সর্গ 5

5.1

সা তু নীলেন বিধিবৎ স্বারক্ষা সুসমাহিতা ।
সাগরস্য উত্তরে তীরে সাধু সেনা বিনিএশিতা ॥৬-৫-১॥

মৈন্দঃ চ দ্বিবিধঃ চ উভৌ তত্র বানর পুম্গবৌ ।
বিচেরতুঃ চ তাম্ সেনাম্ রক্ষা অর্থম্ সর্বতো দিশম্ ॥৬-৫-২॥

নিবিষ্টায়াম্ তু সেনায়াম্ তীরে নদ নদী পতেঃ ।
পার্শ্বস্থম্ লক্ষ্মণম্ দৃষ্ট্বা রামো বচনম্ অব্রবীৎ ॥৬-৫-৩॥

শোকঃ চ কিল কালেন গচ্চতা হি অপগচ্চতি ।
মম চ অপশ্যতঃ কান্তাম্ অহনি অহনি বর্ধতে ॥৬-৫-৪॥

ন মে দুহ্খম্ প্রিয়া দূরে ন মে দুহ্খম্ হৃতা ইতি চ ।
তদ্ এব অনুশোচামি বয়ো অস্যা হি অতিবর্ততে ॥৬-৫-৫॥

বাহি বাত যতঃ কন্যা তাম্ স্পৃষ্ট্বা মাম্ অপি স্পৃশ ।
ত্বয়ি মে গাত্র সম্স্পর্শঃ চন্দ্রে দৃষ্টি সমাগমঃ ॥৬-৫-৬॥

তন্ মে দহতি গাত্রাণি বিষম্ পীতম্ ইব আশয়ে ।
হা নাথ ইতি প্রিয়া সা মাম্ হ্রিয়মাণা যদ্ অব্রবীৎ ॥৬-৫-৭॥

তদ্ বিয়োগ ইন্ধনবতা তচ্ চিন্তা বিপুল অর্চিষা ।
রাত্রিম্ দিবম্ শরীরম্ মে দহ্যতে মদন অগ্নিনা ॥৬-৫-৮॥

অবগাহ্য অর্ণবম্ স্বপ্স্যে সৌমিত্রে ভবতা বিনা ।
কথম্চিৎ প্রজ্বলন্ কামঃ সমাসুপ্তম্ জলে দহেৎ ॥৬-৫-৯॥

বহ্ব্ এতৎ কাময়ানস্য শক্যম্ এতেন জীবিতুম্ ।
যদ্ অহম্ সা চ বাম ঊরুর্ একাম্ ধরণিম্ আশ্রিতৌ ॥৬-৫-১০॥

কেদারস্য ইব কেদারঃ স উদকস্য নিরূদকঃ ।
উপস্নেহেন জীবামি জীবন্তীম্ যৎ শৃণোমি তাম্ ॥৬-৫-১১॥

কদা তু খলু সুস্শোণীম্ শত পত্র আয়ত ঈক্ষণাম্ ।
বিজিত্য শত্রূন্ দ্রক্ষ্যামি সীতাম্ স্ফীতাম্ ইব শ্রিয়ম্ ॥৬-৫-১২॥

কদা নু চারু বিম্ব ওষ্ঠম্ তস্যাঃ পদ্মম্ ইব আননম্ ।
ঈষদ্ উন্নম্য পাস্যামি রসায়নম্ ইব আতুরঃ ॥৬-৫-১৩॥

তৌ তস্যাঃ সম্হতৌ পীনৌ স্তনৌ তাল ফল উপমৌ ।
কদা নু খলু স উত্কম্পৌ হসন্ত্যা মাম্ ভজিষ্যতঃ ॥৬-৫-১৪॥

সা নূনম্ অসিত অপান্গী রক্ষো মধ্য গতা সতী ।
মন্ নাথা নাথ হীনা ইব ত্রাতারম্ ন অধিগচ্চতি ॥৬-৫-১৫॥

কদা বিক্ষোভ্য রক্ষাম্সি সা বিধূয় উত্পতিষ্যতি ।
রাক্ষসীমধ্যগা শেতে স্নুষা দশরথস্য চ ॥৬-৫-১৬॥

অবিক্ষোভ্যাণি রক্ষাম্সি সা বিধূয়োত্পতিষ্যতি ।
বিধূয় জলদান্ নীলান্ শশি লেখা শরত্স্ব্ ইব ॥৬-৫-১৭॥

স্বভাব তনুকা নূনম্ শোকেন অনশনেন চ ।
ভূয়স্ তনুতরা সীতা দেশ কাল বিপর্যয়াৎ ॥৬-৫-১৮॥

কদা নু রাক্ষস ইন্দ্রস্য নিধায় উরসি সায়কান্ ।
সীতাম্ প্রত্যাহরিষ্যামি শোকম্ উত্সৃজ্য মানসম্ ॥৬-৫-১৯॥

কদা নু খলু মাম্ সাধ্বী সীতা অমর সুতা উপমা ।
স উত্কণ্ঠা কণ্ঠম্ আলম্ব্য মোক্ষ্যতি আনন্দজম্ জলম্ ॥৬-৫-২০॥

কদা শোকম্ ইমম্ ঘোরম্ মৈথিলী বিপ্রয়োগজম্ ।
সহসা বিপ্রমোক্ষ্যামি বাসঃ শুক্ল ইতরম্ যথা ॥৬-৫-২১॥

এবম্ বিলপতস্ তস্য তত্র রামস্য ধীমতঃ ।
দিন ক্ষয়ান্ মন্দ বপুর্ ভাস্করো অস্তম্ উপাগমৎ ॥৬-৫-২২॥

আশ্বাসিতো লক্ষ্মণেন রামঃ সম্ধ্যাম্ উপাসত ।
স্মরন্ কমল পত্র অক্ষীম্ সীতাম্ শোক আকুলী কৃতঃ ॥৬-৫-২৩॥