Utshovসর্গ 56
56.1
ততস্তু শিংশুপামূলে জানকীং পর্যবস্থিতাম্ ।
অভিবাদ্যাব্রবীদ্দিষ্ট্যা পশ্যামি ত্বামিহাক্ষতাম্ ।। 5.56.1 ।।।।
56.2
ততস্তং প্রস্থিতং সীতা বীক্ষমাণা পুনঃ পুনঃ ।
ভর্তৃস্নেহান্বিতং বাক্যং হনুমন্তমভাষত ।। 5.56.2 ।।।।
56.3
কামমস্য ত্বমেবৈকঃ কার্যস্য পরিসাধনে ।
পর্যাপ্তঃ পরবীরঘ্ন যশস্যস্তে বলোদয়ঃ ।। 5.56.3 ।।।।
56.4
শরৈস্তু সঙ্কুলাং কৃত্বা লঙ্কাং পরবলার্দনঃ ।
মাং নয়েদ্যদি কাকুত্স্থস্তত্তস্য সদৃশং ভবেৎ ।। 5.56.4 ।।।।
56.5
তদ্যথা তস্য বিক্রান্তমনুরূপং মহাত্মনঃ ।
ভবত্যাহবশূরস্য তথা ত্বমুপপাদয় ।। 5.56.5 ।।।।
56.6
তদর্থোপহিতং বাক্যং প্রশ্রিতং হেতুসংহিতম্ ।
নিশম্য হনুমাংস্তস্যা বাক্যমুত্তরমব্রবীৎ ।। 5.56.6 ।।।।
56.7
ক্ষিপ্রমেষ্যতি কাকুত্স্থো হর্যৃক্ষপ্রবরৈর্বৃতঃ ।
যস্তে যুধি বিজিত্যারীন্ শোকং ব্যপনয়িষ্যতি ।। 5.56.7 ।।।।
56.8
এবমাশ্বাস্য বৈদেহীং হনুমান্ মারুতাত্মজঃ ।
গমনায় মতিং কৃত্বা বৈদেহীমভ্যবাদয়ৎ ।। 5.56.8 ।।।।
56.9
ততঃ স কপিশার্দূলঃ স্বামিসন্দর্শনোত্সুকঃ ।
আরুরোহ গিরিশ্রেষ্ঠমরিষ্টমরিমর্দনঃ ।। 5.56.9 ।।।।
56.10
তুঙ্গপদ্মকজুষ্টাভির্নীলাভির্বনরাজিভিঃ ।
সোত্তরীয়মিবাম্ভোদৈঃ শ্রৃঙ্গান্তরবিলম্বিভিঃ ।। 5.56.10 ।।।।
56.11
বোধ্যমানমিব প্রীত্যা দিবাকরকরৈঃ শুভৈঃ ।
উন্মিষন্তমিবোদ্ধূতৈর্লোচনৈরিব ধাতুভিঃ ।। 5.56.11 ।।।।
56.12
তোয়ৌঘনিস্বনৈর্মন্দ্রৈঃ প্রাধীতমিব পর্বতম্ ।
প্রগীতমিব বিস্পষ্টৈর্নানাপ্রস্রবণস্বনৈঃ ।। 5.56.12 ।।।।
56.13
দেবদারুভিরত্যুচ্চৈরূর্ধ্ববাহুমিব স্থিতম্ ।
প্রপাতজলনির্ঘোষৈঃ প্রাক্রৃষ্টমিব সর্বতঃ ।। 5.56.13 ।।।।
56.14
বেপমানমিব শ্যামৈঃ কম্পমানৈঃ শরদ্ঘনৈঃ ।
বেণুভিমারুতোদ্ধূতৈঃ কূজন্তমিব কীচকৈঃ ।। 5.56.14 ।।।।
56.15
নিঃশ্বসন্তমিবামর্ষাদ্ঘোরৈরাশীবিষোত্তমৈঃ ।
নীহারকৃতগম্ভীরৈর্ধ্যায়ন্তমিব গহ্বরৈঃ ।। 5.56.15 ।।।।
56.16
মেঘপাদনিভৈঃ পাদৈঃ প্রক্রান্তমিব সর্বতঃ ।
জৃম্ভমাণমিবাকাশে শিখরৈরভ্রমালিভিঃ ।। 5.56.16 ।।।।
56.17
কূটৈশ্চ বহুধাকীর্ণৈঃ শোভিতং বহুকন্দরৈঃ ।
সালতালাশ্বকর্ণৈশ্চ বংশৈশ্চ বহুভির্বৃতম্ ।। 5.56.17 ।।।।
