Utshovসর্গ 22
22.1
ততঃ সীতামুপাগম্য রাক্ষস্যো বিকৃতাননাঃ ।
পরুষং পরুষা নার্য ঊচুস্তা বাক্যমপ্রিয়ম্ ।। ৫.২২.১।।।।
22.2
কিং ত্বমন্তঃপুরে সীতে সর্বভূতমনোহরে ।
মহার্হশয়নোপেতে ন বাসমনুমন্যসে ।। ৫.২২.২।।।।
22.3
মানুষী মানুষস্যৈব ভার্যাত্বং বহু মন্যসে ।
প্রত্যাহর মনো রামান্ন ত্বং জাতু ভবিষ্যসি ।। ৫.২২.৩।।।।
22.4
মানুষী মানুষং তং তু রামমিচ্ছসি শোভনে ।
রাজ্যাদ্ভ্রষ্টমসিদ্ধার্থং বিক্লবং তমনিন্দিতে ।। ৫.২২.৪।।।।
22.5
রাক্ষসীনাং বচঃ শ্রুত্বা সীতা পদ্মনিভেক্ষণা ।
নেত্রাভ্যামশ্রুপূর্ণাভ্যামিদং বচনমব্রবীৎ ।। ৫.২২.৫।।।।
22.6
যদিদং লোকবিদ্বিষ্টমুদাহরথ সঙ্গতাঃ ।
নৈতন্মনসি বাক্যং মে কিল্বিষং প্রতিতিষ্ঠতি ।। ৫.২২.৬।।।।
22.7
ন মানুষী রাক্ষসস্য ভার্যা ভবিতুমর্হতি ।
কামং খাদত মাং সর্বা ন করিষ্যামি বো বচঃ ।দীনো বা রাজ্যহীনো বা যো মে ভর্তা স মে গুরুঃ ।। ৫.২২.৭।।।।
22.8
সীতায়া বচনং শ্রুত্বা রাক্ষস্যঃ ক্রোধমূর্ছিতাঃ ।
ভর্ত্সয়ন্তি স্ম পরুষৈর্বাক্যৈ রাবণচোদিতাঃ ।। ৫.২২.৮।।।।
22.9
অবলীনঃ স নির্বাক্যো হনুমাঞ্শিংশপাদ্রুমে ।
সীতাং সন্তর্জয়ন্তীস্তা রাক্ষসীরশৃণোত্কপিঃ ।। ৫.২২.৯।।।।
22.10
তামভিক্রম্য সংরব্ধা বেপমানাং সমন্ততঃ ।
ভৃশং সংলিলিহুর্দীপ্তান্প্রলম্বদশনচ্ছদান্ ।। ৫.২২.১০।।।।
22.11
ঊচুশ্চ পরমক্রুদ্ধাঃ প্রগৃহ্যাশু পরশ্বধান্ ।
নেয়মর্হতি ভর্তারং রাবণং রাক্ষসাধিপম্ ।। ৫.২২.১১।।।।
22.12
সা ভর্ত্স্যমানা ভীমাভী রাক্ষসীভির্বরাননা ।
সা বাষ্পমপমার্জন্তী শিংশপাং তামুপাগমৎ ।। ৫.২২.১২।।।।
22.13
ততস্তাং শিংশপাং সীতা রাক্ষসীভিঃ সমাবৃতা ।
অভিগম্য বিশালাক্ষী তস্থৌ শোকপরিপ্লুতা ।। ৫.২২.১৩।।।।
22.14
তাং কৃশাং দীনবদনাং মলিনাম্বরধারিণীম্ ।
ভর্ত্সয়াং চক্রিরে ভীমা রাক্ষস্যস্তাঃ সমন্ততঃ ।। ৫.২২.১৪।।।।
22.15
ততস্তাং বিনতা নাম রাক্ষসী ভীমদর্শনা ।
অব্রবীত্কুপিতাকারা করালা নির্ণতোদরী ।। ৫.২২.১৫।।।।
22.16
সীতে পর্যাপ্তমেতাবদ্ভর্তৃস্নেহো নিদর্শিতঃ ।
সর্বত্রাতিকৃতং ভদ্রে ব্যসনায়োপকল্পতে ।। ৫.২২.১৬।।।।
22.17
পরিতুষ্টাস্মি ভদ্রং তে মানুষস্তে কৃতো বিধিঃ ।
মমাপি তু বচঃ পথ্যং ব্রুবন্ত্যাঃ কুরু মৈথিলি ।। ৫.২২.১৭।।।।
22.18
রাবণং ভজ ভর্তারং ভর্তারং সর্বরক্ষসাম্ ।
বিক্রান্তং রূপবন্তং চ সুরেশমিব বাসবম্ ।। ৫.২২.১৮।।।।
22.19
দক্ষিণং ত্যাগশীলং চ সর্বস্য প্রিয়বাদিনম্ ।
মানুষং কৃপণং রামং ত্যক্ত্বা রাবণমাশ্রয় ।। ৫.২২.১৯।।।।
22.20
দিব্যাঙ্গরাগা বৈদেহি দিব্যাভরণভূষিতা ।
অদ্য প্রভৃতি সর্বেষাং লোকানামীশ্বরী ভব ।অগ্নেঃ স্বাহা যথা দেবী শচীবেন্দ্রস্য শোভনে ।। ৫.২২.২০।।।।
22.21
কিং তে রামেণ বৈদেহি কৃপণেন গতায়ুষা ।
। ৫.২২.২১।।।।
