Utshovসর্গ 33
33.1
সীতাম্ তু মোহিতাম্ দৃষ্ট্বা সরমা নাম রাক্ষসী ।
আসসাদ আশু বৈদেহীম্ প্রিয়াম্ প্রণয়িনী সখী ।। ৬-৩৩-১।।
33.2
মোহিতাম্ রাক্ষসেন্দ্রেণ সীতাম্ পরমদুঃখিতাম্ ।
আশ্বাসয়ামাস তদা সরমা মৃদুভাষিণী ।। ৬-৩৩-২।।
33.3
সা হি তত্র কৃতা মিত্রম্ সীতয়া রক্ষ্যমাণয়া ।
রক্ষন্তী রাবণাদ্ ইষ্টা সানুক্রোশা দৃঢ ব্রতা ।। ৬-৩৩-৩।।
33.4
সা দদর্শ সখীম্ সীতাম্ সরমা নষ্ট চেতনাম্ ।
উপাবৃত্য উত্থিতাম্ ধ্বস্তাম্ বডবাম্ ইব পাংসুষু ।। ৬-৩৩-৪।।
33.5
তাম্ সমাশ্বাসয়াম্ আস সখী স্নেহেন সুব্রতা ।
উক্তা যদ্ রাবণেন ত্বম্ প্রত্যুক্তম্ চ স্বয়ম্ ত্বয়া ।। ৬-৩৩-৫।।
33.6
উক্তা যদ্রাবণেন ত্বম্ প্রত্যুক্তশ্চ স্বয়ম্ ত্বয়া ।
সখী স্নেহেন তদ্ ভীরু ময়া সর্বম্ প্রতিশ্রুতম্ ।। ৬-৩৩-৬
33.7
লীনয়া গনহে শূহ্যে ভয়ম্ উত্সৃজ্য রাবণাৎ ।
তব হেতোর্ বিশাল অক্ষি ন হি মে জীবিতম্ প্রিয়ম্ ।। ৬-৩৩-৭।।
33.8
স সম্ভ্রান্তশ চ নিষ্ক্রান্তো যৎ কৃতে রাক্ষস অধিপঃ ।
তচ্ চ মে বিদিতম্ সর্বম্ অভিনিষ্ক্রম্য মৈথিলি ।। ৬-৩৩-৮।।
33.9
ন শক্যম্ সৌপ্তিকম্ কর্তুম্ রামস্য বিদিত আত্মনঃ ।
বধশ্চ পুরুষ ব্যাঘ্রে তস্মিন্ন্ এব উপপদ্যতে ।। ৬-৩৩-৯।।
33.10
ন চ এব বানরা হন্তুম্ শক্যাঃ পাদপ যোধিনঃ ।
সুরা দেব ঋষভেণ ইব রামেণ হি সুরক্ষিতাঃ ।। ৬-৩৩-১০।।
33.11
দীর্ঘ বৃত্ত ভুজহ্ শ্রীমান্ মহা উরস্কহ্ প্রতাপবান্ ।
ধন্বী সম্হনন উপেতো ধর্ম আত্মা ভুবি বিশ্রুতঃ ।। ৬-৩৩-১১
33.12
বিক্রান্তো রক্ষিতা নিত্যম্ আত্মনশ্চ পরস্য চ ।
লক্ষ্মণেন সহ ভ্রাত্রা কুশলী নয় শাস্ত্রবিৎ ।। ৬-৩৩-১২
33.13
হন্তা পর বল ওঘানাম্ অচিন্ত্য বল পৌরুষঃ ।
ন হতো রাঘবঃ শ্রীমান্ সীতে শত্রু নিবর্হণঃ ।। ১৩।।
33.14
অয়ুক্ত বুদ্ধি কৃত্যেন সর্ব ভূত বিরোধিনা ।
ইয়ম্ প্রয়ুক্তা রৌদ্রেণ মায়া মায়াবিদা ত্বয়ি ।। ৬-৩৩-১৪।।
33.15
শোকস্ তে বিগতঃ সর্বঃ কল্যাণম্ ত্বাম্ উপস্থিতম্ ।
ধ্রুবম্ ত্বাম্ ভজতে লক্ষ্মীঃ প্রিয়ম্ প্রীতি করম্ শৃণু ।। ৬-৩৩-১৫।।
33.16
উত্তীর্য সাগরম্ রামঃ সহ বানর সেনয়া ।
সম্নিবিষ্টঃ সমুদ্রস্য তীরম্ আসাদ্য দক্ষিণম্ ।। ৬-৩৩-১৬।।
33.17
দৃষ্টো মে পরিপূর্ণ অর্থঃ কাকুত্স্থঃ সহ লক্ষ্মণঃ ।
সহিতৈঃ সাগর অন্তস্থৈর্ বলৈস্ তিষ্ঠতি রক্ষিতঃ ।। ৬-৩৩-১৭।।
33.18
অনেন প্রেষিতা যে চ রাক্ষসা লঘু বিক্রমঃ ।
রাঘবস্ তীর্ণৈত্য্ এবম্ প্রবৃত্তিস্ তৈর্ ইহ আহৃতা ।। ৬-৩৩-১৮।।
33.19
স তাম্ শ্রুত্বা বিশাল অক্ষি প্রবৃত্তিম্ রাক্ষস অধিপঃ ।
এষ মন্ত্রয়তে সর্বৈঃ সচিবৈঃ সহ রাবণঃ ।। ৬-৩৩-১৯।।
33.20
ইতি ব্রুবাণা সরমা রাক্ষসী সীতয়া সহ ।