56.18
লতাবিতানৈর্বিততৈঃ পুষ্পবদ্ভিরলঙ্কৃতম্ ।
নানামৃগগণাকীর্ণং ধাতুনিষ্যন্দভূষিতম্ ।বহুপ্রস্রবণোপেতং শিলাসঞ্চয়সঙ্কটম্ ।। 5.56.18 ।।।।
56.19
মহর্ষিয়ক্ষগন্ধর্বকিন্নরোরগসেবিতম্ ।
লতাপাদপসঙ্ঘাতং সিংহাধ্যুষিতকন্দরম্ ।। 5.56.19 ।।।।
56.20
ব্যাঘ্রসঙ্ঘসমাকীর্ণং স্বাদুমূলকফলদ্রুমম্ ।
। 5.56.20 ।।।।
56.21
তমারুরোহ হনুমান্ পর্বতং পবনাত্মজঃ ।
রামদর্শনশীঘ্রেণ প্রহর্ষেণাভিচোদিতঃ ।। 5.56.21 ।।।।
56.22
তেন পাদতলাক্রান্তা রম্যেষু গিরিসানুষু ।
সঘোষাঃ সমশীর্যন্ত শিলাশ্চূর্ণীকৃতাস্ততঃ ।। 5.56.22 ।।।।
56.23
স তমারুহ্য শৈলেন্দ্রং ব্যবর্ধত ব্যবর্ধত মহাকপিঃ ।
দক্ষিণাদুত্তরং পারং প্রার্থয়ন্ লবণাম্ভসঃ ।। 5.56.23 ।।।।
56.24
অধিরূহ্য ততো বীরঃ পর্বতং পবনাত্মজঃ ।
দদর্শ সাগরং ভীমং মীনোরগনিষেবিতম্ ।। 5.56.24 ।।।।
56.25
স মারুত ইবাকাশং মারুতস্যাত্মসম্ভবঃ ।
প্রপেদে হরিশার্দূলো দক্ষিণাদুত্তরাং দিশম্ ।। 5.56.25 ।।।।
56.26
স তদা পীডিতস্তেন কপিনা পর্বতোত্তমঃ ।
ররাস সহ তৈর্ভূতৈঃ প্রবিশন্ বসুধাতলম্ ।কম্পমানৈশ্চ শিখরৈঃ পতদ্ভিরপি চ দ্রুমৈঃ ।। 5.56.26 ।।।।
56.27
তস্যোরুবেগোন্মথিতাঃ পাদপাঃ পুষ্পশালিনঃ ।
নিপেতুর্ভূতলে রুগ্ণাঃ শক্রায়ুধহতা ইব ।। 5.56.27 ।।।।
56.28
কন্দরান্তরসংস্থানাং পীডিতানাং মহৌজসাম্ ।
সিংহানাং নিনদো ভীমো নভো ভিন্দন্ স শুশ্রুবে ।। 5.56.28 ।।।।
56.29
স্রস্তব্যাবিদ্ধবসনা ব্যাকুলীকৃতভূষণাঃ ।
বিদ্যাধর্যঃ সমুত্পেতুঃ সহসা ধরণীধরাৎ ।। 5.56.29 ।।।।
56.30
অতিপ্রমাণা বলিনো দীপ্তজিহ্বা মহাবিষাঃ ।
নিপীডিতশিরোগ্রীবা ব্যবেষ্টন্ত মহাহয়ঃ ।। 5.56.30 ।।।।
56.31
কিন্নরোরগগন্ধর্বয়ক্ষবিদ্যাধরাস্তদা ।
পীডিতং তং নগবরং ত্যক্ত্বা গগনমাস্থিতাঃ ।। 5.56.31 ।।।।
56.32
স চ ভূমিধরঃ শ্রীমান্ বলিনা তেন পীডিতঃ ।
সবৃক্ষশিখরোদগ্রঃ প্রবিবেশ রসাতলম্ ।। 5.56.32 ।।।।
56.33
দশয়োজনবিস্তারস্ত্রিংশদ্যোজনমুচ্ছ্রিতঃ ।
ধরণ্যাং সমতাং যাতঃ স বভূব ধরাধরঃ ।। 5.56.33 ।।।।
56.34
স লিলঙ্ঘয়িষুর্ভীমং সলীলং লবণার্ণবম্ ।
কল্লোলাস্ফালবেলান্তমুত্পপাত নভো হরিঃ ।। 5.56.34 ।।