Utshovসর্গ 3
3.1
সুগ্রীবস্য বচঃ শ্রুত্বা হেতুমৎ পরম অর্থবিৎ ।
প্রতিজগ্রাহ কাকুত্স্থো হনূমন্তম্ অথ অব্রবীৎ ॥৬-৩-১॥
3.2
তরসা সেতু বন্ধেন সাগর উচ্চোষণেন বা ।
সর্বথা সুসমর্থো অস্মি সাগরস্য অস্য লন্ঘনে ॥৬-৩-২॥
3.3
কতি দুর্গাণি দুর্গায়া লংকায়াস্ তদ্ ব্রবীহি মে ।
জ্ঞাতুম্ ইচ্চামি তৎ সর্বম্ দর্শনাদ্ ইব বানর ॥৬-৩-৩॥
3.4
বলস্য পরিমাণম্ চ দ্বার দুর্গ ক্রিয়াম্ অপি ।
গুপ্তি কর্ম চ লংকায়া রক্ষসাম্ সদনানি চ ॥৬-৩-৪॥
3.5
যথা সুখম্ যথাবচ্ চ লংকায়াম্ অসি দৃষ্টবান্ ।
সরম্ আচক্ষ্ব তত্ত্বেন সর্বথা কুশলো হি অসি ॥৬-৩-৫॥
3.6
শ্রুত্বা রামস্য বচনম্ হনূমান্ মারুত আত্মজঃ ।
বাক্যম্ বাক্যবিদাম্ শ্রেষ্ঠো রামম্ পুনর্ অথ অব্রবীৎ ॥৬-৩-৬॥
3.7
শ্রূয়তাম্ সর্বম্ আখ্যাস্যে দুর্গ কর্ম বিধানতঃ ।
গুপ্তা পুরী যথা লংকা রক্ষিতা চ যথা বলৈঃ ॥৬-৩-৭॥
3.8
রাক্ষসাশ্চ যথা স্নিগ্ধা রাবণস্য চ তেজসা ।
পরাম্ সমৃদ্ধিম্ লংকায়াঃ সাগরস্য চ ভীমতাম্ ॥৬-৩-৮॥
3.9
বিভাগম্ চ বল ওঘস্য নির্দেশম্ বাহনস্য চ ।
এবমুক্ত্বা কপিশ্রেষ্ঠঃ কথয়ামাস তত্ববিৎ ॥৬-৩-৯॥
3.10
প্রহৃষ্টা মুদিতা লংকা মত্ত দ্বিপ সমাকুলা ।
মহতী রথ সম্পূর্ণা রক্ষো গণ সমাকুলা ॥৬-৩-১০॥
3.11
দৃঢ বদ্ধ কবাটানি মহাপরিঘবন্তি চ ।
চত্বারি বিপুলান্যস্যা দ্বারাণি সুমহান্তি ॥৬-৩-১১॥
3.12
তত্রেষূপয়ন্ত্রাণি বলবন্তি মহান্তি চ ।
আগতম্ পর সৈন্যম্ তৈস্ তত্র প্রতিনিবার্যতে ॥৬-৩-১২॥
3.13
দ্বারেষু সম্স্কৃতা ভীমাঃ কাল আয়স ময়াঃ শিতাঃ ।
শতশো রোচিতা বীরৈঃ শতঘ্ন্যো রক্ষসাম্ গণৈঃ ॥৬-৩-১৩॥
3.14
সৌবর্ণঃ চ মহাম্স্ তস্যাঃ প্রাকারো দুষ্প্রধর্ষণঃ ।
মণি বিদ্রুম বৈদূর্য মুক্তা বিচরিত অন্তরঃ ॥৬-৩-১৪॥
3.15
সর্বতঃ চ মহাভীমাঃ শীত তোয়া মহাশুভাঃ ।
অগাধা গ্রাহবত্যঃ চ পরিখা মীন সেবিতাঃ ॥৬-৩-১৫॥
3.16
দ্বারেষু তাসাম্ চত্বারঃ সম্ক্রমাঃ পরম আয়তাঃ ।
যন্ত্রৈর্ উপেতা বহুভির্ মহদ্ভির্ দৃঢ সম্ধিভিঃ ॥৬-৩-১৬॥
3.17
ত্রায়ন্তে সম্ক্রমাস্ তত্র পর সৈন্য আগমে সতি ।
যন্ত্রৈস্ তৈর্ অবকীর্যন্তে পরিখাসু সমন্ততঃ ॥৬-৩-১৭॥
3.18
