Utshovসর্গ 16
16.1
সুনিবিষ্টম্ হিতম্ বাক্যম্ উক্তবন্তম্ বিভীষণম্ ।
অব্রবীৎ পরুষম্ বাক্যম্ রাবণঃ কাল চোদিতঃ ॥৬-১৬-১॥
16.2
বসেৎ সহ সপত্নেন ক্রুদ্ধেন আশী বিষেণ চ ।
ন তু মিত্র প্রবাদেন সম্বস্চ্চত্রুণা সহ ॥৬-১৬-২॥
16.3
জানামি শীলম্ জ্ঞাতীনাম্ সর্ব লোকেষু রাক্ষস ।
হৃষ্যন্তি ব্যসনেষ্বেতে জ্ঞাতীনাম্ জ্ঞাতয়ঃ সদা ॥৬-১৬-৩॥
16.4
প্রধানম্ সাধকম্ বৈদ্যম্ ধর্ম শীলম্ চ রাক্ষস ।
জ্ঞাতয়ো হ্যনমন্যন্তে শূরম্ পরিভবন্তি চ ॥৬-১৬-৪॥
16.5
নিত্যম্ অন্যোন্য সম্হৃষ্টা ব্যসনেষ্বাততায়িনঃ ।
প্রচ্চন্ন হৃদয়া ঘোরা জ্ঞাতয়স্ তু ভয় আবহাঃ ॥৬-১৬-৫॥
16.6
শ্রূয়ন্তে হস্তিভির্ গীতাঃ শ্লোকাঃ পদ্ম বনে পুরা ।
পাশ হস্তান্ নরান্ দৃষ্ট্বা শৃণু তান্ গদতো মম ॥৬-১৬-৬॥
16.7
নাগ্নির্নান্যানি শস্ত্রাণি ন নঃ পাশা ভয়াবহাঃ ।
ঘোরাঃ স্বার্থপ্রয়ুক্তাস্তু জ্ঞাতয়ো নো ভয়াবহাঃ ॥৬-১৬-৭॥
16.8
উপায়মেতে বক্ষ্যন্তি গ্রহণে নাত্রসম্শয়ঃ ।
কৃত্স্নাদ্ ভয়াজ্জ্ঞাতিভয়ম্ সুকষ্টম্ বিদিতম্ চ নঃ ॥৬-১৬-৮॥
16.9
বিদ্যতে গোষু সম্পন্নম্ বিদ্যতে জ্ঞাতিতো ভয়ম্ ।
বিদ্যতে স্ত্রীষু চাপল্যম্ বিদ্যতে জ্ঞাতিতো ভয়ম্ ॥৬-১৬-৯॥
16.10
ততো নেষ্টম্ ইদম্ সৌম্য যদহম্ লোক সত্কৃতঃ ।
ঐশ্বর্যম্ অভিজাতঃ চ রিপূণাম্ মূর্ধ্নি চ স্থিতঃ ॥৬-১৬-১০॥
16.11
যথা পুষ্করপত্রেষু পতিতাস্তোয়বিন্দবঃ ।
ন শ্লেষমভিগচ্চন্তি তথানার্যেষু সৌহৃদম্ ॥৬-১৬-১১॥
16.12
যথা শরদি মেঘানাম্ সিঞ্চাতামপি গর্জতাম্ ।
ন ভবত্যমুবসম্ক্লেদস্তথানার্যেষু সৌহৃদম্ ॥৬-১৬-১২॥
16.13
যথা মধুকরস্তর্ষাদ্রাসম্ বিন্দন্ন তিষ্ঠতি ।
তথা ত্বমপি তত্রৈব তথানার্যেষু সৌহৃদম্ ॥৬-১৬-১৩॥
16.14
যথা মধুকর্স্তরাষাত্কাশপুষ্পম্ পিবন্নপি ।
রসমত্র ন বিন্দেত তথানার্যেষু সৌহৃদম্ ॥৬-১৬-১৪॥
16.15
যথা পূর্বম্ গজঃ স্নাত্বা গৃহ্য হস্তেন বৈ রজঃ ।
দূষয়ত্যাত্মনো দেহম্ তথানার্যেষু সৌহৃদম্ ॥৬-১৬-১৫॥
16.16
যোঽন্যস্ত্বেবম্বিধম্ ব্রূয়াদ্ বাক্যমেতন্নিশাচর ।
অস্মিন্ মুহূর্তে ন ভবেৎ ত্বাম্ তু ধিক্ কুলপাম্সনম্ ॥৬-১৬-১৬॥
16.17
ইতিউক্তঃ পরুষম্ বাক্যম্ ন্যায়বাদী বিভীষণঃ ।
উত্পপাত গদাপাণিঃচতুর্ভিঃ সহ রাক্ষসৈঃ ॥৬-১৬-১৭॥
16.18
অব্রবীচ্চ তদা বাক্যম্ জাতক্রোধো বিভীষণঃ ।
অন্তরিক্ষগতঃ শ্রীমান্ ভ্রাতরম্ রাক্ষস অধিপম্ ॥৬-১৬-১৮॥
16.19
স ত্বম্ ভ্রাতা অসি মে রাজন্ ব্রূহি মাম্ যদ্ যদ্ ইচ্চসি ।
জ্যেষ্ঠো মান্যঃ পিতৃসমো ন চ ধর্মপথে স্থিতঃ ॥৬-১৬-১৯॥
16.20
ইদম্ তু পরুষম্ বাক্যম্ ন ক্ষমামি অনৃতম্ তব ।
সুনীতম্ হিত কামেন বাক্যম্ উক্তম্ দশ আনন ॥৬-১৬-২০॥
16.21
ন গৃহ্ণন্তি অকৃত আত্মানঃ কালস্য বশমাগতাঃ ।
সুলভাঃ পুরুষা রাজন্ সততম্ প্রিয় বাদিনঃ ॥৬-১৬-২১॥
16.22
অপ্রিয়স্য তু পথ্যস্য বক্তা শ্রোতা চ দুর্লভঃ ।
বদ্ধম্ কালস্য পাশেন সর্ব ভূত অপহারিণা ॥৬-১৬-২২॥
16.23
ন নশ্যন্তম্ উপেক্ষেয়ম্ প্রদীপ্তম্ শরণম্ যথা ।
দীপ্ত পাবক সম্কাশৈঃ শিতৈঃ কান্চন ভূষণৈঃ ॥৬-১৬-২৩॥
16.24
ন ত্বাম্ ইচ্চামি অহম্ দ্রষ্টুম্ রামেণ নিহতম্ শরৈঃ ।
শূরাঃ চ বলবন্তঃ চ কৃত অস্ত্রাঃ চ নর আজিরে ॥৬-১৬-২৪॥
16.25
কাল অভিপন্না সীদন্তি যথা বালুক সেতবঃ ।
তনর্ষয়তু যচ্চোক্তম্ গুরুত্বাদ্ধিতমিচ্চতা ॥৬-১৬-২৫॥
16.26
আত্মানম্ সর্বথা রক্ষ পুরীম্ চ ইমাম্ সরাক্ষসাম্ ।
স্বস্তি তে অস্তু গমিষ্যামি সুখী ভব ময়া বিনা ॥৬-১৬-২৬॥
16.27
নিবার্যমাণস্য ময়া হিত এষিণা ।
ন রোচতে তে বচনম্ নিশা চর ।পরীত কালা হি গত আয়ুষো নরা ।হিতম্ ন গৃহ্ণন্তি সুহৃদ্ভির্ ঈরিতম্ ॥৬-১৬-২৭॥