্ঞাপয়ামি বঃ ।
যদি গুহ্যং ন চেদ্বক্তুং শ্রোতুমিচ্ছামি কথ্যতাম্ ।। ৭.১.৩৯ ॥
1.42
শক্রো ঽপি বিজিতস্তেন কথং লব্ধবরশ্চ সঃ ।
কথং চ বলবানন্পুত্রো ন পিতা তস্য রাবণঃ ।। ৭.১.৪০ ॥
1.43
কথং পিতুশ্চাভ্যধিকো মহাহবে শক্রস্য জেতা হি কথং স রাক্ষসঃ ।
বরাশ্চ লব্ধাঃ কথয়স্ব মে ঽদ্য তত্পৃচ্ছতশ্চাস্য মুনীন্দ্র সর্বম্ ।। ৭.১.৪১ ॥