Utshovসর্গ 125
125.1
উপস্থিতং তু তং দৃষ্ট্বা পুষ্পকং পুষ্পভূষিতম্ ।
অবিদূরস্থিতো রামং প্রত্যুবাচ বিভীষণঃ ।। ৬.১২৫.১ ।।
125.2
স তু বদ্ধাঞ্জলিঃ প্রহ্বো বিনীতো রাক্ষসেশ্বরঃ ।
অব্রবীত্ত্বরয়োপেতঃ কিং করোমীতি রাঘবম্ ।। ৬.১২৫.২ ।।
125.3
তমব্রবীন্মহাতেজা লক্ষ্মণস্যোপশৃণ্বতঃ ।
বিমৃশ্য রাঘবো বাক্যমিদং স্নেহপুরস্কৃতম্ ।। ৬.১২৫.৩ ।।
125.4
কৃতপ্রয়ত্নকর্মাণো বিভীষণ বনৌকসঃ ।
রত্নৈরর্থৈশ্চ বিবিধৈর্ভূষণৈশ্চাপি পূজয় ।। ৬.১২৫.৪ ।।
125.5
সহৈভিরজিতা লঙ্কা নির্জিতা রাক্ষসেশ্বর ।
হৃষ্টৈঃ প্রাণভয়ং ত্যক্ত্বা সঙ্গ্রামেষ্বনিবর্তিভিঃ ।। ৬.১২৫.৫ ।।
125.6
ত ইমে কৃতকর্মাণঃ পূজ্যন্তাং সর্ববানরাঃ ।
। ৬.১২৫.৬ ।।
125.7
ধনরত্নপ্রদানেন কর্মৈষাং সফলং কুরু ।
। ৬.১২৫.৭ ।।
125.8
এব সম্মানিতাশ্চৈতে মানার্হা মানদ ত্বয়া ।
ভবিষ্যন্তি কৃতজ্ঞেন নির্বৃতা হরিয়ূথপাঃ ।। ৬.১২৫.৮ ।।
125.9
ত্যাগিনং সঙ্গ্রহীতারং সানুক্রোশং যশস্বিনম্ ।
সর্বে ত্বামবগচ্ছন্তি ততঃ সম্বোধয়াম্যহম্ ।। ৬.১২৫.৯ ।।
125.10
হীনং রতিগুণৈঃ সর্বৈরভিহন্তারমাহবে ।
ত্যজন্তি নৃপতিং সৈন্যাঃ সংবিগ্নাস্তং নরেশ্বরম্ ।। ৬.১২৫.১০ ।।
125.11
এবমুক্তস্তু রামেণ বানরাংস্তান্ বিভীষণঃ ।
রত্নার্থৈঃ সংবিভাগেন সর্বানেবাভ্যপূজয়ৎ ।। ৬.১২৫.১১ ।।
125.12
ততস্তান্ পূজিতান্ দৃষ্ট্বা রত্নৈরর্থৈশ্চ যূথপান্ ।
আরুরোহ ততো রামস্তদ্বিমানমনুত্তমম্ ।। ৬.১২৫.১২ ।।
125.13
অঙ্কেনাদায় বৈদেহীং লজ্জমানাং যশস্বিনীম্ ।
লক্ষ্মণেন সহ ভ্রাত্রা বিক্রান্তেন ধনুষ্মতা ।। ৬.১২৫.১৩ ।।
125.14
অব্রবীচ্চ বিমানস্থঃ পূজয়ন্ সর্ববানরান্ ।
সুগ্রীবং চ মহাবীর্যং কাকুত্স্থঃ সবিভীষণম্ ।। ৬.১২৫.১৪ ।।
125.15
মিত্রকার্যং কৃতমিদং ভবদ্ভির্বানরোত্তমাঃ ।
অনুজ্ঞাতা ময়া সর্বে যথেষ্টং প্রতিগচ্ছত ।। ৬.১২৫.১৫ ।।
125.16
যত্তু কার্যং বয়স্যেন সুহৃদা বা পরন্তপ ।