22.22
এতদুক্তং চ মে বাক্যং যদি ত্বং ন করিষ্যসি ।
অস্মিন্মুহূর্তে সর্বাস্ত্বাং ভক্ষয়িষ্যামহে বয়ম্ ।।৫.২২.২২।।।।
22.23
অন্যা তু বিকটা নাম লম্বমানপয়োধরা ।
অব্রবীত্কুপিতা সীতাং মুষ্টিমুদ্যম্য গর্জতী ।। ৫.২২.২৩।।।।
22.24
বহূন্যপ্রতিরূপাণি বচনানি সুদুর্মতে ।
অনুক্রোশান্মৃদুত্বাচ্চ সোঢানি তব মৈথিলি ।ন চ নঃ কুরুষে বাক্যং হিতং কালপুরস্কৃতম্ ।। ৫.২২.২৪।।।।
22.25
আনীতাসি সমুদ্রস্য পারমন্যৈর্দুরাসদম্ ।
রাবণান্তঃপুরং ঘোরং প্রবিষ্টা চাসি মৈথিলি ।। ৫.২২.২৫।।।।
22.26
রাবণস্য গৃহে রুধা অস্মাভিস্তু সুরক্ষিতা ।
ন ত্বাং শক্তঃ পরিত্রাতুমপি সাক্ষাত্পুরন্দরঃ ।। ৫.২২.২৬।।।।
22.27
কুরুষ্ব হিতবাদিন্যা বচনং মম মৈথিলি ।
অলমশ্রুপ্রপাতেন ত্যজ শোকমনর্থকম্ ।। ৫.২২.২৭।।।।
22.28
ভজ প্রীতিং প্রহর্ষং চ ত্যজৈতাং নিত্যদৈন্যতাম্ ।
সীতে রাক্ষসরাজেন সহ ক্রীড যথাসুখম্ ।। ৫.২২.২৮।।।।
22.29
জানাসি হি যথা ভীরু স্ত্রীণাং যৌবনমধ্রুবম্ ।
যাবন্ন তে ব্যতিক্রামেত্তাবত্সুখমবাপ্নুহি ।। ৫.২২.২৯।।।।
22.30
উদ্যানানি চ রম্যাণি পর্বতোপবনানি চ ।
সহ রাক্ষসরাজেন চর ত্বং মদিরেক্ষণে ।। ৫.২২.৩০।।।।
22.31
স্ত্রীসহস্রাণি তে সপ্ত বশে স্থাস্যন্তি সুন্দরি ।
রাবণং ভজ ভর্তারং ভর্তারং সর্বরক্ষসাম্ ।। ৫.২২.৩১।।।।
22.32
উত্পাট্য বা তে হৃদয়ং ভক্ষয়িষ্যামি মৈথিলি ।
যদি মে ব্যাহৃতং বাক্যং ন যথাবত্করিষ্যসি ।। ৫.২২.৩২।।।।
22.33
ততশ্চণ্ডোদরী নাম রাক্ষসী ক্রূরদর্শনা ।
ভ্রাময়ন্তী মহচ্ছূলমিদং বচনমব্রবীৎ ।। ৫.২২.৩৩।।।।
22.34
ইমাং হরিণলোকাক্ষীং ত্রাসোত্কম্পপয়োধরাম্ ।
রাবণেন হৃতাং দৃষ্ট্বা দৌর্হৃদো মে মহানভূৎ ।। ৫.২২.৩৪।।।।
22.35
যকৃত্প্লীহমথোত্পীডং হৃদয়ং চ সবন্ধনম্ ।
অন্ত্রাণ্যপি তথা শীর্ষং খাদেয়মিতি মে মতিঃ ।। ৫.২২.৩৫।।।।
22.36
ততস্তু প্রঘসা নাম রাক্ষসী বাক্যমব্রবীৎ ।
কণ্ঠমস্যা নৃশংসায়াঃ পীডয়ামঃ কিমাস্যতে ।। ৫.২২.৩৬।।।।
22.37
নিবেদ্যতাং ততো রাজ্ঞে মানুষী সা মৃতেতি হ ।
নাত্র কশ্চন সন্দেহঃ খাদতেতি স বক্ষ্যতি ।। ৫.২২.৩৭।।।।
22.38
ততস্ত্বজামুখী নাম রাক্ষসী বাক্যমব্রবীৎ ।
বিশস্যেমাং ততঃ সর্বান্সমান্কুরুত পীলুকান্ ।। ৫.২২.৩৮।।।।
22.39
বিভজাম ততঃ সর্বা বিবাদো মে ন রোচতে ।
পেয়মানীয়তাং ক্ষিপ্রং মাল্যং চ বিবিধং বহু ।। ৫.২২.৩৯।।।।
22.40
ততঃ শূর্পণখা নাম রাক্ষসী বাক্যমব্রবীৎ ।
অজামুখা যদুক্তং হি তদেব মম রোচতে ।। ৫.২২.৪০।।।।
22.41
সুরা চানীয়তাং ক্ষিপ্রং সর্বশোকবিনাশিনী ।
মানুষং মাংসমাসাদ্য নৃত্যামোঽথ নিকুম্ভিলাম্ ।। ৫.২২.৪১।।।।
22.42
এবং সম্ভর্ত্স্যমানা সা সীতা সুরসুতোপমা ।
রাক্ষসীভিঃ সুঘোরাভির্ধৈর্যমুত্সৃজ্য রোদিতি ।। ৫.২২.৪২।।