একস্ ত্ব্ অকম্প্যো বলবান্ সম্ক্রমঃ সুমহাদৃঢঃ ।
কাঞ্চনৈর্ বহুভিঃ স্তম্ভৈর্ বেদিকাভিঃ চ শোভিতঃ ॥৬-৩-১৮॥
3.19
স্বয়ম্ প্রকৃতি সম্পন্নো যুয়ুত্সূ রাম রাবণঃ ।
উত্থিতঃ চ অপ্রমত্তঃ চ বলানাম্ অনুদর্শনে ॥৬-৩-১৯॥
3.20
লংকা পুরী নিরালম্বা দেব দুর্গা ভয় আবহা ।
ন অদেয়ম্ পার্বতম্ বন্যম্ কৃত্রিমম্ চ চতুর্ বিধম্ ॥৬-৩-২০॥
3.21
স্থিতা পারে সমুদ্রস্য দূর পারস্য রাঘব ।
নৌ পথঃ চ অপি ন অস্তি অত্র নিরাদেশঃ চ সর্বতঃ ॥৬-৩-২১॥
3.22
শৈল অগ্রে রচিতা দুর্গা সা পূর্ দেব পুর উপমা ।
বাজি বারণ সম্পূর্ণা লংকা পরম দুর্জয়া ॥৬-৩-২২॥
3.23
পরিঘাঃ চ শতঘ্ন্যঃ চ যন্ত্রাণি বিবিধানি চ ।
শোভয়ন্তি পুরীম্ লংকাম্ রাবণস্য দুরাত্মনঃ ॥৬-৩-২৩॥
3.24
অয়ুতম্ রক্ষসাম্ অত্র পশ্চিম দ্বারম্ আশ্রিতম্ ।
শূল হস্তা দুরাধর্ষাঃ সর্বে খড্গ অগ্র যোধিনঃ ॥৬-৩-২৪॥
3.25
নিয়ুতম্ রক্ষসাম্ অত্র দক্ষিণ দ্বারম্ আশ্রিতম্ ।
চতুর্ অন্গেণ সৈন্যেন যোধাস্ তত্র অপি অনুত্তমাঃ ॥৬-৩-২৫॥
3.26
প্রয়ুতম্ রক্ষসাম্ অত্র পূর্ব দ্বারম্ সমাশ্রিতম্ ।
চর্ম খড্গ ধরাঃ সর্বে তথা সর্ব অস্ত্র কোবিদাঃ ॥৬-৩-২৬॥
3.27
ন্যর্বুদম্ রক্ষসাম্ অত্র উত্তর দ্বারম্ আশ্রিতম্ ।
রথিনঃ চ অশ্ব বাহাঃ চ কুল পুত্রাঃ সুপূজিতাঃ ॥৬-৩-২৭॥
3.28
শতম্ শত সহস্রাণাম্ মধ্যমম্ গুল্মম্ আশ্রিতম্ ।
যাতু ধানা দুরাধর্ষাঃ সাগ্র কোটিঃ চ রক্ষসাম্ ॥৬-৩-২৮॥
3.29
তে ময়া সম্ক্রমা ভগ্নাঃ পরিখাঃ চ অবপূরিতাঃ ।
দগ্ধা চ নগরী লংকা প্রাকারাঃ চ অবসাদিতাঃ ॥৬-৩-২৯॥
3.30
বলৈকদেশঃ ক্ষপিতো রাক্ষসানাম্ মহাত্মনাম্ ।
যেন কেন তু মার্গেণ তরাম বরুণ আলয়ম্ ॥৬-৩-৩০॥
3.31
হতা ইতি নগরী লংকাম্ বানরৈর্ অবধার্যতাম্ ।
অঙ্গদো দ্বিবিদো মৈন্দো জাম্ববান্ পনসো নলঃ ॥৬-৩-৩১॥
3.32
নীলঃ সেনা পতিঃ চৈব বল শেষেণ কিম্ তব ।
প্লবমানা হি গত্বা তাম্ রাবণস্য মহাপুরীম্ ॥৬-৩-৩২॥
3.33
সপ্রকারাম্ সভবনাম্ আনয়িষ্যন্তি মৈথিলীম্ ।
সপ্রাকারাম্ সভবনামানয়ুষ্যন্তি রাঘব ॥৬-৩-৩৩॥
3.34
এবম্ আজ্ঞাপয় ক্ষিপ্রম্ বলানাম্ সর্ব সম্গ্রহম্ ।
মুহূর্তেন তু যুক্তেন প্রস্থানমভিরোচয় ॥৬-৩-৩৪॥