সর্ব উদ্যোগেন সৈন্যানাম্ শব্দম্ শুশ্রাব ভৈরবম্ ।। ৬-৩৩-২০।।
33.21
দণ্ড নির্ঘাত বাদিন্যাঃ শ্রুত্বা ভের্যা মহা স্বনম্ ।
উবাচ সরমা সীতাম্ ইদম্ মধুর ভাষিণী ।। ৬-৩৩-২১।।
33.22
সম্নাহ জননী হ্য্ এষা ভৈরবা ভীরু ভেরিকা ।
ভেরী নাদম্ চ গম্ভীরম্ শৃণু তোয়দ নিস্বনম্ ।। ৬-৩৩-২২।।
33.23
কল্প্যন্তে মত্ত মাতম্গা যুজ্যন্তে রথ বাজিনঃ ।
তত্র তত্র চ সম্নদ্ধাঃ সম্পতন্তি পদাতয়ঃ ।। ৬-৩৩-২৩।।
33.24
তত্র তত্র চ সন্নদ্ধাঃ সম্পতন্তি সহস্রশঃ ।
আপূর্যন্তে রাজ মার্গাঃ সৈন্যৈর্ অদ্ভুত দর্শনৈঃ ।। ৬-৩৩-২৪।
33.25
বেগবদ্ভির্ নদদ্ভিশ্চ তোয় ওঘৈর্ ইব সাগরঃ ।
শাস্ত্রাণাম্ চ প্রসন্নানাম্ চর্মণাম্ বর্মণাম্ তথা ।। ৬-৩৩-২৫
33.26
রথ বাজি গজানাম্ চ ভূষিতানাম্ চ রক্ষসাম্ ।
সম্ভ্রমো রক্ষসামেষ হৃষিতানাম্ তরস্বিনাম্ ।। ৬-৩৩-২৬
33.27
প্রভাম্ বিসৃজতাম্ পশ্য নানা বর্ণাম্ সমুত্থিতাম্ ।
বনম্ নির্দহতো ধর্মে যথা রূপম্ বিভাবসোঃ ।। ৬-৩৩-২৭।।
33.28
ঘণ্টানাম্ শৃণু নির্ঘোষম্ রথানাম্ শৃণু নিস্বনম্ ।
হয়ানাম্ হেষমাণানাম্ শৃণু তূর্য ধ্বনিম্ যথা ।। ৬-৩৩-২৮
33.29
উদ্যত আয়ুধ হস্তানাম্ রাক্ষস ইন্দ্র অনুয়ায়িনাম্ ।
সম্ভ্রমো রক্ষসাম্ এষ তুমুলো লোম হর্ষণঃ ।। ৬-৩৩-২৯।।
33.30
শ্রীস্ ত্বাম্ ভজতি শোকঘ্নী রক্ষসাম্ ভয়ম্ আগতম্ ।
রামাৎ কমল পত্র অক্ষি দৈত্যানাম্ ইব বাসবাৎ ।। ৬-৩৩-৩০
33.31
অবজিত্য জিত ক্রোধস্ তম্ অচিন্ত্য পরাক্রমঃ ।
রাবণম্ সমরে হত্বা ভর্তা ত্বা অধিগমিষ্যতি ।। ৬-৩৩-৩১।।
33.32
বিক্রমিষ্যতি রক্ষহ্সু ভর্তা তে সহ লক্ষ্মণঃ ।
যথা শত্রুষু শত্রুঘ্নো বিষ্ণুনা সহ বাসবঃ ।। ৬-৩৩-৩২।।
33.33
আগতস্য হি রামস্য ক্ষিপ্রম্ অন্ক গতাম্ সতীম্ ।
অহম্ দ্রক্ষ্যামি সিদ্ধ অর্থাম্ ত্বাম্ শত্রৌ বিনিপাতিতে ।। ৬-৩৩-৩৩।।
33.34
অশ্রূণ্য্ আনন্দজানি ত্বম্ বর্তয়িষ্যসি শোভনে ।
সমাগম্য পরিষ্বক্তা তস্য উরসি মহা উরসঃ ।। ৬-৩৩-৩৪।।
33.35
অচিরান্ মোক্ষ্যতে সীতে দেবি তে জঘনম্ গতাম্ ।
ধৃতাম্ এতাম্ বহূন্ মাসান্ বেণীম্ রামো মহা বলঃ ।। ৬-৩৩-৩৫।।
33.36
তস্য দৃষ্ট্বা মুখম্ দেবি পূর্ণ চন্দ্রম্ ইব উদিতম্ ।
মোক্ষ্যসে শোকজম্ বারি নির্মোকম্ ইব পন্নগী ।। ৬-৩৩-৩৬।।
33.37
রাবণম্ সমরে হত্বা নচিরাদ্ এব মৈথিলি ।
ত্বয়া সমগ্রম্ প্রিয়য়া সুখ অর্হো লপ্স্যতে সুখম্ ।। ৬-৩৩-৩৭।।
33.38
সমাগতা ত্বম্ রামেণ মোদিষ্যসি মহাত্মনা ।
সুবর্ষেণ সমায়ুক্তা যথা সস্যেন মেদিনী ।। ৬-৩৩-৩৮।।
33.39
গিরি বরম্ অভিতো অনুবর্তমানো ।
হয় ইব মণ্ডলম্ আশু যঃ করোতি ।তম্ ইহ শরণম্ অভ্যুপেহি দেবিদিবস করম্ প্রভবো হ্যয়ম্ প্রজানাম্ ৬-৩৩-৩৯