কৃতং সুগ্রীব তৎ সর্বং ভবতা ঽধর্ম ভীরুণা ।। ৬.১২৫.১৬ ।।
125.17
বিষ্কিন্ধাং প্রতিয়াহ্যাশু স্বসৈন্যেনাভিসংবৃতঃ ।
। ৬.১২৫.১৭ ।।
125.18
স্বরাজ্যে বস লঙ্কায়াং ময়া দত্তে বিভীষণ ।
ন ত্বাং ধর্ষয়িতুং শক্তাঃ সেন্দ্রা অপি দিবৌকসঃ ।। ৬.১২৫.১৮ ।।
125.19
অয়োধ্যাং প্রতিয়াস্যামি রাজধানীং পিতুর্মম ।
অভ্যনুজ্ঞাতুমিচ্ছামি সর্বাংশ্চামন্ত্রয়ামি বঃ ।। ৬.১২৫.১৯ ।।
125.20
এবমুক্তাস্তু রামেণ বানরাস্তে মহাবলাঃ ।
ঊচুঃ প্রাঞ্জলয়ো রামং রাক্ষসশ্চ বিভীষণঃ ।। ৬.১২৫.২০ ।।
125.21
অয়োধ্যাং গন্তুমিচ্ছামঃ সর্বান্নয়তু নো ভবান্ ।
উদ্যুক্তা বিচরিষ্যামো বনানি নগরাণি চ ।। ৬.১২৫.২১ ।।
125.22
দৃষ্ট্বা ত্বামভিষেকার্দ্রং কৌসল্যামভিবাদ্য চ ।
অচিরেণাগমিষ্যামঃ স্বান্ গৃহান্ নৃপতেঃ সুত ।। ৬.১২৫.২২ ।।
125.23
এবমুক্তস্তু ধর্মাত্মা বানরৈঃ সবিভীষণৈঃ ।
অব্রবীদ্রাঘবঃ শ্রীমান্ সসুগ্রীববিভীষণান্ ।। ৬.১২৫.২৩ ।।
125.24
প্রিয়াৎ প্রিয়তরং লব্ধং যদহং সসুহৃজ্জনঃ ।
সর্বৈর্ভবদ্ভিঃ সহিতঃ প্রীতিং লপ্স্যে পুরীং গতঃ ।। ৬.১২৫.২৪ ।।
125.25
ক্ষিপ্রমারোহ সুগ্রীব বিমানং বানরৈ সহ ।
ত্বমধ্যারোহ সামাত্যো রাক্ষসেন্দ্র বিভীষণ ।। ৬.১২৫.২৫ ।।
125.26
ততস্তৎ পুষ্পকং দিব্যং সুগ্রীবঃ সহ সেনয়া ।
অধ্যারোহত্ত্বরন্ শীঘ্রং সামাত্যশ্চ বিভীষণঃ ।। ৬.১২৫.২৬ ।।
125.27
তেষ্বারূঢেষু সর্বেষু কৌবেরং পরমাসনম্ ।
রাঘবেণাভ্যনুজ্ঞাতমুত্পপাত বিহায়সম্ ।। ৬.১২৫.২৭ ।।
125.28
যয়ৌ তেন বিমানেন হংসয়ুক্তেন ভাস্বতা ।
প্রহৃষ্টশ্চ প্রতীতশ্চ বভৌ রামঃ কুবেরবৎ ।। ৬.১২৫.২৮ ।।
125.29
তে সর্বে বানরা হৃষ্টা রাক্ষসাশ্চ মহাবলাঃ ।
যথাসুখমসম্বাধং দিব্যে তস্মিন্নুপাবিশন্ ।। ৬.১২৫.২৯ ।।
125.30
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে পঞ্চবিংশত্যুত্তরশততমঃ সর্গঃ ।
। ১২৫ ।।